ការ Jailbreak គឺជារឿងដ៏ចាំបាច់មួយសម្រាប់អ្នកប្រើប្រាស់ស្មាតហ្វូន ឬថេប្លេតរបស់ Apple ប្រសិនបើពួកគេចង់តម្លើងមុខងារប្លែកៗបន្ថែម ក៏ដូចជា Theme សំរាប់តុបតែងឧបករណ៍របស់ខ្លួនជាដើម។
បើនិយាយពី Theme វិញ យើងសង្កេតឃើញថា ភាគច្រើនមាននៅតែលើ iPhone
តែប៉ុណ្ណោះ មិនសូវសំបូរសម្រាប់ iPad ឡើយ
ហើយយើងក៏ធ្លាប់បានណែនាំ Theme
ជាច្រើនផងដែរកាលពីអត្ថបទមុនៗ។
ដោយឡែក សម្រាប់ថ្ងៃនេះវិញ យើងបានពាំនាំយក Theme ដ៏ស្រស់ស្អាតមួយ មកបង្ហាញជូនប្រិយមិត្តទាំងអស់គ្នា ដើម្បីកែច្នៃមុខមាត់ iPhone ឬ iPad របស់អ្នកអោយកាន់តែប្លែកជាងមុន។
Ace N ជា Theme
ដ៏វិសេសមួយដែលត្រូវបានផលិតឡើងជាមួយនឹងកំរិតរូបភាពខ្ពស់ ពោលគឺ
Icon នីមួយៗមានលក្ខណៈស្រស់ស្អាត
និងពណ៌ដិតច្បាស់ល្អគួរអោយទាក់ភ្នែក។ ជាមួយនឹង Style Icon
ប្លែកៗដែលបានច្នៃឡើងជាង 100 Icon នឹងជួយអោយ Icon កម្មវិធី
ឬហ្គេមរបស់អ្នកទាំងអស់ប្ដូររូបរាងទៅជារាងមូលបីជ្រុង
និងមានប្រហោងតូចមួយនៅជ្រុងខាងស្ដាំផ្នែកខាងលើនៃ Icon នីមួយៗ
ហើយអ្នកអាចធ្វើការប្ដូរផ្ទាំង Wallpaper
បន្ថែមដោយខ្លួនឯងដើម្បីអោយស៊ីគ្នាទៅនឹង Theme នេះផងដែរ។
ដើម្បីធ្វើការតម្លើង Theme នេះ សូមអ្នកទាំងអស់គ្នាចូលទៅកាន់ Cydia -> វាយពាក្យ Ace N (សំរាប់ iPhone) ឬ Ace N For iPad (សំរាប់ iPad) រួចធ្វើការតម្លើងជាការស្រេច។
បញ្ជាក់៖ សូមអ្នកធ្វើការបន្ថែម Source “repo.biteyourapple.net” ជាមុនសិន ដើម្បីធ្វើការតម្លើង Theme នេះដោយឥតគិតថ្លៃ។
បន្ទាប់ពីតម្លើង Theme នេះរួច សូមអ្នកចូលទៅកាន់ WinterBoard ->
Select Themes -> ជ្រើសរើសយក Ace N ឬ Ace N For iPad រួចធ្វើការ
Respring ជាការស្រេច។
សម្រាប់ Theme និង Tweak បន្ថែម យើងនឹងបង្ហាញជូនជាបន្ដនៅអត្ថបទក្រោយៗទៀត!
ទំព័រដើម http://cambo-report.com
Post a Comment