បើយើងនិយាយពីបច្ចេកវិទ្យា ប្រើប្រាស់អ៊ីនធឺណែតនៅលើទូរស័ព្ទ
នោះវាគឺជាប្រធានបទដ៏ក្តៅគគុកមួយនៅក្នុងប្រទេសកម្ពុជាយើង
ព្រោះអីសព្វថ្ងៃនេះ ប្រព័ន្ធ 3G
នៅមិនទាន់មានគ្របដណ្តប់គ្រប់តំបន់ផង
ប៉ុន្តែឥលូវនេះប្រទេសគេមានគម្រោងបង្កើតប្រព័ន្ធ 5G បាត់ទៅហើយ។
នៅក្នុងពេលថ្មីៗនេះ ក្រុមហ៊ុន Huawei
ដែលជាក្រុមហ៊ុនបច្ចេកវិទ្យាមួយដ៏ធំរបស់ប្រទេសចិន
បានវិនិយោគនូវទឹកប្រាក់ជាង 600លានដុល្លាឯណោះ
ចាប់ពីឆ្នាំនេះដល់ 2018 ក្នុងការបង្កើតប្រព័ន្ធ 5G។
សូមរំលឹកផងដែរថា Huawei គឺជាក្រុមហ៊ុនបច្ចេកវិទ្យាខាងបណ្តាញ
(Network) ដ៏ធំលំដាប់លេខពីរ
ហើយសព្វថ្ងៃនេះខ្លួនកំពុងមានកិច្ចសហប្រតិបត្តិការណ៍ច្រើនជាមួយ
ក្រុមហ៊ុនអន្តរជាតិ ក្នុងការផ្គត់ផ្គង់សម្ភារៈ
និងបច្ចេកវិទ្យាទំនើបចុងក្រោយរបស់ខ្លួន។
លោក Wen Tong ដែលជានាយកស្រាវជ្រាវផ្នកបណ្តាញទំនាក់ទំនង
បានទៅទីក្រុង London ក្នុងពេលថ្មីៗនេះ
ដើម្បីបើកកិច្ចពិភាក្សាទាក់ទងនឹងគម្រោងបង្កើតប្រព័ន្ធ 5G
ហើយនេះគឺជាព៌តមានលំអិតទាក់ទងនឹងបច្ចកវិទ្យា 5G នេះ។
1. តើបច្ចេកវិទ្យា 5G បានបើកអោយប្រើប្រាស់ហើយរឺនៅ?
នាពេលបច្ចុប្បន្ននេះ បច្ចេកវិទ្យា 5G គឺស្ថិតនៅក្នុងដំណាក់កាល
បន្តសិក្សាស្រាវជ្រាវនៅឡើយទេ។ ហើយនៅឆ្នាំក្រោយនេះតើ Huawei
នឹងលើកយកបច្ចេកវិទ្យា 5G មកពិភាក្សា
និងកែតម្រូវអោយត្រូវនឹងស្តង់ដាទៀត ក្នុងព្រឹត្តិការណ៍ World
Radio Communication Conference ដែលបួនឆ្នាំមានម្តង។
ប្រសិនបើជាអ្វីៗត្រូវបានសម្រេច
និងយល់ព្រមទាក់ទងនឹងស្តង់ដារបស់ 5G ហើយ នោះ Huawei
នឹងចាប់ផ្តើមបើកផលិត សម្ភារៈ និងទូរស័ព្ទដែលអាចប្រើប្រាស់ 5G
តែម្តង។
ដូច្នេះវាអាចនឹងបើកអោយប្រើប្រាស់ជាផ្លូវការនៅកំឡុងឆ្នាំ
2017 ទៅ 2020។
2. តើ 5G មានលក្ខណៈពិសេសយ៉ាងដូចម្តេចខ្លះទៅ?
ល្បឿនរបស់ 5G គឺលឿនជាង ប្រព័ន្ធ 3G រាប់ពាន់ដងឯណោះ
ដែលនៅពេលដែលអ្នកប្រើប្រាស់អ៊ីនធឺណែតម្តងៗ
គឺអ្នកមិនចាំបាច់រង់ចាំឡើយ។ អ្វីគឺរហ័សទាន់ចិត្តបំផុត
ប្រៀបដូចអ្វីៗគឺនៅក្នងដៃរបស់អ្នកអញ្ជឹង។
3. តើវាដំណើរការដោយរបៀបណាទៅ?
