អត្ត​សញ្ញាណ​មួយ​ចំនួន ដែល​ធ្វើ​អោយ Browser មាន​លក្ខណៈ​ខុស​ប្រក្រតី បន្ទាប់​ពី​មេរោគ​ចូល​វាយ​ប្រហារ

បងប្អូនយើងមួយចំនួន តែងតែរអ៊ូមិន ឈប់សោះ នៅពេល ដែលគាត់បាន ចាប់ផ្តើមបើក Web Browser ហើយ តែមិនអាចចូល ទៅកាន់ គេហទំព័រណា មួយបាន ថែមទាំង បន្ទោស សេវាកម្ម អ៊ីនធឺណេត ទៀតផង ថាមកពី អត់សូវ មានសេវា ឬ ដើរយឺត។ តាមការពិត វាជាកត្តា គួបផ្សំ នោះទេ ពេលខ្លះ មានអ៊ីនធឺណេត ដើរលឿន តែ ម៉ាស៊ីនកុំព្យូទ័រ របស់អ្នក បើកគេហទំព័រ មិនបាន ទៅវិញ។ នេះត្រូវបាន ចាត់ចូល ជាអត្តសញ្ញាណ ដែលកុំព្យូទ័រ ត្រូវបាន ឆ្លងមេរោគ ចូលហើយ។

អត្តសញ្ញាណមួយចំនួនដែលបង្ហាញថា កុំព្យូទ័ររបស់អ្នក ត្រូវបាន មេរោគ ចូលអុកឡុក៖
– អ្នកនឹងទទួលបានផ្ទាំងសារ Error មួយថា “Internet Explorer Could not display the web page” បង្ហាញ នៅលើ Web page នៅពេលដែល ចូលបើក Browser លើកុំព្យូទ័រម្តងៗ។ ករណីដែលយើង មិនបានភ្ជាប់ អ៊ីនធឺណេត ផ្ទាំងមួយ នេះក៏ លេចឡើង ផងដែរ។
– កម្មវិធី Web Browser មួយចំនួន ដូចជា Firefox, Chrome ក៏ដូចជា Internet Explorer តែងតែគាំង ឬ មិនឆ្លើយតប។
– Default Home Page ដែលធ្លាប់តែ មានលើ Browser របស់អ្នក មានការ ផ្លាស់ប្តូរ ខុសពីទ្រង់ទ្រាយដើម ដូចជា ការបង្ហាញផ្ទាំង Error ជាដើម។
– ពេលចូលទៅកាន់គេហទំព័រណាមួយ វាឆ្លើយថា ប្លុក មិនអាច ចូលបានទេ។

ដូច្នេះហើយ នេះជាអត្តសញ្ញាណ ដែលធ្លាប់តែ មានលើ Web Browser នៃកុំព្យូទ័រ របស់យើង បន្ទាប់ពី មេរោគបាន ចូលវាយ ប្រហារ ហើយ វិធីដ៏ល្អ បំផុតនោះ បងប្អូន ត្រូវតែ ប្រើកម្មវិធីកម្ចាត់ មេរោគ ដូចជា Avast និង Pandora ជាដើម ហើយ ត្រូវប្រើ កម្មវិធី ដែលមាន អាជ្ញាបណ្ឌ ទើបជាការ ប្រសើរ និង ធានានូវ សុវត្តិភាព ទិន្នន័យខ្ពស់។