តើអ្នកទាំងអស់គ្នាកំពុងតែប្រើប្រាស់ស្មាតហ្វូនមែនដែររឺទេ?
ប្រសិនបើមែននោះ
អ្នកគួរតែស្វែងយល់នូវរឿងសំខាន់ៗទាំងប្រាំបីយ៉ាងខាងក្រោមនេះ
ដែលអ្នកគួរតែអនុវត្តកុំបីខានឡើយ។
ប្រសិនបើអ្នកបានអនុវត្តចំណុចសំខាន់ៗខាងក្រោមនេះបាន
ការប្រើប្រាស់របស់ទូរស័ព្ទរបស់អ្នកនឹងកាន់តែមានភាពងាយស្រួល
និងមានសុវត្ថិភាពខ្ពស់ជាងមុនជាក់ជាមិនខាន។
1. ប្រើលេខសំងាត់ ឬវិធីចាក់សោរផ្សេងៗ
ទូរស័ព្ទរបស់យើងម្នាក់ៗសុទ្ធតែផ្ទុកទៅដោយឯកសារសំខាន់ៗ រូបភាព
វីដេអូ និងរបស់ឯកជនច្រើនណាស់
ដែលសូម្បីតែមនុស្សជិតស្និទ្ធមិនគួរអោយប៉ះពាល់បានឡើយ។
ហេតុដូច្នេះហើយយើងគួរតែប្រើប្រាស់លេខសំងាត់ដើម្បីការពារមិនអោយ
អ្នកដទៃ រឺក៏អ្នកដែលរើសទូរស័ព្ទយើង អាចប្រើប្រាស់វាបាន។
2. កុំភ្លេចអាប់ដេត ពេលមាន Software ថ្មីៗ
ការអាប់ដេតគឺជារឿងចាំបាច់
ព្រោះអីកំណែអាប់ដេតថ្មីៗតែងតែដោះស្រាយបញ្ហាផ្សេងៗ
ហើយវាក៏ធ្វើអោយយើងងាយស្រួលក្នុងការប្រើប្រាស់ទូរស័ព្ទជាងមុន
ផងដែរ។ ហេតុដូច្នេះហើយនៅពេលទូរស័ព្ទយើងលោតសញ្ញាអោយអាប់ដេត
សូមរួសរាន់អាប់ដេតទៅ កុំបង្អង់យូរអី។
3. កុំសាកថ្មតាមរយៈខ្សែ USB ជាមួយកុំព្យូទ័រ
មនុស្សភាគច្រើនចូលចិត្តសាកទូរស័ព្ទគេតាមកុំព្យូទ័រ
ប៉ុន្តែអ្នកត្រូវដឹងថាថាមពលដែលបញ្ជូនពីកុំព្យូទ័រទៅកាន់
ទូរស័ព្ទគឺវាមានចំនួនតិចតួចប៉ុណ្ណោះ
មិនសមស្របតាមអ្វីដែលវាត្រូវការឡើយ។
ណាមួយទៀតធ្វើបែបនេះក៏ប៉ះពាល់ខ្លាំងទៅដល់ថ្មកុំព្យូទ័ររបស់
យើងដែរ។
4. ត្រូវឧស្សាហ៍ចម្លងរូបភាព ឯកសារ និងរក្សាទុកពត៌មានសំខាន់ៗផ្សេងៗ
ទូរស័ព្ទយើងសំបូរទៅដោយឯកសារសំខាន់ៗច្រើនណាស់ដែលមិនអាចបាត់បង់បាន
ឡើយ ចុះបើថ្ងៃមួយវាជ្រុះបាត់ រឺក៏មានចោរលួច
តើយើងអាចទាញយកឯកសារទាំងនោះមកវិញបានដោយរបៀបណា?
