ចាប់ពីជំនាន់ iOS 7 មកដល់ iOS8 នេះមក យើងសង្កេតឃើញថា Apple
បានយកមុខងារពិសេសជាច្រើនចេញពី Tweak របស់ Cydia
ដើម្បីអោយអ្នកប្រើប្រាស់មានភាពងាយស្រួលជាងមុន
ហើយក៏ដើម្បីអោយពួកគេដកចិត្ត ដកកាយចេញពីការ Jailbreak ផងដែរ។
នៅក្នុង iOS 8 ជំនាន់សាកល្បងទី1នេះ យើងសង្កេតឃើញថា Apple
បានដាក់បញ្ចូលនូវលក្ខណៈពិសេសច្រើនណាស់ ហើយខាងក្រោមនេះ
គឺជាលក្ខណៈពិសេសទាំងដប់ ដែល Apple បានចម្លើងចេញពី Jailbreak Tweak។
1. អាចប្រើក្តារចុច ផ្សេងពីក្តារចុចដើម
សម្រាប់អ្នកដែលធ្លាប់បានប្រើប្រាស់ iPhone Jailbreak មួយចំនួនប្រាកដជាធ្លាប់បានប្រើ Tweak មួយ ដែលវាអាចអោយយើងប្រើប្រាស់ក្តារចុចផ្សេង ពីក្តារចុចដែលមានស្រាប់។ នៅក្នុង iOS 8 នេះ អ្នកប្រើប្រាស់អាចផ្លាស់ប្តូរក្តារចុចរបស់គេបានទៅតាមចំណង់ ចំណូលចិត្ត។ លក្ខណៈដ៏ងាយស្រួលនេះ អាចអោយយើងប្រើប្រាស់ក្តារចុចបានច្រើនស្តាយ ច្រើនរបៀប មិនងាយធុញទ្រាន់ឡើយ។
2. Quick Reply for Messages
Quick Reply អនុញ្ញាត្តិអោយយើងឆ្លើយតបនឹងសារ ផ្សេងៗ
បានយើងរហ័សនៅលើផ្ទៃអេក្រង់ Lockscreen តែម្តង។ មុខងារពិសេសមួយនេះ
បានចម្លងចេញពី Tweak ដែលមានឈ្មោះថា BiteSMS ដ៏ល្បីល្បាញមួយ។
យើងអាចប្រើ Tweak មួយនេះ ដើម្បីឆ្លើយតប នឹងសារ, Line
និងកម្មវិធីមួយចំនួនទៀត។
3. ផ្លាស់ប្តូរឈ្មោះ ប្រធានបទផ្ញើរសារ
មុខងារនេះ មិនសូវជាពិសេស ប៉ុន្មាននោះទេ ក៏ប៉ុន្តែ Apple
បានលួចយកគំរូនេះ ចេញពី Tweak ដែលមានឈ្មោះថា MessageRenamer។
វាអនុញ្ញាត្តិអោយយើងផ្លាស់ប្តូរឈ្មោះប្រធានបទផ្ញើរបានដោយគ្រាន់
តែចុចអោយជាប់ ហើយចុចលើពាក្យ Rename ជាការស្រេច។
4. ប្រើប្រាស់មុខងារ Siri បានគ្រប់កាលៈទេសៈ
ឥលូវនេះ យើងអាចប្រើប្រាស់មុខារ Siri បានកាន់តែងាយស្រួល
និងគ្រប់កាលៈទេស:ជាងមុននៅលើប្រព័ន្ធប្រតិបត្តិការ iOS 8។
យើងអាចបញ្ជាវានៅលើឡានក៏បានជាមួយមុខងារ Carplay រឺក៏ប្រើ Siri
ដើម្បីបញ្ជាឧបករណ៍ផ្សេងៗ ក្នុងផ្ទះជាដើម (HomeKit)។ ទន្ទឹមនេះដែរឬ
យើងក៏អាចសួរ Siri ពីចំណងជើងបទចម្រៀងផ្សេងៗ បានផងដែរ។
5. ភ្ជាប់ទំនាក់ទំនង iPhone របស់អ្នក ជាមួយនឹងកុំព្យូទ័រ Mac
នៅក្នុងជំនាន់ OS X 10.8 វាមានភ្ជាប់មកជាមួយមុខងារ iMessage
ដែលអាចអោយយើងផ្ញើរសារ និងឆែកឆេរអ្វីបន្តិចបន្តួចប៉ុណ្ណោះ។
ប៉ុន្តែសម្រាប់ iOS 8 នេះ វិញ វាមានភ្ជាប់មកជាមួយមុខងារ Continuity
ដែលអាចភ្ជាប់ទំនាក់ទំនងរវាងទូរស័ព្ទយើង ទៅប្រព័ន្ធប្រតិបត្តិការ
OS X 10.10 បានយ៉ាងងាយស្រួលបំផុត
ដែលអ្នកប្រើប្រាស់អាចឆ្លើយតបសារ រឺក៏ខលចេញ- ចូលជាដើម។
6. ទំនាក់ទំនងទៅកាន់មនុស្សយើងឧស្សាហ៍ទំនាក់ទំនងបានលឿនជាងមុន
iOS 8 បានបំពាក់មកជាមួយមុខងារពិសេសមួយ ដែលវានឹងបង្ហាញនូវឈ្មោះ
Contact
ណាដែលយើងឧស្សាហ៍ទំនាក់ទំនងទៅយ៉ាងងាយស្រួលបំផុត។យើងគ្រាន់តែ
