ជាការពិតណាស់ គណនី Facebook របស់មនុស្សម្នាក់ៗ
ពិតជាមានសារៈសំខាន់ណាស់ ព្រោះវាមធ្យោបាយដ៏ងាយស្រួល
ក្នុងការទំនាក់ទំនងជាមួយមនុស្សជាទី ស្រឡាញ់
និងមិត្តភក្កិរបស់យើងបាន ប៉ុន្តែ មានមនុស្សភាគច្រើនបានមើលរំលង
ទៅលើការ ការពារសុវត្ថិភាព។ គណនី Facebook មិនត្រឹមតែជា
មធ្យោបាយទាក់ទងតែមួយប៉ុណ្ណោះទេ
តែវាក៏ជាកន្លែងដែលផ្ទុកទៅដោយព៌តមានផ្ទាល់ខ្លួន
សំខាន់ៗជាច្រើន ហើយមិនគួរអោយ អ្នកដ៏ទៃដឹង លឺ ឡើយ។
កន្លងមកនេះ តាមរយៈបទពិសោធន៏របស់ខ្ញុំ គណនី Facebook
នៅកម្ពុជាមានភាពងាយស្រួលក្នុងការលុកលុយបំផុត
ដោយសារសុវត្ថិភាពរបស់វា គឺទន់ខ្សោយណាស់
ដូច្នេះដើម្បីកុំអោយជួបបទពិសោធន៏ដ៏អាក្រក់នេះ
អ្នកគួរយល់ដឹងនូវចំណុចសំខាន់ៗ ខាងក្រោមនេះ
ដើម្បីការពារសុវត្ថិភាពគណនីរបស់អ្នកយ៉ាងមានប្រសិទ្ធភាពបំផុត។
1. ប្រើប្រាស់លេខសម្ងាត់ ដែលសាំញ៉ាំមួយ
ប្រសិនបើអ្នកកំពុងតែប្រើប្រាស់ លេខសម្ងាត់ iloveyou រឺក៏
ihateyou រឺក៏អ្វីដែលងាយចាំផ្សេងទៀត
សូមមេត្តាប្រញាប់ផ្លាស់ប្តូរភ្លាមទៅ!
លេខសម្ងាត់ដ៏សុវត្ថិភាពមួយ គឺជាលេខសម្ងាត់មាន អក្សរ តូចធំ
និងលេខ ព្រោះវាមិនងាយអោយនរណាម្នាក់ព្រាវចូល ឡើយ។
ខ្ញុំប្រាប់រឿងដ៏គួរអោយអស់សំណើចមួយទៅចុះ
គឺថាខ្ញុំបានព្រាវលេខសម្ងាត់ Wi-Fi របស់
អ្នកជិតខាងខ្ញុំត្រឹមតែមួយដង ប៉ុណ្ណោះ ហើយវាក៏ត្រឹមត្រូវ។
នេះមិនមែនមកពីខ្ញុំពូកែនោះទេ
ប៉ុន្តែដោយសារលេខសម្ងាត់នោះវាងាយស្រួលក្នុងការទាយខ្លាំងពេក។
លេខសម្ងាត់ដែលមានសុវត្ថិភាពខ្ពស់អាចមានដូចជា no999waY xyZ00po
iLoVE555 ជាដើម។
2.ភ្ជាប់គណនី Facebook ជាមួយលេខទូរស័ព្ទយើង
គណនី Facebook របស់យើងទូទៅអាចភ្ជាប់បាន ត្រូវតែមាន គណនីអ៊ីមែល
រឺក៏លេខទូរស័ព្ទ ប៉ុន្តែដើម្បីជាសុវត្ថិភាពខ្ពស់
យើងគួរតែភ្ជាប់ទាំងអ៊ីមែល និងទូរស័ព្ទ ទៅគណនី Facebook
តែម្តងទៅ ព្រោះថាថ្ងៃណាមួយនៅពេលដែល យើងភ្លេចលេខសម្ងាត់
រឺមានមនុស្សលួចផ្លាស់ប្តូរលេខសម្ងាត់របស់យើង យើងអាចទាក់ទង
Facebook អោយផ្ញើរលេខកូដថ្មីមកអោយយើងបាន។
ដើម្បីដាក់លេខទូរស័ព្ទ សូមចូលទៅកាន់ Setting/ General Setting
ហើយចុចលើពាក្យ Mobile ហើយបំពេញ ព៌តមានត្រឹមតែ
ពីរជំហ៊ានជាការស្រេច។
