វិធីសាស្រ្តងាយៗនៅពេលទូស័ព្ទ iPhone របស់អ្នកបើកមិនដំណើរការ

iPhone និង iPad មានការពេញនិយមយ៉ាងខ្លាំងនាពេលបច្ចប្បន្ននេះ។ ក៏ប៉ុន្តែមិនប្រាកដថាវាមានដំណើរការល្អ ១០០% ទាំងអស់នោះទេ ព្រោះតែមានបញ្ហាមួយចំនួនជាពិសេសនៅពេលវារលត់ហើយអ្នកព្យាយាមបើកវាតែបើកមិនចេញ។ បើតាមការអង្គេតមើល បញ្ហានេះកើតឡើងទៅលើទូស័ព្ទរបស់អ្នកប្រើប្រាស់ភាគច្រើន ហើយអ្នកប្រើប្រាស់ភាគច្រើនមិនដឹងដោះស្រាយយ៉ាងណា។ ជាហេតុនាំអោយ ពួកគេចំណាយពេលច្រើនក្នុងការយកវាទៅ​ អោយគេជួសជុល។​ វិធីសាស្រ្តខាងក្រោមនេះ ៩០% អាចធ្វើអោយទូស័ព្ទរបស់អ្នកដំណើរការ ហើយអាចដោះស្រាយបញ្ហាបានដោយខ្លួនឯង។

អាការៈរបស់វាភាគច្រើនគឺ នៅពេលដែលវារលត់អ្នកបា្រកដជា ចុចនៅប៊ូតុង Power អោយយូរដើម្បីបើកតែនៅតែមិនចេញ ឬក៏វាបង្ហាញជាសារ error ជាដើម។​ តោះយើងមើលជំហានងាយៗដូចខាងក្រោម៖​

ដាក់វាបញ្ជូលថ្ម អោយវាសាក ហើយរកចាំមើល iPhone, iPad និងiPod touch មានបញ្ហាបើកមិនកើត តែអ្នកដឹងថាវាមិនមែនមកពីខូចថ្មទេនោះអ្នកគួរតែយកវាទៅដាក់សាកថ្មមួយសន្ទុះ ហើយអ្នកចាំមើលវាប្រហែល ២-៥នាទី។ ប្រសិនបើវាមកពីអស់ថ្ម នោះក្រោយមកវានឹងបើកឡើងដោយខ្លួនវា។ តែបើវាមិនចូលថ្មទេ អ្នកគួរតែផ្លាស់ប្ដូរឆ្នាំងសាកព្រោះវាអាចមានបញ្ហាទៅលើខ្សែរ USB ផងដែរ ឬក៏អ្នកប្ដូររន្ធភ្លើងសាកថ្មកន្លែងផ្សេងទៀត។

ចុចប៊ូតុង Power + Home ប៊ូតុង វិធីនេះមានលក្ខណៈងាយស្រួល ហើយអ្នកប្រើប្រាស់ភាគច្រើនដឹងផងដែល។​​ ប្រសិនបើ ទូស័ព្ទរបស់អ្នកជួបបញ្ហាបែបនេះ ដោយសារវារលត់ដោយខ្លួនឯងនោះភាគច្រើនវាមកពី Hard reset។ អ្នកគ្រាន់តែយកម្រាមដៃរបស់អ្នកចុចអោយជាប់យូរនៅ Power ប៊ូតុង និង Home ប៊ូតុង អោយស្មើរគ្នារហូតទាល់តែអ្នកឃើញវាលេចចេញ Logo Apple មកនៅលើអេក្រង់។ Logo Apple នឹងលេចចេញមកក្នុងរយៈពេលប្រហែល ១០ ទៅ ២០ វិនាទីបន្ទាប់ពីអ្នកធ្វើវាហើយ។​

Restore ប្រព័ន្ធ iOS ជាមួយនឹង iTunes ប្រសិនបើអ្ន​កជួបប្រទះរលត់ទូស័ព្ទហើយតែវាបង្ហាញនៅសញ្ញាបែបនេះ វាប្រាប់អោយអ្នកត្រូវ Connect ជាមួយ iTunes ភា្លមដោយសារតែ iOS software នៅក្នុងទូស័ព្ទរបស់អ្នកត្រូវបានបំផ្លាញ ឬ corrupted។

ដើម្បីដោះស្រាយបញ្ហាបែបនេះអ្នកគួរតែប្រញាប់យក iPhone ឬ iPad ទៅ Connect ជាមួយកុំព្យូទ័រ Mac និង PC។​ អ្នកនឹងទទួលបានសារមកលើទូស័ព្ទរបស់អ្នកអោយ Recovery mode វាតំរូវអោយអ្នក updated ឬ restored ទូស័ព្ទអ្នកឡើងវិញ។​ វាហាក់បីដូចជាយើង update version ឡើងអញ្ជឹងដែល។ ការ restore វានឹងលុបចោលទិន្នន័យទាំងអស់នៅក្នុង iPhone និង iPad របស់អ្នក ហើយអ្នកអាចយកទិន្នន័យទាំងនោះមកបានតាមរយៈ iCloud។