តើ​ការ Compress File ផ្តល់​អត្ថ​ប្រយោជន៍​អ្វីខ្លះ បាន​ជា​គេ​ចូល​ចិត្ត Compress ម្ល៉េះ?

              Compress File គឺជា​ការ​បង្រួម File ដោយ​ច្របាច់​បញ្ចូល​នូវ File ជា​ច្រើន បញ្ចូល​គ្នា ដើម្បី​បាន File ថ្មី​មួយ ដែល​មាន​ទំហំ តូច​ជាង​មុន ជា​ពិសេស គេ​ចូល​ចិត្ត​ធ្វើ​ការ Compress File មុនពេលផ្ញើអ៊ីម៉ែល ​ឬ យក​ទៅ​ទុកក្នុងពពក ករណីមាន File ច្រើន។ ការបង្រួម File មានច្រើនវិធីណាស់ ដែលបងប្អូន​អាចធ្វើ​បាន ដូចជា ប្រើកម្មវិធី ឬប្រើ មុខងារមានស្រាប់របស់ Microsoft ក៏បានដែរ។

អត្ថប្រយោជន៍នៃការបង្រួម File គឺថា​ លោកអ្នកចំណេញទំហំ Space នៅលើ អង្គផ្ទុកទិន្នន័យ វេចខ្ចប់ជា កញ្ចប់ងាយស្រួល រកថ្ងៃក្រោយ ធានាបាននូវសុវត្តិភាពទិន្នន័យខ្ពស់ជាងទុក File ធម្មតា។

កាលដែលធ្វើ Compress ម្តងៗ វាជួយសម្អាតចោលនូវ File ឥតប្រយោជន៍មួយចំនួននៅលើ Hard Drive ឬ ឯកសារ របស់យើង ធ្វើអោយកុំព្យូទ័រ មានល្បឿនដំណើរការលឿន មួយចំណែកតូចដែរ។ ការ​ចំណាយពេល Compress មានរយៈពេលយូរ អាស្រ័យទៅតាមចំណុះ Hard Disk Drive ឬទំហំឯកសារ របស់លោកអ្នក។

 ដូច្នេះ ការ Compress File ទទួលបានអត្ថប្រយោជន៍មួយចំនួនដូចជា​ចំណេញទំហំ Space ក្រោយ​ពេល Compress រួច ការទុកដាក់ទិន្នន័យ​ មានលក្ខណៈជាកញ្ចប់ ធានាបាននូវសុវត្តិភាពខ្ពស់ ឆ្លងផុតពីការ វាយ​​ប្រហារពី មេរោគទៀតផង ប៉ុន្តែ វាក៏ផ្តល់នូវផល ប៉ះពាល់ផងដែរ នៅពេលដែល អ្នកផ្ញើឯកសារ ទៅ​នរណាម្នាក់ជា Zip File ហើយម្នាក់នោះ ពុំមានកម្មវិធី ពន្លា File ជាហេតុធ្វើអោយគេ មិនអាចប្រើ​ប្រាស់​បាន។ គួរបញ្ជាក់ផងដែរថា មានកម្មវិធីច្រើនណាស់ ដែលអាចប្រើ សម្រាប់ធ្វើការ Compress នូវ File របស់លោកអ្នក។