អ្នកដែលទើបតែប្រើប្រាស់ iPhone, iPad
មួយចំនួនប្រាកដជាមានចំងល់ខ្លាំងណាស់ ថាតើអ្វីទៅជាការ Jailbreak
? ហើយតើវាផ្តល់អត្ថប្រយោជន៍
និងមានសារៈសំខាន់យ៉ាងណាខ្លះចំពោះអ្នកនោះ?
ការ Jailbreak ឧបករណ៍ iPhone, iPad
គឺជាការរំដោះឧបករណ៍អ្នកចេញពីគុក ពោលយើងអាចចាត់ចែងឯកសារ System
អាចតម្លើងអ្វីៗផ្សេងៗបានដោយសេរីនិងមានភាពងាយស្រួលបំផុត។
បន្ទាប់ពីបាន Jailbreak រួច យើងអាចតម្លើងពុម្ព
និងក្តារចុចអក្សរខ្មែរ អាចផ្លាស់ប្តូរ Theme និងតម្លើង Tweak ជាដើម។
របៀបនៃការ Jailbreak ឧបករណ៍ iPhone, iPad, iPod touch
គឺមានភាពងាយស្រួលនោះទេ ប៉ុន្តែយើងគួរតែដឹងពីបញ្ហា
និងចំណេះដឹងទូទៅមួយចំនួនផងដែរ ទាក់ទងនឹងការ Jailbreak នេះ។
1. រៀងរាល់ពេលដែលយើងធ្វើការ Jailbreak ឧបករណ៍ iPhone, iPad, iPod Touch
អ្នកគួរគប្បីចម្លងឯកសារទាំងអស់របស់វាទុកសិនតាមរយៈធ្វើការ Back
Up ដោយប្រើកម្មវិធី iTunes ក្នុងកុំព្យូទ័រ។ ព្រោះអីកំឡុងពេលនៃការ
Jailbreak នេះ វាអាចនឹងប្រទះ
ជួបបញ្ហា ហើយតម្រូវអោយអ្នកអាប់ដេតទូរស័ព្ទទៅ iOS ជំនាន់ក្រោយម្តងទៀត ដែលធ្វើអោយបាត់ឯកសារអស់គ្មានសល់។
2. សូមកុំអាប់ដេត iDevice របស់អ្នក ទៅកាន់ iOS
ជំនាន់ចុងក្រោយបង្អស់តាមរយៈ Setting > Software Update ឡើយ
ព្រោះអីក្នុងកំឡុងពេលធ្វើការ Jailbreak
នោះឧបករណ៍អ្នកនឹងគាំងជាប់មិនទៅមុខ។
ដូច្នេះសូមធ្វើការអាប់ដេតប្រព័ន្ធប្រតិបត្តិការណ៍ iDevice
របស់អ្នកតាមរយៈកម្មវិធី iTunes លើកុំព្យូទ័រ។
3. បន្ទាប់ពីអ្នក Jailbreak បានសម្រេចហើយ ហាមដាច់ខាតចូលទៅកន្លែង
Setting > general > Reset All setting រឺក៏ Reset All content and
Setting អោយសោះ។ ព្រោះប្រសិនបើអ្នកធ្វើការ Reset All Setting
នោះអ្នកនឹងបាត់កម្មវិធី Cydia ចេញពីផ្ទៃអេក្រង់ជាក់ជាមិនខាន
ហើយអាចនឹងគាំងជាប់ត្រង់ឡូហ្គូ Apple ទៀតផង។
ប្រសិនបើជាអ្នកបានកម្មវិធី Cydia ចេញពីទូរស័ព្ទអ្នកហើយ
អ្នកគួរតែធ្វើការអាប់ដេតទៅកាន់ iOS 7.1.2 សឹមធ្វើការ Jailbreak
ម្តងទៀត។
4. តម្លើងកម្មវិធីឈ្មោះថា “ iFile “ ចេញពី Cydia
ដែលកម្មវិធីនេះប្រើដើម្បីចាត់ចែងឯកសារនានានៅលើទូរស័ព្ទអ្នក
ដូចទៅនឹង File manager របស់ Androi ដែរ។ យើងក៏អាចប្រើកម្មវិធីនេះ
ដើម្បីតាមដានមើលថា តើ Tweak
ណាមួយធ្វើអោយទូរស័ព្ទអ្នកមានបញ្ហាផងដែរ ដោយចូលទៅកាន់ កន្លែង
/var/mobile/library/logs/CrashReporters/
ហើយរាល់ឯកសារដែលផ្តើមពីពាក្យ LatestCrash.ips
គឺសុទ្ធតែជាឈ្មោះកម្មវិធីដែលបង្ករបញ្ហ។
5. ប្រសិនបើជាអ្នកបានតម្លើង Tweak ណាមួយ ហើយ iPhone, iPad, iPod touch
របស់អ្នកបានគាំងជាប់ត្រង់ផ្ទៃអេក្រង់ខ្មៅ លោតចុះឡើង
អ្នកអាចជួយសង្គ្រោះបានដោយគ្រាន់តែធ្វើតាមវិធីខ្លីៗខាងក្រោម
នេះ។ ជាដំបូងយើងបិទទូរស័ព្ទយើងតាមរយៈធ្វើការ Hard Reset សិន
(បិទទាំងបង្ខំ) ដោយចុចប៊ូតុង Home និងប៊ូតុង Power អោយជាប់បានរយៈពេល
8 វិនាទីរហូតរលត់ទូរស័ព្ទ។ បន្ទាប់មកទៀតចុចប៊ូតុង Home + Power +
ប៊ូតុងតម្លើងសម្លេងជាប់គ្នាបានពីរវិនាទីរហូតលោតចេញឡូហ្គូ Apple
រួចប្រលែងពីរចេញ លើកលែងប៊ូតុង តម្លើងសម្លេងមួយ រហូតដល់
ទូរស័ព្ទវាលោតដូចដើមវិញ។ ដល់ពេលវាលោតធម្មតាហើយ សូមបើកកម្មវិធី
Cydia និងលុប Tweak ណាដែលអ្នកគិតថាគ្រោះថ្នាក់ រឺបង្ករបញ្ហា
រួចបិទបើកទូរស័ព្ទជាការស្រេច។
វិធីទាំងនេះ
គឺជាវិធីល្អៗដែលលោកអ្នកគួរតែយល់ដឹងបន្ថែមមុនពេលដែលអ្នកធ្វើការ
Jailbreak និងបន្ទាប់ពីការ Jailbreak រួចរាល់។ ទន្ទឹមនឹងនេះដែរ
មុននឹងអ្នកតម្លើង Tweak ណាមួយចេញពី Cydia
សូមធ្វើការពិចារណាអោយបានល្អិតល្អន់សិន
ថាតើវាអាចបំពេញមុខងារដែលយើងចង់បានរឺក៏អត់ ព្រោះអី Tweak
អត់បានការជាច្រើនបានធ្វើអោយឧបករណ៍របស់អ្នកគាំងជាប់ធ្វើអ្វីមិន
កើត រឺក៏អាចធ្វើអោយ iDevice អ្នកដំណើការយឺតជាដើម។
Post a Comment