ឧបករណ៍ដែលបានភ្ជាប់ទៅកាន់គេហទំព័រណាមួយតាមរយះអ៊ីនធើណេត
ដែលធ្វើឲ្យជីវិតកាន់តែងាយស្រួលសំរាប់យើងទាំងអស់គ្នាក្នុងការ
ស្វែងរកនូវពត៌មានថ្មីៗ សកម្មភាពក្នុងសង្គមនិងអន្តរជាតិ
ប៉ុន្តែប្រព័ន្ធសុវត្ថិភាពពិតជាសំខាន់ណាស់ក្នុងការប្រើប្រាស់
ឧបករណ៍ទាំងនោះឲ្យបានត្រឹមត្រូវនិងមិនប៉ះពាល់ដល់ទិន្នន័យរបស់
អ្នក។ អ្នកគួរគិតពីរដងមុននឺងអ្នកធ្វើការចែករំលែកអាស័យដ្ឋាន
ឬពត៌មានដែលទាក់ទងនិងខ្លួនរបស់អ្នកនៅលើបណ្តាញសង្គម ឬ
តាមរយះទូរទស្សន៍ជាដើម ជាពិសេសការ ការពារជាមុនទើបប្រសើរ។
តាមអ្នកស្រាវជ្រាវនៅ HP’s Fortify ផ្នែកប្រព័ន្ធសុវត្ថិភាព
បានធ្វើការស្ទង់មតិ
ពីផ្ទះ10ផ្សេងៗគ្នាដែលមានឧបករណ៍បានភ្ជាប់ទៅកាន់អ៊ីនធើណេតរួច
ឲ្យបានដឹងថាពួកគេបានរកឃើញ
នៅក្នុងផលិតផលទាំងអស់នោះដែលគេកំពុងប្រើប្រាស់គឺ
មានកំហុសឆ្គងផ្នែកប្រព័ន្ធសុវត្ថិភាព 250
ចំនុចដែលជាឱកាសល្អសំរាប់ Hacker
ដូចនេះមានន័យថារាល់ឧបករណ៍នីមួយៗមាន 25 ចំនុចកំហុសឆ្គង។
តាមរបាយការរបស់ HP’s Fortify មិនបានបង្ហាញម៉ាកនោះទេ
តែពួកគេបានឲ្យដឹងថារាល់ឧបករណ៍ទាំងនោះមានដូចជា
ទូរទស្សន៍ឆ្លាតវ័យដែលអាចភ្ជាប់ទៅកាន់អ៊ីនធើណេតបាន កុំព្យទ័រ
និងឧបករណ៍ចែកចាយអ៊ីនធើណេតបន្ត(Hub, Router)
និងឧបករណ៍មួយចំនួនទៀតដែលបានភ្ជាប់ទៅកាន់អ៊ីនធើណេតរួច។
វាជារឿងដែលមិនល្អ
ដែលប្រព័ន្ធសុវត្ថិភាពត្រូវបានរងការគំរាមគំហែង
ដោយការភ្ជាប់ទៅកាន់គេហទំព័រណាមួយដែលគ្មានសុវត្ថិភាពក៏ជាចំនុច
ចំបងប៉ះពាល់ដល់ឧបករណ៍យើងផងដែរ។
យើងមិនគួររំលងនៅរាល់ឧបករណ៍ដែលបានភ្ជាប់ទៅកាន់អ៊ីនធើណេតរួច
វានឹងអាចមានផលប៉ះពាល់តិចឬច្រើននៅថ្ងៃណាមួយ។
Post a Comment