ជាការពិតណាស់ Galaxy S5
គឺជាកំពូលស្មាតហ្វូនជំនាន់ទីប្រាំរបស់ក្រុមហ៊ុន Samsung ហើយ
ដែលវាបានបំពាក់មកជាមួយបច្ចេកវិទ្យាទំនើបៗ
លក្ខណៈសម្បត្តិ្ពខ្ពស់ជាងស្មាតហ្វូនដទៃ។
វាបានបំពាក់មកជាមួយអេក្រង់ប្រភេទ Super AMOLED ទំហំ 5.1
អ៊ីញដែលមានគុណភាពខ្ពស់ កម្លាំងម៉ាស៊ីនខ្លាំង ចំណែកឯ Software
របស់វាវិញ ក៏មានភាពលេចធ្លោផងដែរ។
ខាងក្រោមនេះគឺជាគន្លឺះពិសេសទាំង 10 ដែលអ្នកអាចអនុវត្តន៍នៅលើ
Galaxy S5 របស់អ្នកបាន ដើម្បីទទួលបានបទពិសោធន៍កាន់តែពិសេសពីវា។
1. ដាក់ប្រព័ន្ធសុវត្ថិភាពស្កេនម្រាមដៃ
Galaxy S5 បានបំពាក់មកជាមួយបច្ចេកវិទ្យាថ្មី
គឺទ្រនាប់ស្កេនម្រាមដៃនៅជាប់នឹងប៊ូតុង Home ដែរ
ដែលវាមានលក្ខណៈទំនើប សុវត្ថិភាព និងងាយស្រួលប្រើប្រាស់។
ដើម្បីដាក់មុខងារនេះ សូមបើក Setting > Finger Scanner
រួចបន្ថែមស្នាមម្រាមដៃរបស់យើងចូលជាការស្រេច
ដែលវាអាចស្គាល់បានដល់ទៅ 3 ម្រាមដៃឯណោះ។
2. បន្ថែមព៌តមានផ្ទាល់ខ្លួនយើងនៅលើផ្ទៃ Lockscreen
ជាការពិតណាស់ ជួនកាលអ្នកអាចជ្រុះបាត់ទូរស័ព្ទរបស់អ្នកនៅកន្លែងណាមួយ
ហើយអ្នកដែលរើសបានប្រាកដជាមានភាពលំបាកក្នុងការទំនាក់ទំនងមក
ម្ចាស់ដើម។ ទោះបីជាកម្រមានមនុស្សល្អបែបនេះយ៉ាងណាក៏ដោយ
ក៏ប៉ុន្តែយើងគួរតែដាក់ពត៌មានរបស់យើងនៅលើ Lockscreen
ដូចជាលេខទូរស័ព្ទ រឺក៏អ៊ីម៉ែលដើម្បីអោយគេទាក់ទង។
ដើម្បីបន្ថែមពត៌មាននេះ សូមចូលទៅកាន់ Setting > Lockscreen >
Lockscreen information។
3. ផ្លាស់ប្តូរកន្លែង Setting ទោជាប្រភេទ List View
នៅកន្លែង Setting របស់ Galaxy S5
ដូចជាមានសភាពខុសប្លែកពីទូរស័ព្ទដទៃបន្តិច ព្រោះអីវាបានបង្ហាញជាប្រភេទ
icon (Thumbnails View)ដែលជាពិបាក និងរញ៉េរញ៉ៃបន្តិច។
យើងអាចធ្វើអោយវាមានភាពសាមញ្ញនិងងាយស្រួលក្នុងការប្រើជាងមុន
បានដោយគ្រាន់តែចូល Setting ចុចចំណុចអុចបី ដែលនៅខាងស្តាំ
ហើយជ្រើសរើសយក List View ជាការស្រេច។
4. ផ្លាស់ប្តូរទីតាំងនៃកន្លែង របារបង្ហាញព៌តមាន
ប្រសិនបើអ្នកឧស្សាហ៍ប្រើមុខងារណាមួយញឹកញ៉ាប់ជាងគេ ដូចជា Power Saving,
រឺ Multi-Windows រឺ Data Network នោះ យើងអាចរំកិលវា
មកដាក់របារខាងលើនៃ Notification
បានដើម្បីប្រើបានដោយរហ័សជាងមុន។ ដើម្បីបន្ថែមរបារទាំងនោះ
មកដាក់របារខាងមុខ យើងគ្រាន់តែអូសពីលើចុះក្រោម ចុចត្រង់ការ៉េ
> ចុចខ្មៅដៃ > រួចហើយរំកិលជំរើសណាមួយដែលអ្នកចាក់បាន
ពីខាងក្រោម មកដាក់ខាងលើ រឺខាងមុខជាការស្រេច។
5. កែសម្រួលមុខងារ Toolbox
Toolbox គឺជារបារតូចមួយ
ដែលវាមានផ្ទុកទៅដោយកម្មវិធីដែលអ្នកគិតថាមានប្រយោជន៍មួយចំនួន
