ថ្វីត្បិតតែ iPhone មានការវិវត្តន៍ខ្លាំង
និងមានសមត្ថភាពកាន់តែពិសេសជាងមុន ដូចជា ល្បឿន CPU, Ram
គុណភាពអេក្រង់ ក៏ដូចជាកាមេរ៉ា និងបច្ចេកវិទ្យាថ្មី
មួយចំនួនទៀតជាដើម ប៉ុន្ដែសំរាប់ថាមពលថ្មរបស់វាវិញ
ហាក់ដូចជាមិនខ្លាំង ជាងមុនប៉ុន្មាននោះទេ ជាក់ស្ដែងដូចជា
iPhone 5S ដែលមានថាមពលថ្មត្រឹមតែ 1560 mAh ដែលធំជាង iPhone 5
ត្រឹមតែ 120mAh ប៉ុណ្ណោះ ហើយបើប្រៀបធៀប
ទៅនឹងពពួកអេដ្រយស្មានហ្វូនវិញ គឺខុសគ្នាឆ្ងាយ
ដោយភាគច្រើនថាមពលថ្ម មានទំហំចាប់ពី 2000 mAh ទៅ 3000 mAh
ឯណោះ។
ហើយខ្ញុំសង្កតឃើញថា មានអ្នកប្រើប្រាស់មួយចំនួនបានត្អូញត្អែរអំពី បញ្ហាថ្ម របស់ iPhone ដោយអ្នកខ្លះត្រូវសាកថ្មមួយថ្ងៃ 2 ទៅ 3 ដង។ ទាក់ទិននឹងបញ្ហានេះ ខេមបូក៏ធ្លាប់បានណែនាំពីវិធីសាស្រ្តខ្លះៗក្នុងការសន្សំសំចៃថាម ពលថ្មរបស់ iPhone អោយប្រើប្រាស់បានយូរ។
សម្រាប់ថ្ងៃនេះ ខ្ញុំក៏មាន Tweak ថ្មីមួយទៀតដែលអាចជួយសន្សំសំចៃថាមពលថ្មរបស់ iPhone បានទ្វេដងឯណោះ។
BattSaver ធ្លាប់មានប្រសិទ្ធិភាពខ្ពស់នៅលើ iOS 5 និង iOS 6
ដែលធ្វើអោយអ្នក ប្រើប្រាស់សរសើរមិនដាច់ពីមាត់ ហើយឥឡូវនេះ
BattSaver បានបង្ហាញខ្លួនជាថ្មី សំរាប់ iOS 7 ដែលលើកនេះ
អ្នកបង្កើតកម្មវិធីនេះបានអះអាងថា កម្មវិធីនេះ
មានសមត្ថភាពខ្ពស់អាចជួយសន្សំថាមពលថ្មរបស់អ្នកបានដល់ទៅពីរដង
ថែមទៀត។
ជាក់ស្ដែង Tweak ដ៏វិសេសមួយនេះ មានជំនាញខ្ពស់ខាងកំណត់ និងចាត់ចែង កម្មវិធី ដែលដំណើរការនៅក្នុង iPhone អោយស៊ីថ្មតិចបំផុត ហើយយើងអាច កំណត់អោយវាបិទកម្មវិធីណាដែលយើងមិនប្រើប្រាស់បានដោយស្វ័យ ប្រវត្តិ និងងាយស្រួលបំផុត។ លើសពីនេះ BattSaver នឹងបង្ហាញពីស្ថិតិទាំងឡាយរបស់ iPhone ដូចជា ចំនួនដងនៃការសាកថ្ម, ទំហំថ្មដែលនៅសល់, ទំហំថ្មអតិបរមា, សីតុណ្ហភាព iPhone និងពត៌មានជាច្រើនទៀតទាក់ទងនឹងថាមពលថ្មរបស់ iPhone ។ BattSaver សំរាប់ iOS 7 មានដាក់លក់នៅលើ Cydia Store ក្នុងតម្លៃ $3.99 ឯណោះ ប៉ុន្ដែអ្នកទាំងអស់គ្នាអាចទាញយក Tweak នេះបាន Free ដោយគ្រាន់តែបន្ថែម Source Biteyourapple ដោយចូលទៅកាន់ Cydia > Source > Edit > Add > http://repo.biteyourapple.net/ > Add Source ។ បន្ទាប់ពីបន្ថែម Source រួច សូមចូលទៅកាន់ Search រួចធ្វើការស្វែងរកកម្មវិធី BattSaver for iOS 7 រួចតម្លើង ជាការស្រេច។
ដូចនេះសម្រាប់ប្រិយមិត្តដែលមានបំណងចង់អោយ iPhone របស់អ្នកប្រើប្រាស់ បានយូរ កុំភ្លេចសាកល្បងជាមួយ BattSaver នេះណា!
ទំព័រដើម http://cambo-report.com
Post a Comment