បច្ចុប្បន្នខ្ញុំសង្កេតឃើញថា បណ្ដាអ្នកប្រើប្រាស់ iPhone និង iPad គឺមានចំនួនច្រើន ហើយបន្ទាប់ពីធ្វើការ Jailbreak រួចមានអ្នកប្រើប្រាស់មួយចំនួនចូលចិត្តបញ្ចូលកម្មវិធី Tweak និង Theme ផ្សេងៗដើម្បីកែច្នៃឧបករណ៍របស់ខ្លួនតាមចំនូលចិត្តរបស់ពួកគេ ដោយឡែក មានប្រិយមិត្តខ្លះបានត្អូញត្អែរថា នៅពេលដែលមានគេខ្ចី iPad ឬ iPhone របស់ខ្លួនជាពិសេសក្មេងៗតែម្ដង ហើយពេលយកមកវិញ homescreen តែងតែមានភាពរញ៉េរញ៉ៃ ឬកម្មវិធីនិងហ្គេមខ្លះត្រូវបានលុបចេញ ដោយជារឿងមួយគួរអោយធុញទ្រាន់ណាស់។ ដើម្បីដោះស្រាយបញ្ហានេះក្រុមអ្នកផលិត Tweak ដាក់ក្នុង Cydia បានបង្កើត Tweak ដ៏ពិសេសមួយដែលអាចអោយយើងចាក់សោរ Icons នៅលើ Homescreen របស់យើងដើម្បីកុំអោយមានគេផ្លាស់ប្ដូរទីតាំង ឬលុបចេញជាដើម ហើយ Tweak ដ៏ពិសេសនេះមានឈ្មោះថា IconLock7។
ដើម្បីទទួលបាន IconLock7 សូមអ្នកចូលទៅកាន់ Cydia —> Search —> រួចវាយពាក្យ IconLock7 បន្ទាប់មកធ្វើការ install ហើយ Restart Springboard ជាការស្រេច។ សូមបញ្ជាក់ IconLock7 ដាក់អោយដោនឡូតដោយឥតគិតថ្លៃនៅក្នុង Cyida ហើយអ្នកក៏មិនចាំបាច់បន្ថែម Source អ្វីដែរ ប៉ុន្ដែប្រសិនបើអ្នកទាំងអស់គ្នារក Tweak នេះមិនឃើញទេ សូមធ្វើការ Refresh Cydia រួចធ្វើការ Search ម្ដងទៀត។
បន្ទាប់ពីធ្វើការតម្លើង Tweak នេះរួច សូមចុច (Hold) ទៅលើ Icon ណាមួយនៅលើ Homescreen អោយជាប់ ហើយវានឹងលោតផ្ទាំងអោយយើងធ្វើការកំនត់លេខសំងាត់ថ្មីរបស់អ្នក បន្ទាប់មកអ្នកអាចចូលទៅកាន់ Setting ហើយចូលទៅកាន់ IconLock7 ដើម្បី បិទឬបើកអោយ Tweak នេះដំណើរការ និងអាចធ្វើការប្ដូរលេខសំងាត់របស់អ្នកនៅទីនេះ។ ដូចនេះ iPhone និង iPad របស់អ្នកនឹងមានសុវត្ថិភាពពីការលុបកម្មវិធីឬហ្គេមដោយចៃដន្យ និងលែងរញ៉េរញ៉ៃទៀតហើយបន្ទាប់ពីអោយគេខ្ចី។
ទំព័រដើម http://cambo-report.com/
Post a Comment