ចូលទៅកាន់ Multitasking នោះយើសងនឹងឃើញមាន Contact
ទាំងនោះលោតឡើងជាមិនខាន។ វាយករចនាបថ តាម Tweak ដែលមានឈ្មោះថា
QuickContacts។
7. មុខងារកែរូបភាព
នៅក្នុងជំនាន់ iOS ចាស់ៗ
យើងមិនមានមុខងារច្រើននៅកន្លែងកម្មវិធិរូបភាពនោះទេ ក្រៅពីមុខងារ
កាត់តម្រឹម។ ក៏ប៉ុន្តែចាប់ពី iOS7 មកដល់ iOS 8 នេះ
ក្រុមហ៊ុនបានកែសម្រួលច្រើន
ដើម្បីធ្វើអោយអ្នកចូលចិត្តថតរូបកាន់តែពេញចិត្ត។ Apple
បានបន្ថែមនូវមុខងារច្រើនជាងមុន
ដើម្បីកែកុនរូបភាពយើងបានកាន់តែស្អាត។
ក្នុងនោះមានដូចជាកម្រិតពន្លឺ, Effect, Blur និង Focus ជាដើម។
8. Panorama នៅលើ iPad
អ្នកប្រើប្រាស់ iPad ប្រាកដជាពេញចិត្ត ទៅនឹងដំណឹងមួយនេះ
ព្រោះអីអ្នកទាំងអស់គ្នាអាចថតរូបជាលក្ខណៈវែងបានហើយ
ជាមួយមុខងារ Panorama។ លើសពីនេះទៅទៀត យើងក៏អាចថតរូបជាលក្ខណៈ 3D
បានផងដែរ បន្ទាប់ពី iOS 8 ត្រូវបានសាកល្បងរួចរាល់ ។ មុខងារនេះ
បានចម្លងចេញពី Tweak ដែលមានឈ្មោះថា Firebreak
9. បន្ថែម Widget លើរបារផ្តល់ដំណឹង (Notification Center)
នៅក្នុងជំនាន់ iOS 5 ក្រុមហ៊ុន Apple បានដាក់បញ្ចូល Notification Center ដែលវាគឺជារបារផ្តល់ដំណឹងមួយ។ អ្នកដែលធ្លាប់បានប្រើ iPhone Jailbreak មួយចំនួនប្រាកដជានៅចាំ Tweak ឈ្មោះ NCweather, និង Social network sharing ជាដើម ដែលវាអនុញ្ញាត្តិអោយយើងបន្ថែមនូវ Widget ជាច្រើន ដូចជាអាកាសធាតុជាដើម។ ដោយឡែកនៅក្នុង iOS 8 នេះវិញ យើងក៏អាចបន្ថែម Widget បានយ៉ាងងាយស្រួលផងដែរ ដោយគ្រាន់តែដោនឡូដចេញពី Appstore។
10. Touch ID
ដំបូងឡើយ ទ្រនាប់ស្កេនម្រាមដៃ
អាចប្រើប្រាស់បានតែដើម្បីដោះសារទូរស័ព្ទ
រឺក៏ទិញអីវ៉ាន់តែប៉ុណ្ណោះ ប៉ុន្តែសម្រាប់ iOS 8 នេះវិញ
ក្រុមហ៊ុនបានបើកកូដស្កេនក្រយៅដៃ ដែល Developer
ទាំងអស់អាចបង្កើតវាអោយប្រើប្រាស់ជាមួយកម្មវិធីរបស់ពួកគេបាន ។
លក្ខណៈដ៏ពិសេសនេះ ត្រូវបានបង្កើតឡើង ដើម្បីត្រៀមសម្រាប់ iPhone និង
iPad ដែលចេញជំនាន់ក្រោយនេះ
ព្រោះអីវាសុទ្ធតែមានបំពាក់មកជាមួយប៊ូតុងស្កេនក្រយៅដៃ។
iOS 8 ស្ថិតនៅក្នុងដំណាក់កាលដំបូងតែប៉ុណ្ណោះ ពោលវានឹងមានលក្ខណៈពិសេសជាច្រើនទៀត ដែលយើងនឹកស្មានមិនដល់។ ការរួមបញ្ចូលគ្នារវាងប្រព័ន្ធប្រតិបត្តិការណ៍ iOS 8 ជាមួយ Jailbreak Tweak នេះគឺជាការសម្រេចចិត្តដ៏ត្រឹមត្រូវមួយសម្រាប់ Apple ព្រោះអីវានឹងទាក់ទាញអ្នកប្រើប្រាស់ អោយបានកាន់តែច្រើនជាងមុន ហើយក៏ធ្វើអោយពួកគេបោះបង់ការ Jailbreak ហើយ។
តើអ្នកពិតជាចាំបាច់ Jailbreak ឧបករណ៍របស់អ្នកទៀតទេ? iOS 8
បានបំពាក់មកជាមួយលក្ខណៈពិសេស ច្រើន ដែលមានរួមបញ្ចូលទាំង
ពុម្ពអក្សរខ្មែរហើយ តើអ្នក Jailbreak ដើម្បីធ្វើអ្វីទៀត?
ទំព័រដើម http://cambo-report.com
Post a Comment