អស់រយៈពេលជាងបីខាងហើយ ដែល iOS 7.0.x អាច Jailbreak បាន
ហើយអ្នកទាំងអស់គ្នាធ្លាប់បានសាកល្បងប្រើប្រាស់នូវ Tweak
ពិសេសៗច្រើនណាស់ ដែលមានដូចជា Springtomize 3, Winterboard,
Cyclinder, និង Vertex ជាដើម។
ថ្វីត្បិតតែមានអ្នកប្រើប្រាស់មួយចំនួនបានអាប់ដេតទៅកាន់ iOS
7.1 ដែលមិនអាច Jailbreak បានយ៉ាងណាក៏ដោយ ក៏ប៉ុន្តែ Tweak
ល្អៗនៅតែលេចចេញជារូបរាងម្តងមួយៗមិនដាច់ឡើយ។
Auxo គឺជាកំពូល Tweak ដ៏ល្បីល្បាញមួយ ចាប់តាំងពី iOS 6 មកម្ល៉េះ ដែលវាអាចផ្លាស់ប្តូរស្ទីល Multitasking របស់អ្នក អោយមានរូបរាងថ្មី និងគួរអោយទាក់ទាញជាងមុន។ នៅក្នុងជំនាន់ថ្មីនេះ Axuo 2 កាន់តែមានសមត្ថភាពខ្ពស់ជាងមុន និងស៊ីគ្នាណាស់ ជាមួយ iOS 7។ Tweak មួយនេះ មានលក្ខណៈពិសេសធំៗបី គឺ Multi-Center, Quick Switcher និង Hot Coners។
មុខងារ Multi-Center គឺជាមុខងារដែលវាផ្តាច់ Control Centre យើងជាពីរផ្នែក គឺផ្នែកខាងលើ និងខាងក្រោម។ ផ្នែកខាងលើ អ្នកអាចប្រើដើម្បី បិទបើក Wi-Fi, Bluetooth, Airplane Mode, AirDrop និង Air Play ជាដើម។ វាធ្វើអោយទូរស័ព្ទរបស់យើងកាន់តែមានរបៀបរៀបរយ និងងាយស្រួលក្នុងការប្រើប្រាស់ជាងមុនឆ្ងាយ។
ចំណែកឯមុខងារទីពីរដែលមានឈ្មោះថា Quick Switcher នោះវិញ
គឺវាអនុញ្ញាតិអោយអ្នកបើកកម្មវិធី ចាស់ៗ (Recent Apps)
ដោយគ្រាន់តែអូសដៃពីក្រោមឡើងលើតែប៉ុណ្ណោះ។
ដូច្នេះអ្នកមិនចាំបាច់ចុចប៊ូតុង Home ពីរដងដើម្បីទៅកាន់
Multi-tasking ឡើយ។
ចំណែកឯមុខងារទីបីរបស់វានោះគឺមុខងារ Hot Corner ដែលយើងអាចរំកិលមើលកម្មវិធីចាស់ៗបានដោយគ្រាន់តែបញ្ជាលើ icon ខាងក្រោមតែប៉ុណ្ណោះ។ វាមានរូបរាងប្លែកគួរអោយចង់ប្រើប្រាស់ ដែលនេះគឺជាមុខងារពិសេសជាងគេបំផុតរបស់ Auxo។
តម្រូវការ
- iPhone និង iPod Touch ដែលដំណើរការដោយ iOS 7.O.X
- ឧបករណ៍របស់អ្នកត្រូវតែបាន Jailbreak រួចហើយ
វិធីតម្លើង និងប្រើប្រាស់
- បើកកម្មវិធី Cydia ហើយចូលទៅកាន់ Manage > Source > Edit > Add វាយពាក្យ (http://apt.178.com) រួចចុច Add
- ស្វែងរកពាក្យ “Auxo 2” នៅក្នុង Cydia រួចតម្លើងវា
- ចូលទៅកាន់ Setting > Auxo 2 និងបើកមុខងារផ្សេងៗដូចជា Multi-Centre, Quick switch។ យើងក៏អាចធ្វើការសម្រួលអ្វីបានជាច្រើនទៀត នៅក្នុងនោះ
- ឥលូវនេះសាកល្បង ចុចប៊ូតុង Home ពីរដង រឺកីអូសម្រាមដៃពីក្រោមឡើងលើនៅលើ iPhone អ្នក នោះអ្នកនឹងឃើញមានអ្វីផ្លាស់ប្តូរជាក់ជាមិនខាន។
ដើម្បីអោយដឹងកាន់តែច្បាស់ពីរបៀបប្រើប្រាស់វា សូមទស្សនាវីដេអូនេះទាំងអស់គ្នា
គួរអោយសោកស្តាយដែរ ដែល Tweak មួយនេះមិនទាន់អាចប្រើប្រាស់ជាមួយ iPad
នៅឡើយទេ ប៉ុន្តែអ្នកបង្កើតវានឹងបញ្ចេញ iPad Version
ក្នុងពេលឆាប់ៗនេះ។ ប្រសិនបើអ្នកទាំងអស់គ្នាពេញចិត្តនឹង Tweak
ដ៏ឡូយមួយនេះ សូមជួយចែកចាយទៅកាន់មិត្តភក្កិរបស់អ្នកផង។
ទំព័រដើម http://cambo-report.com
Post a Comment