3. បើកដំណើរការ Secure Browsing
មុខងារនេះ មាននៅក្នុង គណនីFacebook យើងជាស្រេច
ដែលវាអាចរក្សាព៌តមានផ្សេងៗរបស់យើង ចៀសវាងមាន Application
ណាមួយទាមទារព៌តមានរបស់យើង។ នៅកម្ពុជាយើង Application
ដែលទាមទារព៌តមានផ្ទាល់របស់ខ្លួនយើងមានច្រើនណាស់
ហើយក៏មានមនុស្សច្រើនឧស្សាហ៏ប្រើផងដែរ។ សូមចូលទៅកាន់ Setting/
Account setting/ Security ហើយមើលជួរទីមួយ នោះនឹងមានឈ្មោះថា
Secure Browsing។ ចុចពាក្យថា Edit
ហើយបើកអោយដំណើរការជាការស្រេច។
4. ឆែកមើលអ្នកណាខ្លះ បើកគណនីរបស់អ្នក
នេះវិធីដែលមានអត្ថប្រយោជន៏ខ្ពស់មួយ
ព្រោះវាអាចអោយយើងដឹងថាគណនីរបស់យើងបានបើកប្រើប្រាស់នៅពេលណា
ខ្លះ ហើយលេងនៅលើអ្វី។
ឧទាហរណ៏ថាអ្នកខ្ចីទូរស័ព្ទមិត្តភក្កិរបស់លោកអ្នកបើក Facebook
ហើយភ្លេចបិទចោល នោះគ្រាន់តែចូលទៅកន្លែង Setting > Account
Setting > Security Page ហើយស្វែងរកពាក្យថា Active Session
ហើយចុចពាក្យថា Edit។ វានឹងបង្ហាញនូវតារាងមួយ
នៃការប្រើប្រាស់គណនីរបស់យើង ហើយគ្រាន់តែចុច End Activity
នោះឧបករណ៏ដែលបើកគណនីយើង និងអស់សុពលភាព នឹងតម្រូវអោយវាយ Email
និង Password សារជាថ្មីហើយ។
5. ដោះធីក “ Keep Me logged in”
មានមនុស្សជាច្រើន ភ្លេចខ្លួនដោះធីកពាក្យថា Keep me logged in
ដែលមុខងារនេះនៅតែរក្សា Email របស់យើងដដែលទោះបីជាយើង Log
Out រឺក៏ បិទ Broswer ក៏ដោយ។
6. ឃើញ Website មិនដែលស្គាល់នៅលើ FB សូមកុំបើក
វេបសាយ Spam មានច្រើនណាស់នៅលើ Facebook មិនថានៅប្រទេសគេ
រឺក៏កម្ពុជាយើងទេ។ ភាគច្រើននៃ វេបសាយ Spam ទាំងនោះ
ជារូបភាពអាសអាភាស រូបស្រីស្អាត
រឺក៏រឿងអ្វីមួយដែលធ្វើអោយទាក់ទាញយើងចង់បើក។
ភាគច្រើនវេបសាយ ទាំងនោះ មាន Post នៅលើ Group
ដែលយើងមិនមែនជាសមាជិកឡើយ។ វេបសាយអត់បានការទាំងនោះ
អាចលួចព៌តមានផ្ទាល់ខ្លួនរបស់យើងបាន ហើយអ្វីដ៏អាក្រក់នោះ
វានឹងធ្វើអោយកុំព្យូទ័រយើងឆ្លងមេរោគ។
ជាក់ស្តែងក្នុងជីវិតយើងសព្វថ្ងៃ Facebook
បានក្លាយទៅជាផ្នែកមួយនៃជិវិតទៅហើយ
ដូច្នេះយើងត្រូវចេះរក្សាសុវត្ថិភាពខ្ពស់
ជៀសវៀងមានមនុស្សលួចប្រើប្រាស់គណនីយើងក្នុងផ្លូវ មិនល្អ
លើសពីនេះ អាចប៉ះពាល់ដល់ កតិ្តយសរបស់យើងថែមទៀតផង។
Post a Comment