តើលោកអ្នកធ្លាប់មានភាពធុញទ្រាន់នឹង កម្មវិធី Photo របស់លោកអ្នក
ដែលវាមិនអាចមើលព៌តមានលំអិត
ទាក់ទងនឹងរូបភាពដែលបានថតដែររឺទេ? សម្រាប់ពពួក Android
អ្នកប្រើប្រាស់មានជម្រើសអាចពិនិត្យមើលព៌តមានលម្អិតទាក់ទងនឹងរូប
ភាពបាន ដូចជាថ្ងៃខែដែលបានថត ទំហំរូបភាព និង Resolution
ជាដើម ប៉ុន្តែ iOS វិញវាមិនមាននោះទេ។
មិនថ្វីទេ បញ្ហាមួយនេះយើងអាចដោះស្រាយបានហើយ ដោយគ្រាន់តែតម្លើង Tweak ដ៏តូចមួយប៉ុណ្ណោះ ហើយវានឹងបន្ថែមប៊ូតុង Info នៅក្នុងកម្មវិធី Photo របស់អ្នក ងាយស្រួលក្នុងការមើលព៌តមានលម្អិតរបស់រូបភាពនីមួយៗ។ លើសពីនេះទៅទៀត មុខងារ មួយនេះក៏ប្រាប់ពីប្រភេទកាមេរ៉ាដែលបានថត ប្រវែង Focus, ប្រើប្រាស់ Flash រឺក៏អត់។
វាអាចប្រើប្រាស់បានលើគ្រប់ iDevice ទាំងអស់ ពី iOS 5 ដល់ iOS 7 ហើយនឹងដាក់អោយដោនឡូដដោយឥតគិតថ្លៃឡើយ។ ជាដំបូង សូមចូលទៅកាន់ Cydia > Change > Refresh ហើយចាំមួយភ្លែត។ បន្ទាប់មកទៀត សូមស្វែងរកពាក្យ “ Photo info” រួចតម្លើងនិងចុច Restart Springboard ជាការស្រេច។ បន្ទាប់ពីតម្លើងហើយ អ្នកនឹងសង្កេតឃើញប៊ូតុង Photo info នៅក្នុងកម្មវិធី Photo ដោយស្វ័យប្រវិត្តតែម្តង។
សង្ឃឹមថាវានឹងមានអត្ថប្រយោជន៍ច្រើនសម្រាប់អ្នក ជាពិសេសសម្រាប់អ្នកចូលចិត្តថតរូបតែម្តង ព្រោះវាអាចជំនួយយើងច្រើនលើសពីការស្មាន។
ទំព័រដើម http://cambo-report.com
Post a Comment