ធុងបាស់ជាឧបករណ៍បំពងសំលេងម៉្យាងដែលអាចប្រើប្រាស់សំរាប់ចាក់បទចំរៀងនានា
ស្តាប់នៅក្នុងផ្ទះ ឬនៅទីសាធារណៈ
ព្រមទាំងអាចប្រើក្នុងការជំនួយដល់ការនិយាយឲបានលឺខ្លាំងនៅ
ក្នុងទីសាធារណៈផងដែរ។
ការប្រើប្រាសធុងបាស់ពិតជាគ្មានអ្វីពិបាកនោះទេ
តែការដាក់វានៅទីតាំងដែលមិនត្រឹមត្រូវ
ក៏អាចធ្វើឲគុណភាពសំលេងរបស់វា មានភាពខុសប្លែកដែរ។
គ្រប់ពេលដែលខ្ញុំឃើញគេដាក់ធុងបាស់នៅលើដីផ្ទាល់ខ្ញុំតែងតែអោនបន្ទាបខ្លួន
ដើម្បីស្តាប់ ព្រោះថានៅពេលដែលអ្នកដាក់វាផ្ទាល់នឹងដី
ឬផ្ទៃកំរាលណាមួយបែបនេះធានាថាវានឹងធ្វើឲសំលេងរបស់វាមានភាព
ថប់ៗ ស្ពឹកៗ មិនច្បាស់ល្អទេ
ដោយសារតែអ្នកអាចស្តាប់លឺតែសំលេង BASS របស់វាតែប៉ុណ្ណោះ
រីឯសំលេង MIDRANG និង TREBLE នឹងមិនអាចឡើងមកដល់ត្រចៀកយើងបានទេ។
ចំណុចល្អតែមួយគត់នៃការដាក់ធុងបាស់នៅទាបផ្ទាល់ដី គឺ សំលេង BASS
របស់វានឹងលឺកាន់តែខ្លាំង
តែវានឹងមានភាពប្រសើរជាងនេះបើសិនជាយើងដាក់វានៅលើតុ កៅអី
ឬប្រើជើងទម្រ។ ការដាក់ធុងបាស់នៅផ្ទាល់នឹងកំរាល ឬដី
វានឹងធ្វើឲមានរំញ័រខ្លាំង
រីឯសំលេងរបស់វាបុកទៅនឹងដីរួចក៏ជះឡើងមកលើវិញធ្វើឲសំលេង
BASS ក៏កើនឡើងដែរ។ ហើយការដាក់ធុងបាស់នៅជាប់
ឬឃ្លាតតិចពេកនៅតែអាចគ្មានអ្វីប្រសើរឡើងទេ។
វិធីដែលល្អ អ្នកគួរដាក់ធុងបាស់ នៅកាន់ខ្ពស់កាន់តែល្អ
នៅកំរិតស្មើនឹងត្រចៀករបស់អ្នក នៅពេលដែលស្តាប់។
វិធីងាយៗដើម្បីអាចស្វែងយល់ពីភាពខុសគ្នារវាងការដាក់ធុងបាស់
ទាបផ្ទាល់ដី និង
ការដាក់ឲខ្ពស់ស្មើត្រចៀកថាតើវាមានភាពខុសគ្នាយ៉ាងណា
អ្នកអាចសាកល្បងវាដោយខ្លួនឯងនៅផ្ទះ ឬទីណាមួយក៏បាន
ហើយខ្ញុំជឿថាអ្នកប្រាកដជាអាចស្តាប់លឺ។
នៅពេលសាកល្បងអ្នកគួរតែនៅឲជិត និង ចំ
កណ្តាលរវាងធុងបាស់ទាំង 2 ។
បើអ្នកចង់កាត់បន្ថយសំលេង BASS ខ្លះអ្នកគួរតែរំកិលវាចេញពីជញ្ជាំងប្រមាណ
15 សង់ទីម៉ែត តែតាមបទពិសោធន៍របស់ខ្ញុំ
ធុងបាស់ភាគច្រើននឹងអាចលឺបានពិរោះនៅពេលដែលយើងដាក់វាឲនៅ
ឃ្លាតពីជញ្ជាំងប្រហែល 30 សង់ទីម៉ែត ឬក៏ឆ្ងាយជាងនេះទៀតក៏បាន។
ចាក់បទចំរៀងមួយ
ឬពីរបទចុះឡើងម្តងហើយម្តងទៀតនៅពេលដែលអ្នកសាកល្បងដើម្បីទទួលបាននូវ
គុណភាពសំលេងក្នុងកំរិតស្មើគ្នា ហើយអ្នកងាយស្រួលក្នុងការ
កំណត់លើចំណុចខុសគ្នា។
នៅពេលនោះអ្នកនឹងមានភាពភ្ញាក់ផ្អើលពីកំរិតគុណភាពតន្ត្រីរបស់
អ្នកនៅពេលដែលអ្នកដាក់ធុងបាស់នៅកន្លែងមួយដែលត្រឹមត្រូវ។
Post a Comment