អ៊ឺនធើណេតជាផ្នែកមួយដ៏សម្រាប់បំផុត សម្រាប់មនុស្សប្រចាំថ្ងៃ
ព្រោះរាល់ការប្រើប្រាស់មុខងារ និងកម្មវិធីទាំងអស់
ភាគច្រើនត្រូវការអ៊ឺនធើណេត។ ដោយឡែកដើម្បីប្រើប្រាស់អ៊ឺនធើណេត
នៅលើស្មាតហ្វូន និងថេប្លេតគឺមានវិធីពីរយ៉ាង
ទីមួយគឺតាមស៊ីមកាត (3G ឬ LTE) និងមួយទៀតគឺតាមរយៈ Wi-Fi។
យ៉ាងណាមិញ ក្នុងការភ្ជាប់ប្រព័ន្ធអ៊ឺនធើណេត និង Wi-fi គឺវាត្រូវចំនាយថាមពលថ្មរបស់ឧបករណ៍យើងច្រើនជាពិសេសគឺ 3G និង LTE តែម្ដង ដូចនេះអ្នកគប្បីប្រើតាមរយៈ Wi-Fi ល្អជាងដើម្បីចំនាយថាមពលថ្មតិចជាង 3G និង LTE។ ជាទូទៅអ្នកប្រើប្រាស់មួយចំនួន នៅពេលដែលធ្វើការភ្ជាប់ iPhone របស់ខ្លួនទៅកាន់ Wi-Fi ច្រើនតែភ្លេចបិទប្រព័ន្ធ 3G ដែលធ្វើអោយ iPhone ត្រូវចំនាយថាមពលថ្មទៅលើ Wi-Fi ផង និង 3G ទៀតផង។ ទាក់ទិននឹងបញ្ហានេះយើង សូមធ្វើការណែនាំ Tweak សាមញ្ញមួយដែលអាចជួយដោះស្រាយបញ្ហាដែលបានលើកឡើងខាងលើបាន។
Smart 3G+LTE ជា Tweak ដ៏ឆ្លាតវៃអាចជួយផ្អាកដំណើរការមុខងារ 3G និង LTE
របស់ iPhone ដោយស្វ័យប្រវត្តិ នៅពេលដែលយើងធ្វើការតភ្ជាប់ទៅ
Wi-Fi ហើយនៅពេលដែលយើងផ្ដាច់ប្រព័ន្ធ Wi-Fi ចេញវិញ មុខងារ 3G
និង LTE នឹងដំណើរការវិញធម្មតា។ លើសពីនេះ
វាបានភ្ជាប់មកជាមួយនឹងមុខងារពិសេសមួយទៀត ដែលនៅពេលយើងបិទ
Locksreen របស់ iPhone យើង ប្រព័ន្ធ 3G និង LTE
នឹងផ្អាកដំណើរការដោយស្វ័យប្រវត្តិតែម្ដង។
ដើម្បីតម្លើង Tweak ដ៏ឆ្លាតមួយនេះ សូមអ្នកចូលទៅកាន់ Cydia ដោយគ្រាន់តែធ្វើការបន្ថែម Source ខ្លះៗដូចជា http://Repo.biteyourapple.net/ ឬ http://repo.hackyouriphone.org/ ។ បន្ទាប់មកសូមធ្វើការស្វែងរក Tweak នេះជាមួយនឹងពាក្យ Smart 3G+LTE ហើយធ្វើការតម្លើងជាការស្រេច។
ក្រោយពីតម្លើងរួច សូមចូលទៅកាន់ Settings និងធ្វើការ Enabled Tweak
នេះដើម្បីអោយវាដំណើរការ។ បន្ទាប់មកអ្នកអាចសាកល្បងបើក 3G
នៅលើ iPhone របស់អ្នកធម្មតា រួចធ្វើការភ្ជាប់ទៅកាន់ Wi-Fi
នោះអ្នកនឹងសង្កេតឃើញថាមុខងារ 3G ឬ Cellular Data
នឹងផ្អាកដំណើរការដោយស្វ័យប្រវត្តិតែម្ដង។
ម្យ៉ាងទៀតអ្នកអាចធ្វើការ Enable Lock Option ដើម្បីអោយមុខងារ
3G ឬ Cellular Data ផ្អាកដំណើរការនៅពេលដែលអ្នកបិទ Lockscreen
របស់ iPhone អ្នក។
សូមបញ្ជាក់ផងដែរថា Smart 3G+LTE នេះអាចដំណើរការបាននៅ iPhone និង
iPad 3G/LTE ជំនាន់ 7.0 ឡើងទៅ
ហើយខេមបូក៏បានធ្វើការតេស្ដសាកល្បងនៅលើ iPad Air ជំនាន់
7.0.4 ដោយគ្មានបញ្ហាអ្វីឡើយ ហើយវាពិតជាមានប្រយោជន៍
និងជួយកាត់បន្ថយការប្រើប្រាស់ថាមពលថ្មដោយប្រយោលតាមរយៈ
Cellular Data បានយ៉ាងប្រសើរ។ យ៉ាងណាមិញ
មុននឹងអ្នកធ្វើការតម្លើង Tweak នេះ
សូមធ្វើការសម្រេចចិត្តដោយខ្លួនឯង
ព្រោះយើងមិនទទួលខុសត្រូវនូវរាល់បញ្ហាដែលកើតមានដោយចៃដន្យ
ឡើយ!
ទំព័រដើម http://cambo-report.com
Post a Comment