លោកស្រី Laura Toone គឺជាមេផ្ទះដ៏រវល់មួយរូប
ព្រោះអីគាត់ត្រូវធ្វើការងារខាងក្រៅផង ក្នុងផ្ទះផង មើលកូនផង
និងត្រូវមើលថែសត្វឆ្កែចំនួនពីរក្បាលទៀត។ នៅថ្ងៃមួយ
ដោយសារភាពរវល់របស់គាត់ ហើយមិនសូវបានដាក់ចំណី
នឹងមើលថែសត្វឆ្កែបានដិតដល់ បានធ្វើអោយវាខឹងនឹងម្ចាស់ស្រី
ហើយក៏បានហក់ខាំអ្នកស្រី Laura តែម្តង។
ឆ្កែទាំងពីររបស់គាត់បានខាំម្រាមដៃអ្នកស្រី Laura ខ្លាំងណាស់
សឹងតែដាច់តែម្តង
ហើយគាត់ក៏បានប្រញាប់ប្រញាល់លើកទូរស័ព្ទខលទៅហៅឡានពេទ្យ
ប៉ុន្តែដោយសារដៃគាត់ជោគជាំទៅដោយឈាមពេកទើបគាត់បានស្រែកហៅ
ជំនួយពីកូនៗរបស់គាត់។ កូនស្រីអាយុបួនឆ្នាំរបស់គាត់
បែរជាស្រែកទ្រហ៊ោរយំ
និងភ័យស្លន់ស្លោបន្ទាប់ពីឃើញស្ថានភាពម្តាយ បែបនោះ
ហើយនាងក៏មិនបានលើកទូរស័ព្ទហៅទៅរកជំនួយដែរ។
ដោយឡែកកូនពៅរបស់ Laura ដែលមានអាយុត្រឹមតែពីឆ្នាំនោះ
បានរត់ទៅបន្ទប់ទឹក យកក្រដាសជូតមាត់ ហើយយកមកជូន iPhone
ម្តាយដែលជោគជាំដោយឈាមចេញ ហើយក៏បានប្រើ Facetime
ខលទៅមិត្តភក្កិរបស់ម្តាយខ្លួន។
អ្នកស្រី Connie Guerreo ដែលជាមិត្តភក្កិរបស់ជនរងគ្រោះបាននិយាយថា “
នៅពេលដែលគាត់ទទួលទូរស័ព្ទដំបូង
គាត់ឃើញតែក្បាលរបស់ក្មេងតូចនោះប៉ុណ្ណោះ
ហើយក៏បានលឺសម្លេងតិចៗរបស់កុមារនោះ”
បន្ទាប់មកទៀតក៏លឺជនរងគ្រោះស្រែកអោយជួយ។
បន្ទាប់ពីបានហៅជំនួយហើយ ឡានពេទ្យបានមកដល់ផ្ទះជនរងគ្រោះ
និងបានលាងរបួស និងរុំដៃអោយជនរងគ្រោះ។
អ្វីដែលនឹកស្មានមិនដល់ នឹងគួរអោយភ្ញាក់ផ្អើលបំផុតនោះ
គឺក្មេងត្រឹមតែអាយុពីរឆ្នាំចេះប្រើ Facetime សម្រាប់ទាក់ទង។
មូលហេតុនេះក៏ដោយសារ ជនរងគ្រោះឧស្សាហ៍អោយកូនគាត់លេង iPhone
ដែលជាហេតុវាស៊ាំនឹងការប្រើទៅហើយ។
សូមទស្សនាវីដេអូខាងក្រោមនេះទាំងអស់គ្នា អំពីសម្តីផ្ទាល់របស់ជនរងគ្រោះ និងកុមារាគួរអោយស្រឡាញ់មួយនេះ។
គូសបញ្ជាក់ផងដែរថា Facetime គឺជាមុខងារទំនាក់ទំនងគ្នាយ៉ាងពិសេសរបស់ iOS ដែលលោកអ្នកអាចទំនាក់ទំនងជាសម្លេង រឺក៏វីដេអូស្រដៀងនឹង Skype ដែរ ប៉ុន្តែវាមានលក្ខណៈល្អជាង។ ប្រសិនបើអ្នកមិនទាន់ចេះប្រើវាទេ លោកអ្នកអាចស្វែងយល់បន្ថែមជាមួយ Cambo Report ដោយគ្រាន់តែ ចុចត្រង់នេះ ដើម្បីសិក្សាបន្ថែម។
Post a Comment