ជាការពិតណាស់
ទូរស័ព្ទមួយទឹកនៅប្រទេសកម្ពុជារបស់យើងមានការពេញនិយមខ្ពស់
ដោយសារវាមានតម្លៃថោកជាង ទូរស័ព្ទថ្មី
ហើយណាមួយទៀតសម្រាប់អ្នកគ្មានលទ្ធភាពទិញរបស់ថ្មី ។
ក្នុងពេលសព្វថ្ងៃនេះ យើងសង្កេតឃើញថា ទីផ្សារ iPhone មួយទឹក
គឺមានច្រើនជាងគេ គេដោយសារផលិតផលវា មាន សភាពល្អប្រើប្រាស់
ខុសពីផលិតផលមួយទឹកដ៏ទៃ
ណាមួយទៀតវាក៏ជាផលិតផលពេញនិយមទូទាំងសកលលោកផងដែរ។
ឆ្លងកាត់តាមបទពិសោធន៏របស់យើង ថ្ងៃនេះ Cambo Report
មានគន្លឺះខ្លះៗ ដែលយើងគួរពិនិត្យទៅលើទូរស័ព្ទ iPhone មួយទឹក
ចៀសវាងស្តាយក្រោយនៅពេលក្រោយ។
1.ជើងស៊ីម
សព្វថ្ងៃនេះមាន iPhone មួយចំនួនតូច ដែលជាប់កុងត្រា
មិនអាចប្រើប្រាស់ជាមួយស៊ីមដ៏ទៃបាន បានចរាចរណ៏ ចូលមក
ទីផ្សារកម្ពុជាច្រើនណាស់។ ជាប់កុងត្រាមានន័យថា
វាអាចប្រើប្រាស់បានតែសេវាទូរស័ព្ទមួយប្រភេទប៉ុណ្ណោះ
ក្នុងរយៈពេល មួយឬ ក៏ពីរឆ្នាំ ដែលភាគច្រើនមាននៅសហរដ្ឋអាមេរិច
ដូចជាប្រព័ន្ធ AT&T Sprint និង Verizon ជាដើម។
ទូរស័ព្ទជាប់កុងត្រាទាំងនោះមានតម្លៃថោកឆ្ងាយជាងទូរស័ព្ទមិនជាប់
កុងត្រា។ ប៉ុន្តែគេមានវិធីច្រើន
ដើម្បីកែច្នៃវាអោយអាចប្រើប្រាស់ស៊ីមផ្សេងបាន
ដោយប្រើប្រាស់ទ្រនាប់ជើងស៊ីម រឺក៏ Software ផ្សេងៗ។
នេះជាការប្រុងប្រយ័ត្នខ្ពស់បំផុតនៅពេលទិញទូរស័ព្ទ iPhone
ពីនរណាម្នាក់ ថាតើវាជាទូរស័ព្ទប្រើប្រាស់ទ្រនាប់ជើងស៊ីំម
រឺមិនប្រើប្រាស់ទ្រនាប់។
យើងអាចដឹងបាន ដោយដោះមើលជើងស៊ីម ប៉ុន្តែដើម្បីអោយច្បាស់
100ភាគរយនោះ
យើងអាចឆែកព៌តមានអំពីទូរស័ព្ទនោះបានដោយគ្រាន់តែចូលទៅកាន់
វែបសាយ http://iphoneimei.info/
រួចបញ្ចូលលេខ IMIE របស់ iPhone ទៅ នោះវានឹងបង្ហាញព៌តមានផ្សេងៗ
ជាពិសេសថាជាប់កុងត្រា រឺមិនជាប់កុងត្រា។ ដើម្បី មើលលេខ IMIE
សូមចូលទៅកាន់ Setting/General/About ហើយមើលត្រង់កន្លែង លេខ
IMIE។ ការប្រើប្រាស់ទ្រនាប់ជើងស៊ីម
គឺគ្រាន់តែជាការដោះស្រាយមួយគ្រាតែប៉ុណ្ណោះ
ហើយនៅពេលដែលយើងតម្លើង Version នោះវានឹងជាប់សោរម្តងទៀត
និងមិនងាយដោះស្រាយឡើយ។
2. Hardware ផ្សេងៗ
មនុស្សទូទៅធ្វើតេស្តទូរស័ព្ទ មួយទឹកដោយគេគ្រាន់
តែបើកកាមេរ៉ា ដំណើរការកម្មវិធីផ្សេងៗ និងខលចេញ ខលចូលប៉ុណ្ណោះ
ប៉ុន្តែគេខកខាន ការតេស្តកន្លែងសំខាន់អ្វីមួយ។ iPhone
មួយចំនួនមានបញ្ហា ខូចសេវា Wifi និងខ្លះទៀតបញ្ហា USB
ហើយបើយកទៅជួសជុល គឺអស់ច្រើនណាស់។ ទន្ទឹមនឹងនេះ ដែរ
ការពិនិត្យមើលគុណភាពអេក្រង់ ក៏ជាកត្តាចាំបាច់ផងដែរ
ពីព្រោះទូរស័ព្ទមួយទឹកខ្លះត្រូវបានដោះដូរ អេក្រង់ Original ចេញ
ហើយដាក់អេក្រង់គុណភាពអន់ ដែលឆាប់ឆ្កូត និងបែកបាក់។
ជាការពិតណាស់ ការរកជាវទិញទូរស័ព្ទមួយទឹក
ពិតជាមិនមែនជាជម្រើសល្អប៉ុន្មានទេ
ដោយសារយើងមិនបានដឹងពីប្រវិត្តិទូរស័ព្ទនោះច្បាស់លាស់
ណាមួយទៀតឆាប់ខូចជាងរបស់ ដែលទិញថ្មី។
ប៉ុន្តែបើយើងមិនមានលទ្ធភាពគ្រប់គ្រាន់
ក្នុងការជ្រើសរើសរបស់ថ្មី យើងគួរប្រុងប្រយ័ត្ន
និងពិនិត្យអោយបានដិតដល់បំផុត ហើយគួររកទិញនៅហាង
រឺពីនរណាម្នាក់ដែលគួរអោយទុកចិត្ត និងបើអាច គួរសួររក
ប័ណ្ណធានាផងដែរ។
Post a Comment