វិធីងាយៗ ក្នុង​ការ​ជួយ​សម្អាត​ទូរស័ព្ទ Android អ្នក​អោយ​ដើរ​លឿន​ជាងមុន

ទូរស័ព្ទរបស់យើង គឺវាទាមទារ ការថែទាំ និងឧស្សាហ៍ត្រួតពិនិត្យ ដូចរថយន្តដែរ ដើម្បីអោយវា អាច​ដំណើរ​ការបានទៅមុខ រលូន មិនរអាក់រអួល។ ជាការពិតណាស់ ទូរស័ព្ទ ប្រើកាន់តែយូរ គឺវាកាន់តែ​យឺត​ដែល​នេះ មិនមែនមកពីម៉ាស៊ីនវា ខូចរត់មិនបានលឿននោះទេ នោះមកពីវា មានកាកសំណល់ ច្រើន​ពេក ដែល​រាំងស្ទះដល់ម៉ាស៊ីន មិនអាចដំណើរការ បានស្រួល។ ខាងក្រោមនេះ គឺជាវិធីងាយៗ ដែលអ្នកគួរតែ​ឧស្សាហ៍​ធ្វើ ដើម្បីធ្វើអោយ ម៉ាស៊ីនទូរស័ព្ទ អាចដំណើរការ បានរលូនល្អ ចៀសវាង មានភាព រអាក់​រអួល។          ​

1. លុបកម្មវិធី-ហ្គេម ដែលមិនធ្លាប់ រឺក៏នឹងមិនប្រើចោល

មនុស្សភាគច្រើនបំផុត តែងតែតម្លើង កម្មវិធី រឺហ្គេម ដែលគេគិតថាល្អសម្រាប់ប្រើប្រាស់ទុក ក៏ប៉ុន្តែ គេមិន​ដែល ប្រើនោះទេ។ សូមចាប់ផ្តើម លុបកម្មវិធី និងហ្គេម ទាំងនោះចោលនៅពេលនោះទេ ដើម្បី​អោយ ទូរស័ព្ទ​របស់អ្នក វាសំបូរ កន្លែងទំនេរ ច្រើនជាងមុន ហើយក៏ដើម្បី អោយទូរស័ព្ទ ដំណើរការ​បាន លឿន​ជាងមុនផងដែរ។ ទោះបីជា ទូរស័ព្ទអ្នក មានអង្គផ្ទុកទិន្នន័យច្រើន ក៏ដោយ ប៉ុន្តែប្រសិន បើ​វា​មានតម្លើង កម្មវិធី រឺហ្គេមច្រើន ល្បឿនទូរស័ព្ទរបស់អ្នក ក៏យឺតទៅតាម នោះដែរ។

2. លុប Cache របស់កម្មវិធីមួយចំនួនចោល

Cache គឺជាទិន្នន័យរបស់កម្មវិធី ដែលវា បង្ករភាពងាយស្រួល ដល់យើង ក្នុងការប្រើប្រាស់ ប៉ុន្តែ​នៅ​ពេល​ដែលយើងឈប់ប្រើប្រាស់ វានឹងនៅកក់កុញ ក្នុងកម្មវិធីនោះ ធ្វើអោយទូរស័ព្ទ យើង​ដើរ​យឺត​បាន​។ ដើម្បី​លុប Cache បាន យើងគ្រាន់តែ ចូលទៅកាន់ Setting > Apps > ជ្រើសរើសកម្មវិធីណា ដែល​អ្នកគិតថា វាសំបូរដោយ Cache ដែលមានដូចជា Youtube, Instagram, Gallery និង Facebook ជាដើម > ហើយ​ចុចពាក្យថា Clear Cache ជាការស្រេច។ សូមកុំច្រឡំលុប Data ណា ព្រោះអីវាជាពត៌មាន កម្មវិធី រឺហ្កេម។ បើលុប ហ្គេម រឺកម្មវិធីរបស់អ្នក នឹងថ្មីដូចដើម វិញជាក់ជា មិនខាន។

3. ឆែកមើល ថាមានអ្វីខ្លះក្នុងទូរស័ព្ទអ្នក

ទូរស័ព្ទគឺវាសំបូរទៅដោយឯកសារច្រើនប្រភេទណាស់ ដែលយើង ពិបាក ក្នុងការ ចាត់ចែង និងលុប បន្តិច​ហើយ។ ដើម្បីចង់ដឹងថា ទូរស័ព្ទយើង មានឯកសារប្រភេទអ្វីខ្លះនោះ សូមចូលទៅកាន់ Setting > Storage ហើយវា នឹងបង្ហាញ ប្រភេទ ឯកសារជាច្រើន។ ប្រសិនបើអ្នកឃើញឯសការ Apps វាស៊ី ម៉េម៉ូរី​ច្រើន ជាងគេនោះ អ្នកគួរតែគិតគូរ លុបវាចោល ខ្លះ។ នៅខាងក្រោម អ្នកក៏ឃើញពាក្យថា Cached Data ដែរ ដោយគ្រាន់តែចុចលើវា នឹង យើងអាចនឹងលុប វាបានដោយស្រួល។

4. ត្រូវការកម្មវិធីជំនួយ

 
 សម្រាប់ Galaxy S6/6 Edge, ទូរស័ព្ទ Huawei និងទូរស័ព្ទមួយចំនួន វាមានភ្ជាប់​មកជាស្រេចនូវ​កម្មវិធី ជំនួយ​ដែលអាចជួយលុប Cache, លុបកម្មវិធីដែលកំពុងដំណើរការ និងជួយអោយទូរស័ព្ទ​ដំណើរការ​បាន​លឿនល្អ។ ប្រសិនបើអ្នកមិនមានកម្មវិធីទាំងនេះទេ អ្នកអាចតម្លើងកម្មវិធី CCleaner, Clean Master រឺ The Cleaner បាន ដែលវាមានសមត្ថភាពអាចជួយអោយ​ទូរស័ព្ទ​យើង​ដំណើរការ​បាន​លឿនបាន។
ការប្រើប្រាស់ទូរស័ព្ទ គឺវាតម្រូវអោយ អ្នកឧស្សាហ៍ ធ្វើការសំអាតបន្តិច ទើបវា ដំណើរការបានស្រួល មិនយឺត និងរអាក់រអួល។ អ្នកប្រើប្រាស់មួយចំនួន មិនសូវខ្វល់ខ្វាយ ក្នុងការសំអាត និងលុបឯកសារ​អត់បានការចោលនោះទេ ហើយនៅពេលដែលវាយឺត ស្រាប់តែដូរទូរស័ព្ទថ្មីតែម្តង។