នាពេលបច្ចុប្បន្ននេះ Facebook បានក្លាយទៅជាពិភពមួយថ្មីទៅហើយ
សម្រាប់អ្នកប្រើប្រាស់គ្រប់គ្នា
ពីព្រោះវាអាចភ្ជាប់ទំនាក់ទំនងយើងយ៉ាងជិតស្និទ រវាងគ្រួសារ
មិត្តរួមថ្នាក់ និងមិត្តរួមការងារជាដើម។ មិនថាអ្នកណា
ក៏ដូចអ្នកណាដែរ គេចូលចិត្ត Post រឿងរ៉ាវផ្សេងៗប្រចាំថ្ងៃ
ដើម្បីចែករំលែកដល់មិត្តភក្កិ និងក្រុមគ្រួសារគេអោយបានដឹងលឺ
ប៉ុន្តែមានមនុស្សមួយចំនួន បានធ្វេសប្រហែស ចែកចាយព៌តមាន
និងរូបភាពឆ្គាំឆ្គង ដែលនាំអោយប៉ះពាល់ដល់ប្រយោជន៍ និងកិត្តយស។
ខាងក្រោមនេះ Post ទាំងដប់យ៉ាង ដែលអ្នកមិនគួរចែកចាយលើគណនី Facebook របស់អ្នកឡើយ។
1. រអ៊ូប្រាប់គេថា អ្នកធុញទ្រាន់នឹងការងាររបស់អ្នក
ទោះបីជាអ្នកធុញទ្រាន់ រឺហត់នឿយនឹងការងាររបស់អ្នកយ៉ាងណាក៏ដោយ
ក៏អ្នកមិនគួរចែកចាយវាទៅលើ Facebook ឡើយ
ព្រោះអីអ្នកដ៏ទៃអាចនឹងគិតថាអ្នកជាមនុស្សគ្មានសុជីវធ៌ម
និងមិនមានទំនួលខុសត្រូវ។
បើអ្នកធុញទ្រាន់នឹងការងារអ្នកជាខ្លាំង
ចុះហេតុអ្វីបានជាអ្នកនៅតែធ្វើការ?
សូមចៀសវាងនូវរាល់ការចែកចាយព៌តមានទាំងនេះ
ក្រែងលោមានមិត្តរួមការងារ រឺក៏មេរបស់អ្នកបានឃើញ។
2. រូបភាពឆ្កួតៗ របស់អ្នកដ៏ទៃ
ការចែកចាយរូបបែបកំប្លែង រឺឆ្កួតៗរបស់មិត្តភក្កិយើង
គឺជារឿងដ៏សប្បាយពិតមែន
ប៉ុន្តែវាអាចធ្វើអោយអ្នកដ៏ទៃខឹងច្រឡោតហួសពីការស្មាន។
រាល់ការចែកចាយព៌តមាន រឺរូបភាពរបស់នរណាម្នាក់
យើងគប្បីសួរការអនុញ្ញាតិជាមុនសិន ចៀសវាងបង្កជម្លោះ
ដោយសារការលេងសើច។
3. ព៌តមានសំខាន់ផ្ទាល់ខ្លួន
អ្នកប្រើប្រាស់ Facebook
មួយចំនួនធំនៅក្នុងប្រទេសកម្ពុជាមានមិត្តភក្កិរាប់ពាន់នាក់ឯណោះ
ហើយលោកអ្នកក៏មិនដឹងទេថា
មិត្តភក្កិណាមួយជាមនុស្សអាក្រក់ឡើយ។
ដូច្នេះការចែកចាយព៌តមានផ្សេងៗ ដូចជា អាស័យដ្ឋាន
ឈ្មោះក្រុមគ្រួសារ លេខទូរស័ព្ទជាដើម
បើសិនជាអាចលោកអ្នកគួរតែរក្សាវាទុកជារឿងសម្ងាត់ទៅ
ចៀសវាងអ្នកមានបំណងអាក្រក់ផ្សេងៗ។
4. ពាក្យជេរគ្នា រឺក៏ពាក្យអសុរស
ទោះបីជាអ្នកខឹងនរណាម្នាក់ខ្លាំងយ៉ាងណាក៏ដោយ ក៏ការជេរគេ
រឺនិយាយនូវពាក្យអសុរសផ្សេងៗ
គឺវានាំអោយកិត្តិយសរបស់អ្នកធ្លាក់ទៅតាមនោះដែរ។
មិនថានរណាម្នាក់ទេ ក៏ចេះជេរដែរ ប៉ុន្តែការជេរគ្នា
និយាយពាក្យអសុរស តាមរយៈ Status របស់យើងគឺខុសទាំងស្រុង។
5. រើសអើងពូជសាសន៍ និន្នាការនយោបាយ និងព៌ណសម្បុរ
