តើ​អ្វី​ជា​ភាព​ខុស​ប្លែក​គ្នា​រវាង Internet និង World Wide Web?

             សម្រាប់បងប្អូនមួយចំនួនធំ គាត់តែងតែ ប្រើពាក្យ Internet ជំនួសអោយ World Wide Web ឬ ពេលខ្លះប្រើពាក្យ World Wide Web ជំនួសអោយ ពាក្យ Internet នេះក៏ព្រោះតែ ពួកគាត់ ពុំទាន់ យល់ច្បាស់ និង បែងចែក ​អោយដាច់ នៅឡើយទេ។ នៅថ្ងៃនេះ ប្រិយមិត្ត នឹងជ្រាប ច្បាស់ពីភាព ខុសគ្នារវាង Internet និង World Wide Web។



Internet គឺជារចនាសម្ព័ន្ធ នៃការតភ្ជាប់គ្នា រវាងកុំព្យូទ័រ ជាច្រើន នៅជុំវិញ ពិភពលោក ឬក៏អាច និយាយ បានថា Internet គឺជាវិធីសាស្រ្ត តភ្ជាប់ បណ្តាញ Network ដ៏មួយ ដើម្បីចែករំលែក ព័ត៌មាន អោយគ្នា ទៅវិញទៅមក តាមរយៈ ប្រូតូកូល ណាមួយ ហើយ កុំព្យូទ័រដែល នៅក្នុង បណ្តាញនោះ អាចប្រើខ្សែ ឬ មិនប្រើខ្សែ អាស្រ័យ ទៅតាម ជំនាន់នៃ បច្ចេកវិទ្យា។

ដោយឡែក សម្រាប់ពាក្យថា World Wide Web វិញ មានន័យថា ជាប្រភេទ ឯកសារ ដែលដាក់ បង្ហាញនៅលើ Webpage មានដូចជា អត្ថបទ សម្លេង វីដេអូ តំណភ្ជាប់ ជាដើម ដែលជាការ រៀបចំរបស់ ក្រុមអ្នក បង្កើតវ៉ិបសាយ ដើម្បីបង្ហោះ អោយអ្នកដទៃ នៅជុំវិញ ពិភពលោក បានឃើញ តាមរយៈការប្រើប្រាស់ Browser មួយចំនួន ដូចជា Firefox, Chrome និង Internet Explorer ជាដើម។

ម្យ៉ាងវិញទៀត គេក៏អាចនិយាយ បានថា Internet ជាទំនាក់ទំនង អោយស្គាល់ គ្នារវាង កុំព្យូទ័រមួយ ទៅកុំព្យូទ័រមួយ ទៀត រីឯ World Wide Web ជាទំនាក់ទំនង អោយស្គាល់គ្នា រវាង មនុស្ស និង មនុស្ស។

ដូច្នេះ សូមបងប្អូនទាំងអស់ កុំយល់ ច្រលំថា ពាក្យ Internet និង World Wide Web ជាពាក្យ តែមួយអោយសោះ ព្រោះ Internet គ្រាន់តែជា វិធីសាស្រ្ត នៃការតភ្ជាប់ កុំព្យូទ័រក្នុង បណ្តាញតែ ប៉ុណ្ណោះ រីឯ World Wide Web ជាប្រភេទ ឯកសារ មានដូចជា អត្ថបទ រូបភាព សម្លេង និង វីដេអូ ក៏ដូចជា តំណភ្ជាប់ ផងដែរ។