ហេតុដូច្នេះហើយអ្នកត្រូវឧស្សាហ៍ចម្លងរូបភាព វីដេអូ
ឯកសារសំខាន់ៗផ្សេងៗទុកលើកុំព្យូទ័រ រឺទុកលើអាកាស (Dropbox, iCloud,
Google Drive …) ដើម្បីមានសុវត្ថិភាព។
5. កុំប្រើប្រាស់ទូរស័ព្ទ ទាំងវាមានកម្តៅខ្លាំង
ការប្រើប្រាស់ទូរស័ព្ទរហូតដល់ឡើងកំដៅ គឺជារឿងធម្មតា
ប៉ុន្តែបើអ្នកនៅតែប្រើទាំងវានៅក្តៅ មិនអោយវាសម្រាក
ទូរស័ព្ទអ្នកអាចនឹងប្រឈមមុខនឹងបញ្ហាជាច្រើន ដូចជាមានបញ្ហាថ្ម
ឆ្លងកំដៅទៅលើអេក្រង់អាចអោយខូច ផ្នែកត្រង់ណាមួយនៃទូរស័ព្ទខូច
រឺក៏អាចផ្ទុះឆេះទូរស័ព្ទ។
6. ត្រូវថែរក្សាអេក្រង់ទូរស័ព្ទអោយបានល្អបំផុត
អេក្រង់ទូរស័ព្ទគឺជាផ្នែកមួយដែលអ្នកគួរតែយកចិត្តទុកដាក់បំផុត
ព្រោះអីប្រសិនបើប្រេះបែកនោះ
យើងត្រូវចំណាយលុយរាប់រយដុល្លារដើម្បីផ្លាស់ប្តូរថ្មី
ហើយទូរស័ព្ទខ្លះគ្មានអេក្រង់់ផ្លាស់ប្តូរផង។
ហេតុដូច្នេះហើយដើម្បីបង្ការមិនអោយជួបបញ្ហានេះ
អ្នកគួរតែប្រើស្រទាប់ការពារណាមានភាពរឹងមាំ
រឺក៏ប្រើជាស្រោមមាន Cover ពីលើក៏បាន។
7. ការពារអោយបានពីទឹក សំណើម រឺកន្លែងត្រជាក់ រឺកន្លែងក្តៅខ្លាំង
ការពារទូរស័ព្ទអ្នកអោយបានពីការចូលទឹក រឺកន្លែងត្រជាក់ខ្លាំង
ព្រោះអីទឹកអាចបំផ្លាញគ្រឿងគ្រៅរបស់ទូរស័ព្ទអ្នកបាន
ដូចជាឆ្លងភ្លើង ខូចអ៊ីសេ បញ្ហាដល់ថ្ម និងអេក្រង់ជាដើម។
យោបល់ល្អសម្រាប់អ្នកបានជ្រុះទូរស័ព្ទចូលទឹក អ្នកគួរដោះថ្ម
រឺសន្ទះទូរស័ព្ទចេញ និងត្រាំអង្ករអោយបានបីបួនថ្ងៃ
ដើម្បីអោយវាអស់ជាតិទឹក
នេះប្រសិនបើអ្នកមិនចង់ចំណាយលុយទៅហាងអោយគេជួសជុលអោយ។
8. កុំតម្លើងកម្មវិធី រឺក៏ហ្គេមចេញពីវេបសាយ រឺប្រភពដែលអ្នកមិនស្គាល់ច្បាស់
នាពេលបច្ចុប្បន្ននេះ
កម្មវិធីក្លែងក្លាយជាច្រើនកំពុងតែបន្លំខ្លួនលើអ៊ីនធឺណេត
ហើយប្រសិនបើយើងច្រឡំតម្លើងវាដាក់លើទូរស័ព្ទអ្នក
នោះវានឹងអាចផ្តល់បញ្ហាអោយអ្នកបាន។
កម្មវិធីបោកប្រាស់នោះភាគច្រើនជាកម្មវិធី Hack ( Clash of Clan, Hay
day …)។
ទាំងនេះគ្រាន់តែជាការយល់ឃើញរបស់យើងប៉ុណ្ណោះ
ដូច្នេះហើយប្រសិនបើអ្នកយល់ស្របថាវាសមហេតុផល
ហេតុដូច្នេះហើយសូមអនុវត្តវាទាំងអស់គ្នា
ដើម្បីអោយការប្រើប្រាស់ទូរស័ព្ទយើងកាន់តែមានភាពងាយស្រួល
និងមានសុវត្ថិភាពខ្ពស់ជាងមុន។
Post a Comment