យើងមិនចាំបាច់បង្កើនទំហំ Bandwidth អោយធំជាងមុននោះទេ
ប៉ុន្តែយើងនឹងអភិវឌ្ឍន៍អង់តែនបញ្ជូនទិន្ន័យរបស់យើង
អោយកាន់តែខ្លាំងជាងមុន
ហើយសម្រាប់សន្ទះស្រូបយកទិន្នន័យលើទូរស័ព្ទ
ក៏ត្រូវតែមានឥទ្ធិពលខ្លាំងជាងមុនផងដែរ។ លោក Tong
ដែលជានាយកស្រាវជ្រាវផ្នែក Network ក៏បានអោយដឹងដែរថា
យើងនឹងស្រាវជ្រាវបង្កើត អង់តែនទូរស័ព្ទប្រភេទថ្មីមួយទៀត
ដែលអាចចាប់យកទិន្នន័យបានខ្លាំងជាង
អង់តែនដែលប្រើប្រាស់រាល់ថ្ងៃ។
4. តើនរណាគេជាអ្នកចំណាយក្នុងការបង្កើតប្រព័ន្ធ 5G នេះ
គំរោងបង្កើតប្រព័ន្ធ 5G មួយនេះគឺនឹងត្រូវចំណាយធនធានច្រើនណាស់
ហើយអ្នកដែលនឹងត្រូវចំណាយលើថ្លៃបង្កើតប្រព័ន្ធ 5G
នេះគឺក្រុមហ៊ុនផ្គត់ផ្គង់សេវាទូរស័ព្ទតែម្តង។
ដូច្នេះប្រសិនបើជាសេវាទូរស័ព្ទណា ចង់ផ្គត់ផ្គង់សេវា 5G
ទៅអោយអ្នកប្រើប្រាស់
នោះខ្លួនត្រូវតែវិនិយោគលុយយ៉ាងច្រើនសន្ធឹកសន្ធាប់សិន
យ៉ាងតិចក៏ រាប់សិបលានដុល្លាដែរ។
5. តើឧបសគ្គអ្វីខ្លះដែល ប្រព័ន្ធ 5G កំពុងតែជួបប្រទះ?
ប្រព័ន្ធ 5G គឺជាបណ្តាញអ៊ីណធឺណែតដ៏លឿនបំផុតមួយ ខ្លាំងជាង 3G
រាប់ពាន់ដងឯណោះ ដូច្នេះថ្មទូរស័ព្ទរបស់អ្នកប្រើប្រាស់
ប្រាកដជាធ្លាក់ចុះជាលំដាប់ផងដែរ។ ដូច្នេះបញ្ហាញចំពោះមុខ
ដែលយើងត្រូវតែដោះស្រាយនោះគឹ ក្រុមហ៊ុនទូរស័ព្ទទាំងអស់
ត្រូវបង្កើតថ្មទូរស័ព្ទមួយ ដែលអាចប្រើប្រាស់ប្រព័ន្ធ 5G
បានយូរ។ បញ្ហាមួយនេះមិនមែនងាយស្រួលក្នុងការដោះស្រាយនោះទេ
ប៉ុន្តែយើងនៅតែមានជំនឿទុកចិត្តលើក្រុមហ៊ុនទូរស័ព្ទកំពូលៗទាំង
នោះ។
ជាការពិតណាស់ ការដាក់បញ្ចេញអោយប្រើប្រាស់ប្រព័ន្ធ 5G
នេះគឺពិតជារឿងមួយដែលរហ័សពេកហើយ ព្រោះអីល្បឿនរបស់ 4G
គឺគ្រប់គ្រាប់ពេកហើយសម្រាប់អ្នកប្រើប្រាស់គ្រប់គ្នា។
បើក្រឡេកមកមើលប្រទេសកម្ពុជារបស់យើងវិញ ក៏មានប្រើប្រាស់ 4G
ផងដែរ ដោយផ្គត់ផ្គង់ដោយក្រុមហ៊ុន Emaxx 4G និង Smart Mobile
ជាដើម
ប៉ុន្តែពួកវានៅមិនទាន់បើកអោយប្រើប្រាស់ទូលំទូលាយនៅឡើយនោះទេ។
Post a Comment