របៀប​ត្រួត​ពិនិត្យ​មើល កាស​ត្រចៀក iPhone ក្លែង​ក្លាយ ឬ​របស់​សុទ្ធ!

មានមិត្តអ្នកអាន​មួយចំនួន​តែង​ចង់​ឲ្យ ខេម​បូរី​ផត ជួយ​បង្ហាញ​ពី​វិធី​ស្វែង​យល់ ពី​រ​បៀប​មើល កាស iPhone ក្លែងក្លាយ ឬរបស់សុទ្ធ ដូចនេះ​នៅពេលនេះ ខេមបូ នឹងបំពេញ តាមការស្នើរ របស់មិត្តអ្នកអាន។ មាន​រោង​​ចក្រជាច្រើន ដែលផលិត កាសត្រចៀកឬគ្រឿងបន្ថែម (Accessories) ផ្សេងៗជាលក្ខណៈ​ចំលង ពីរូបរាង ដើមរបស់ ផលិតផលក្រុមហ៊ុនដែល​មានស្តង់ដារ​ត្រឹមត្រូវ។ នៅលើ​ទីផ្សារសព្វថ្ងៃ​បើយើងមិន​ចាប់​អារម្មណ៍​​នោះ ច្បាស់ជា ទិញប៉ះចំរបស់ ក្លែងក្លាយ ជាក់ជាមិនខាន ជាពិសេស ឆ្នាំសាកថ្ម និងកាស​ត្រចៀក នេះ​តែ​ម្តង។

មិនបង្អង់យូរ ខេមបូ នឹងរៀបរាប់ ពីការត្រួត ពិនិត្យមើល​កាសស្ដាប់ត្រចៀករបស់ iPhone ដែលមាន រចនា​ថ្មី ដោយ​កាស ប្រភេទនេះ មានវត្តមាន តាំងពី iPhone 5 រហូតមក ដល់ពេលនេះ។ ដើម្បីបន្ថែម លើការ​យល់​​ដឹង មិត្តអ្នកអាន អាចទស្សនា រូបភាព និងការ បកស្រាយ នៅខាងក្រោមបាន៖
បញ្ជាក់ថា ៖ អក្សរ O តំណាងឲ្យ កាសដែលសុទ្ធមានស្តង់ដារត្រឹមត្រូវ Original
                       អក្សរ C តំណាងឲ្យ កាសដែលចំលងតាមរបស់សុទ្ធ Copy

1. កាសដែល ជារបស់សុទ្ធ មានប្រើប្រាស់ សំណាញ់ស្តើង ដែលមាន គុណភាពខ្ពស់ គ្រប​នៅ​ត្រង់​កន្លែង បញ្ចេញសំលេង ចំនែកឯ កាសចំលងវិញ មើលទៅ ហាក់បីដូច ជាក្រណាត់ ស្តើងធម្មតា។
2. នៅពេលដែល យើងបត់ ខ្សែកាស ទាំងពីរនោះ កាសដែល ជារបស់ សុទ្ធនោះ មិនងាយ បត់នោះទេ តែកាស ចំលងវិញ ងាយបត់ ជាប់គ្នាតែម្តង។

3. អ្នកអាចឃើញ អក្សរដែល បោះពុម្ពនៅ លើកាស ដែលជា របស់សុទ្ធ នោះច្បាស់ជាង កាសដែលចំលង។​

សំរាប់ មិត្តអ្នកអាន ដែលមាន បំណងរក ជាវកាស ប្រភេទនេះ គួរតែសម្គាល់ និងត្រួត ពិនិត្យឲ្យ បានត្រឹមត្រូវ តាមការណែនាំ ខាងលើ ដើម្បីជៀសវាង ពីការចាញ់បោក អ្នកលក់មួយ ចំនួនតូច ដែលមានបំណង ចង់​កេង​ចំនេញ លើអ្នក។