Apple បញ្ចេញ iOS 8 ជំនាន់​សាក​ល្បង​ទី5 ហើយ ដែល​វា​បន្ត​មាន​ការ​ផ្លាស់​ប្តូរ​ជា​ច្រើន​ទៀត

ប្រព័ន្ធប្រតិបត្តិការណ៍ iOS 8 ជំនាន់​ថ្មី​របស់​ក្រុម​ហ៊ុន Apple គឺ​ពោរ​ពេញ​ទៅ​ដោយ​មុខ​ងារ​ថ្មីៗ និង​លក្ខណៈ​ពិសេស​ជា​ច្រើន ហួស​ពី​ការ​រំពឹង​ទុក​ទៅ​ទៀត។ ដោយ​ឡែក នៅ​ក្នុង iOS 8 ជំនាន់​សាកល្បង​ទី 5 នេះ​វិញ យើង​សង្កេត​ឃើញ​ថា វា​មាន​បន្ថែម​លក្ខណៈ​ពិសេស​មួយ​ចំនួន​ទៀត គួរ​អោយ​ចាប់​អារម្មណ៍។ ខាង​ក្រោម​នេះ គឺ​ជា​លក្ខណៈ​ពិសេស​ៗ​ថ្មី​របស់ iOS 8 Beta 5 ដែល​យើង​សង្កេត​ឃើញ​មាន:

• នៅពេលដែលយើងផ្ញើសារចេញ វាមានលោតសម្លេងថ្មីមួយទៀត
• មុខងារ Home Data ត្រូវបានផ្លាស់ប្តូរទៅជាឈ្មោះ Homekit
• ផ្លាស់ប្តូរលំដាប់នៅមុខងារ Settings > General > Restrictions
• មុខងារ វាស់កម្រិតដង្ហើមបានបញ្ចូលទៅក្នុងកម្មវិធី Healthkit
• អូសចុះក្រោម ដើម្បីបង្ហាញ Spotlight គឺមានភាពរហ័សជាងមុន
• ត្រង់មុខងារ Spotlight នឹងមានសភាព ព្រាល នៅលើ iDevice ស៊េរីចាស់ៗ
• កន្លែងផ្លាស់ប្តូរ Brightness បានផ្លាស់ប្តូរ មកដាក់នៅខាងក្រៅ មិន​នៅ​ជាមួយ Wallpaper Setting

• Icon ថ្មី សម្រាប់មុខងារ iCloud, iCloud Family Sharing, iCloud Drive, Backup, និង Keychai

• មុខងារ Predictive Keyboard អាច បិទបើកបាន ទៅតាមតម្រូវការ

• មានជំរើស Optimize iPhone Storage និង Download and Keep Original ដែល​មុខ​ងារ​នេះ នឹង​ដោន​ឡូដ​រូបភាព និង​វីដេអូ​ដោយ​ស្វ័យប្រវត្តិ ចេញ​ពី​ឯកសារ​ដែល​បាន​រក្សា​ទុក​លើ​មេឃ (Back up file)
• កម្មវិធី Photo នឹងបង្ហាញពីទីតាំង នៃរូបភាពដែលបានថត

• នៅពេលដែលអ្នក Restore iPhone, iPad, iPod touch របស់អ្នក វា​នឹង​បង្ហាញ ឡូហ្គូ ពណ៌​ក្រហម មិន​មែន​ពណ៌​ខៀវ​ទេ

កាលបរិច្ឋេទនៃការបញ្ចេញកំណែអាប់ដេត iOS 8 អាច​នឹង​បើក​ជាផ្លូវ​ការ​នៅ​ខែ​កញ្ញា​ខាង​មុខ​នេះ​ហើយ តែ​វា​អាច​នឹង​ពន្យា​ពេល​ដល់​ខែ​តុលា ប្រសិន​បើ Apple ដាក់​បង្ហាញ iPhone 6 នៅ​ខែ​តុលា។ នា​ពេល​បច្ចុប្បន្ន​នេះ មាន​តែ​អ្នក​ដែល​បាន​ចុះ​ឈ្មោះ​ធ្វើ​ជាអ្នក​អភិវឌ្ឍន៍ iOS ប៉ុណ្ណោះ ដែល​អាច​ប្រើ​ប្រាស់ iOS 8 ជំនាន់​សាក​ល្បង​បាន ដូច្នេះ​សូម​មាន​ការ​អត់ធ្មត់​ទាំង​អស់គ្នា ដើម្បី​ទទួល​យក​បទ​ពិសោធន៍​ថ្មី​ពី​ក្រុមហ៊ុន ​Apple។