តើការជីកឫសឧបករណ៏ Android របស់អ្នកគឺជាអ្វី? ការជីកឫសឧបរណ៏
Android របស់អ្នក គឺជាការរំដោះឧបករណ៏របស់អ្នក អោយមានសេរីភាព
ហើយនឹងធ្វើអោយមានផលប្រយោជន៏ច្រើនជាងមុន។
ការជីកឬសឧបករណ៏ Android គឺមិនមែនតែមានប្រយោជន៍សម្រាប់អ្នក
ជំនាញនោះទេ
ពោលគឺវាក៏មានអត្ថប្រយោជន៍ច្រើនណាស់ដែរសម្រាប់អ្នកប្រើប្រាស់
ទូទៅ។ លក្ខណៈនៃការជីកឬសនេះ គឺស្រដៀងនឹងការ Jailbreak
នៅលើឧបរណ៏ Apple ដែរ ដែលវាងាយស្រួលអាចតម្លើង
ពុម្ពអក្សរខ្មែរបាន លើកលែងតែ Android ជំនាន់ថ្មីៗនេះប៉ុណ្ណោះ
ដែលវាមានភ្ជាប់ស្រេចជាមួយពុម្ពអក្សរខ្មែរ។ ខាងក្រោមនេះ
ជាហេតុផលទាំង ប្រាំដែលលោកអ្នកត្រូវ ជីកឬសឧបករណ៏ Android
របស់លោកអ្នក។
5. បង្កើតល្បឿនទូរស័ព្ទ និងរក្សាថាមពលថ្មអោយបានយូរ
ការជីកឬសទូរស័ព្ទ របស់យើង អាចអោយយើងប្រើប្រាស់កម្មវីធី ពិសេសៗដូចជា SetCPU
ដែលអាចបង្កើនល្បឿន CPU និងបន្ថយល្បឿន CPU បានដោយសេរី។
លើសពីនេះទៅទៀត លោកអ្នកក៏អាចរក្សាដង្ហើមថ្ម
និងល្បឿននៃការប្រើប្រាស់បានដែរ ដោយប្រើប្រាស់កម្មវិធី Greentify ដោយវាអាចបិទកម្មវិធីដែលមិនចាំបាច់ប្រើប្រាស់បាន ដោយស្វ័យប្រវត្តិ និងមានមុខងារច្រើនជាងនេះទៀត។
4. អាចបន្ថែមមុខងារពិសេសៗ ដែលមិនមានពីមុន
នៅពេលដែលលោកអ្នកជីកឬសស្មាតហ្វូន របស់លោកអ្នកហើយ
លោកអ្នកអាចបន្ថែមមុខងារពិសេសផ្សេងៗបាន ដូចជាបន្ថែមមុខងារ Beats
Audio, និងមុខងារពិសេសផ្សេងទៀតពីទូរស័ព្ទដ៏ទៃ
មកដាក់លើទូរស័ព្ទរបស់អ្នក។
ដូច្នេះយើងមិនចាំបាច់ទិញទូរស័ព្ទដែលមានមុខងារពិសេសឡើយ
ដោយយើងក៏អាចប្រើប្រាស់មុខងារទាំងនោះនៅលើទូរស័ព្ទ របស់យើងបាន។
3. អាចដាក់ Tweak និង Hack ហ្គេមផ្សេងៗបាន
ប្រព័ន្ធដំណើរការ Android ក៏មិនអន់ ចាញ់ iOS ដែរ
បន្ទាប់ពីអ្នកបាន ជីកឬសវា។
ជាក់ស្តែងយើងអាចលេងស្តាយផ្សេងៗបានយ៉ាងស្រស់ស្អាត
ដូចជាផ្លាស់ប្តូរស្តាយ Font ដោយប្រើកម្មវិធី Font installer និងពង្រីក ពង្រួម Font ដោយកម្មវិធី Big Font
ជាដើម។ ទន្ទឹមនឹងនេះដែរ សម្រាប់ទូរស័ព្ទដែលបានជីកឬស
គឺមានភាពងាយស្រួលក្នុងការ Hack
ហ្គេមផ្សេងៗបានយ៉ាងងាយស្រួលបំផុត ដោយប្រើប្រាស់កម្មវិធីដែល
Hacker បានបង្កើត។
2. អាច ប្រើ Rom កែច្នៃផ្សេងៗបានដោយសេរី
ការប្រើប្រាស់ Rom កែច្នៃផ្សេងៗ គឺជាសិល្បៈនៃការច្នៃប្រឌិតមួយ
ព្រោះពេលខ្លះយើងមានភាពធុញទ្រាន់ ក្នុងការប្រើប្រាស់ Rom
របស់ក្រុមហ៊ុន។ Rom កែច្នៃមានល្បឿនលឿននិងភាគច្រើនវា
មានជំនាន់ Android ខ្ពស់ជាង Rom មកពីក្រុមហ៊ុន តួយ៉ាង Samsung
Galaxy S1 ដែលចេញតាំងពីឆ្នាំ 2010 តែនៅតែអាចតម្លើងទៅកាន់
Jelly bean ដោយប្រើប្រាស់ Rom កែច្នៃ។
នៅទីផ្សារកម្ពុជាបច្ចុប្បន្ន ការប្រើប្រាស់ Rom
កែច្នៃគឺមានចំនួនច្រើនគួរសមដែរ
ពីព្រោះវាមានលក្ខណៈប្រើប្រាស់ទូលំទូលាយ និងទាន់សម័យ។
1. ការគ្រប់គ្រងទាំងអស់ គឺស្ថិតនៅក្នុងដៃរបស់អ្នក
ការ ជីកឬស របស់អ្នកទូរស័ព្ទអត្ថប្រយោជន៏ច្រើនណាស់
និយាយសរុបទៅគឺយើងអាចគ្រប់គ្រងអ្វីៗបានទាំងអស់។
ការជីកឬសទូរស័ព្ទ របស់យើង
គឺប្រៀបបានដូចជាដោះលែងវាចេញពីការឃុំឃាំងអញ្ជឹង
និងទទួលបានសេរីភាពក្នុងការកែច្នៃ
និងដំណើរការកម្មវិធីពិសេសៗផ្សេងៗបានដោយឥតដែនកំណត់ឡើយ។
សម្រាប់ការធ្វើការ ជីកឬសឧបករណ៏ Android
របស់យើងគឺមានភាពគ្រោះថ្នាក់បន្តិចហើយ ដូច្នេះអ្នកត្រូវប្រាកថា
លោកអ្នកបានធ្វើតាមសេចក្តីណែនាំយ៉ាងត្រឹមត្រូវ
ហើយលោកអ្នកអាចស្វែងរកជំនួយផ្សេងៗបានតាមរយៈអ៊ីនធឺណែត
រឺក៏អាចសាកសួរ តាមរយៈក្រុមអ្នកប្រើប្រាស់ទូរស័ព្ទ Android
នៅកម្ពុជាគឺក្រុម CAUG (https://www.facebook.com/groups/caug.talk)
Post a Comment