App store គឺជាទីផ្សារលក់កម្មវិធីដ៏សំបូរបែបមួយ របស់ iOS
ដែលទីនោះសំបូរទៅដោយហ្គេមល្បីៗ និងកម្មវិធីពិសេស រាប់លាន
សម្រាប់អោយដោនឡូដឥតគិតថ្លៃ និងគិតថ្លៃ។ ដោយឡែក App store
គឺទាមទារ Apple ID ដើម្បីអាចដោនឡូដកម្មវិធីផ្សេងៗបាន
ប៉ុន្តែមានអ្នកប្រើប្រាស់មួយចំនួនមិនទាន់ដឹងអំពីវិធីបង្កើត
Apple ID នៅឡើយទេ។
ថ្ងៃនេះCambo Reportសុំឆ្លៀតឱកាសបង្ហាញអំពីវិធី បង្កើត Apple ID យ៉ាងងាយស្រួលបំផុត និងមិនស្មុគស្មាញឡើយ។
តម្រូវការ
- ឧបករណ៏ iDevice ទាំងអស់ មានដូចជា iPhone, iPad និង iPod Touch រឺកុំព្យូទ័រ មាន iTunes
- មានអ៊ីម៉ែលផ្ទាល់ខ្លួន និងឧបករណ៏របស់យើងភ្ជាប់ទៅកាន់បណ្តាញអ៊ីនធឺណែត
ដំណើរការ
- សម្រាប់កុំព្យូទ័រ សូមចូលទៅកាន់កម្មវិធី iTunes > iTunes store > App Store ហើយធ្វើតាមលំនាំផ្សេងៗ ដូចនៅលើ iDevice ដែរ។ យើងសាកល្បងជ្រើសរើសយក iPhone 5C មកសាកល្បង ដោយជំហ៊ានដំបូងសូមចូលទៅកាន់ កម្មវិធី App store បន្ទាប់មកទៀតស្វែងរកកម្មវិធី រឺហ្គេមផ្សេងៗ ដែលឥតគិតថ្លៃ បន្ទាប់មកហើយ ចុច Install
- វានឹងទាមទាររក Apple ID ដូចនេះយើងត្រូវជ្រើសរើសយក “ Creat New Apple ID”
- ជំហ៊ានទីបីនេះ គឺជ្រើសរើសយកប្រទេស។ ជម្រើសដែលល្អគួរយក United
States ពីព្រោះវាផ្តល់អោយកម្មវិធីដោនឡូដច្រើនជាងនៅខ្មែរ
ប៉ុន្តែសម្រាប់អ្នកប្រើប្រាស់ទូទៅ សូមយកប្រទេស Cambodia ក៏បាន។
បន្ទាប់មកទៀតវា នឹងបង្ហាញច្បាប់រក្សាសិទ្ធផ្សេងៗ
ហើយគ្រាន់តែចុច Agree ជាការស្រេច។
- វានឹងទាមទារព៌តមានផ្ទាល់ខ្លួនមួយចំនួន ដូចជាឈ្មោះ ថ្ងៃខែឆ្នាំកំណើតជាដើម។ ត្រង់ចំណុច Password គឺវាសាំញ៉ាំបន្តិចដែលត្រូវមាន អក្សរតូច អក្សរធំ និងលេខ ឧទាហរណ៏ Iloveu12345 Cambo54321 រឺ Testing0009 ជាដើម។
- វានឹងសួរសំណួរផ្ទាល់ខ្លួន បន្តិចបន្តួច ដូច្នេះគ្រាន់តែឆ្លើយពីរ បីម៉ាត់ទៅជាការស្រេច។
- ត្រង់ចំណុចនេះ វានឹងសួរកព៌តមានគណនីធនាគារដែលយើងចង់ដាក់បញ្ចូល។ សម្រាប់អ្នកដែលមិនចង់ បញ្ចូល រឺគ្មានគណនីធនាគារ សូមចុចពាក្យថា None។
- បំពេញ អាស័យដ្ឋានផ្សេងៗ ដោយដាក់ឈ្មោះ ខេត្តក្រុង
ប៉ុន្តែបើយើងរើសយក United States តាំងពីដើម វានឹងបង្ហាញ
រដ្ឋផ្សេងៗ។ សូមចំណាំថា ត្រង់ចន្លោះ Postcode
គឺអាចបំពេញលេខប៉ុន្មានក៏បានដោយចាប់ផ្តើមពីលេខ 1
និងមានទាំងអស់ 6ខ្ទង់។
- ជាជំហ៊ានបញ្ចប់ហើយ ដែល Apple នឹងផ្ញើសារ ទៅកាន់
អ៊ីម៉ែលរបស់យើងដែលបានបំពេញ។ សូមបើកអ៊ីម៉ែលរបស់យើង
ហើយបើកសារដែល Apple ផ្ញើរ និងចុចត្រង់ពាក្យថា Verify។
បន្ទាប់មកទៀត វានឹងទាមទារអោយយើង បញ្ចូល អ៊ីម៉ែល និង
លេខសម្ងាត់ម្តងទៀត ចុច Verify Adress ជាការស្រេច។
- ឥលូវនេះ សាកល្បង ដោនឡូដកម្មវិធីផ្សេងៗ ដោយប្រើប្រាស់គណនី Apple ដែលយើងបានបង្កើតខាងលើ ជាការស្រេច។
ជាការពិតណាស់ សព្វថ្ងៃនេះ យើងសង្កេតឃើញថា
នៅតាមកន្លែងមួយចំនួនគឺត្រូវចំណាយទឹកប្រាក់ដើម្បីពឹងពាក់អោយគេ
បង្កើត Apple ID អោយ
ប៉ុន្តែថ្ងៃនេះលោកអ្នកអាចបង្កើតដោយខ្លួនបានហើយ
និងមានភាពងាយស្រួលទៀតផង។
Post a Comment