លោកអ្នកមានសិទ្ធ ក្នុងការសម្រេចចិត្តផ្សេងៗ
ដោយគ្នានរណាម្នាក់បង្ខិតបង្ខំឡើយ ប៉ុន្តែអ្នកមិនគួរ Post
Status
ផ្សេងៗបង្ហាញពីការស្អប់ខ្ពើមដល់អ្នកដែលមានជម្រើសខុសពីយើងនោះ
ឡើយ ព្រោះវាធ្វើអោយអ្នកដ៏ទៃគិតថាយើងជាមនុស្ស អាត្មានិយម។
6. ព៌តមានរបស់អ្នកដ៏ទៃ
ការផ្សព្វផ្សាយព៌តមានរបស់អ្នកដ៏ទៃ
ដែលមិនមានការអនុញ្ញាតិគឺខុសទាំងស្រុង
ព្រោះអីយើងមិនដឹងថាម្ចាស់ព៌តមានចង់អោយមានគេដឹងលឺវា
រឺយ៉ាងណា។ ឧទាហរណ៏ថា មិត្តភក្កិរបស់អ្នកទើបតែបែកបាក់ពីសង្សារ
តើអ្នកគិតថាវាសមទេ ដែលយើងយកព៌តមាននេះមកចែកចាយពេញ
Facebook ដោយគ្មានការអនុញ្ញាតិ។
7. ពេលអ្នកទៅដើរលេងកន្លែងណាមួយ
ករណីនេះ ធ្លាប់បានបង្ករបញ្ហាជាច្រើនមកហើយនៅប្រទេសកម្ពុជាយើង
នៅពេលដែលអ្នកប្រើប្រាស់ Facebook
ប្រាប់ពីទីតាំងដែលខ្លួនកំពុងតាំងនៅ។ ចុះប្រសិនបើចោរប្រើប្រាស់
Facebook ដែរ ហើយដើរតាមយើង តើវានឹងមានរឿងអ្វីកើតឡើង?
ជម្រើសដ៏ល្អនោះអ្នក គួរចាកចេញពីកន្លែងនោះសិន សឹម Post
ពីទីតាំងដែលអ្នកបានតាំងនៅ។
8. កុំឧស្សាហ៍អួតពីរបស់ដែលអ្នកមាន
ការឧស្សាហ៍ចែកចាយរូបភាពនូវវត្ថុមានតម្លៃផ្សេងៗ នៅលើ Facebook
ច្រើនពេកគឺវាមិនសូវសមរម្យ ប៉ុន្មានទេ
ព្រោះវាអាចធ្វើអោយមិត្តភក្កិយើងណាម្នាក់តូចចិត្ត រឺក៏ច្រណែន។
9. រូបភាពផឹកស្រវឹង
នរណាម្នាក់ក៏ចេះផឹកគ្រឿងស្រវឹងដែរ
ប៉ុន្តែប្រសិនបើអ្នកឧស្សាហ៍បង្ហោះរូបភាពអ្នកពេលផឹកស្រា
រឺក៏ស្រវឹងពេក
វាអាចអោយមិត្តភក្កិខ្លះគិតថាយើងគឺជាមនុស្សប្រមឹកបាន។
10. រូបភាព អសីលធ៌ម និងស៊ិចស៊ី
Facebook ប្រៀបបាននឹងកំណត់ត្រាមួយអញ្ចឹង
ដូច្នេះប្រសិនបើអ្នកចូលចិត្តចែកចាយរូបភាព អសីលធ៌ម
រឺស៊ិចស៊ីរបស់អ្នកពេក
នៅថ្ងៃអនាគតវាអាចនឹងប៉ះពាល់ដល់កិត្តិយសអ្នក។
ថាមិនត្រូវអ្នកអាចក្លាយទៅជាអ្នកមានមុខមាត់ខ្ពង់ខ្ពស់
តែនៅពេលដែលគេដឹងពីរឿងអាស្រូវរបស់អ្នក
តើវានឹងក្លាយជាយ៉ាងណា។
ជាការពិតណាស់ Facebook
គឺពិតជាមានអត្ថប្រយោជន៍ច្រើនលើសលប់ពិតប្រាកដមែន
ប៉ុន្តែបើអ្នកប្រើប្រាស់វាក្នុងផ្លូវខុស
វាអាចធ្វើអោយជីវិតអ្នកជួបរឿងអាក្រក់
ថែមទាំងប៉ះពាល់ដល់កិត្តិយសផងដែរ។ ដូច្នេះ
មុននឹងធ្វើអ្វីមួយនៅលើ Facebook
ត្រូវសម្រេចចិត្តអោយបានច្បាស់ ព្រោះអីមានភ្នែករាប់រយ
រាប់ពាន់គូរ កំពុងសម្លឹងមើលយើង។
Post a Comment