និងចង់បើកវាក្នុងរយៈពេលខ្លី។
ប្រសិនបើអ្នកមមាញឹកនៅក្នុងការប្រើប្រាស់
ហើយត្រូវការលោតចេញពីកម្មវិធីមួយ ទៅកម្មវិធីមួយទៀតដោយរហ័សនោះ
អ្នកគួរតែជ្រើសរើសយក Toolbox នេះ។ យើងអាចបើក Toolbox
បានដោយចូលទៅកាន់ Setting > Toolbox > ចុចបើកវាអោយដំណើរការ។
យើងអាច Edit បន្ថែមកម្មវិធីណា ដែលយើងគិតថាមានប្រយោជន៍ចូលបាន
ទៅតាមតម្រូវការរបស់អ្នក។
6. មុខងារ Multi-Windows
មុខងារនេះគឺជាមុខងារដ៏ពិសេសមួយ របស់ Samsung
ព្រោះអីវាអនុញ្ញាត្តិអោយយើងដំណើរការហ្គេម
និងកម្មវិធីបានរយៈក្នុងពេលតែមួយបានដោយរហ័សបំផុត។ មុខងារនេះ
គឺវាស្រដៀងទៅនឹងមុខងាររបស់ប្រព័ន្ធប្រតិបត្តិការណ៍ Windows ដែរ។
ដើម្បីដំណើរការមុខងារនេះ សូមអូសរបារដំណឹងចុះក្រោម
រួចហើយចុចបើក Multi-Windows ។ បន្ទាប់មកទៀត
អ្នកនឹងឃើញមានចំណុចមួយលោតនៅផ្នែកខាងគេមនៃទូរស័ព្ទ។
សូមចុចបើកវា ដើម្បីដំណើរការការបើកកម្មវិធីពីរក្នុងពេលតែមួយ។
7. ធ្វើអោយទូរស័ព្ទអ្នក ដើរលឿនជាងមុន តាមរយៈបង្កើនល្បឿន Transition និង Animation
ពពួក iPhone គេតម្លើង Tweak ឈ្មោះថា Fakeclockup ចំណែកឯពួក Android
វិញគឺគ្រាន់តែចូលទៅកាន់ Setting > Developer Options >
ចុះទៅក្រោមរកពាក្យ Windows Animation Scale និងTransition Scale
ហើយប្តូរវាទៅ Animation scale 0.5.x។ ប្រសិនបើអ្នកមិនឃើញមានជម្រើស
Developer Options ទេ សូមចុច Setting > About phone >
ហើយចុចអោយញ៉ាប់លើពាក្យ Build Number ជាការស្រេច។
8. បើក Power Saving Mode
Saving Mode អាចសន្សំសំចៃថ្មទូរស័ព្ទអ្នក អោយបានច្រើនជាងមុន
យ៉ាងមានប្រសិទ្ធភាព
ពោលវានឹងបិទមុខងារដែលឥតបានការចោលទាំងអស់។
ដើម្បីបើកមុខងារនេះ សូមចូលទៅកាន់ Setting > Power Saving >
ហើយបើក Power Saving Mode។ សូមបិទ Graysale Mode
ព្រោះអីវានឹងធ្វើអោយទូរស័ព្ទចេញជាផ្ទៃពណ៌ប្រផេះ។
វាក៏មានភ្ជាប់មកជាមួយសន្សំសំចៃថ្មខ្ពស់ផងដែរ ពោលថ្មត្រឹមតែ
10% អ្នកអាចប្រើបានដប់ម៉ោង ដោយគ្រាន់តែបើក Ultra Power Saving។
9. ប្រើប្រាស់ Launcher ផ្សេងៗ
ប្រសិនបើអ្នកគិតថា ផ្ទៃអេក្រង់រចនាបថ TouchWiz របស់ Samsung
មានភាពស៊ាំញាំរញ៉េរញៃក្នុងការប្រើប្រាស់
នោះយើងក៏អាចសាកល្បងទទួលយកបទពិសោធន៍ថ្មីតាមរយៈការផ្លាស់ប្តូរ
Launcher ផងដែរ។ អ្នកទាំងអស់គ្នាអាចសាកល្បង Launcher ឈ្មោះថា
Nova, Themer, Yahoo Launcher, រឺក៏ Google Launcher ជាដើម។
សូមរីករាយនៅក្នុងការប្រើប្រាស់ ហើយគន្លឹះមួយចំនួនទៀត
អ្នកទាំងអស់គ្នាក៏អាចអនុវត្តន៏បាននៅលើទូរស័ព្ទ Android
ដទៃបានផងដែរ។
Post a Comment