កាលពីអាទិត្យមុនយើង បានលើកយកនូវគម្រូ iOS 8
ដ៏ស្រស់ស្អាតមួយអោយប្រិយមិត្តទាំងអស់គ្នាបានទស្សនា ដែលវាមាន
Multi-Tasking រួមជាមួយ Control Center នៅ Page ជាមួយគ្នាតែម្តង។
តាមពិតទៅ នោះគឺជា Tweak នោះទេ ដែលមានឈ្មោះថា Vertex ដែលវាបានសំងំបង្កើតអស់រយៈពេលជាច្រើនអាទិត្យហើយ។ Vertex បានច្របាច់បញ្ចូល Control Center របស់អ្នកជាមួយ Multi-tasking យ៉ាងស្រស់ស្អាត ដូច្នេះលោកអ្នកអាចចូលទៅកាន់ Multi-tasking ដោយគ្រាន់តែអូសដៃឡើងលើតែប៉ុណ្ណោះ។ នេះគឺជាវិធីពិសេសថ្មីមួយ ដែលគេរំពឹងទុកថាវានឹងបំពាក់នៅលើ iOS 8 ព្រោះអីវាចំណេញកន្លែង ហើយក៏មានភាពងាយស្រួលក្នុងការប្រើប្រាស់ជាងមុនផងដែរ។ យ៉ាងណាមិញ Tweak មួយនេះ គឺស្ថិតនៅក្នុងដំណាក់កាលសាកល្បងនៅឡើយទេ ដែលវានៅមានចន្លោះប្រហោងបន្តិចបន្តួច ពោលសម្រាប់ iDevice ដែលមានកម្លាំងខ្សោយ ដូចជា iPhone 4, 4S, iPad 2, iPad Mini ជាដើម ដែលវានឹងមានភាពរអាក់រអួលបន្តិចបន្តួច។
ដើម្បីដោនឡូដ Tweak មួយនេះបាន សូមអ្នកទាំងអស់គ្នាចូលទៅកាន់ Cydia > ចុចពាក្យ Change > Refresh ហើយចាំមួយភ្លែត រួចស្វែងរកពាក្យ “ Vertex” និងតម្លើងជាការស្រេច។ បើអ្នកស្វែងរកមិនឃើញទេ សូមបន្ថែម Source ថ្មីមួយសិន ដោយចូលទៅកាន់ Cydia > manage > Sourece > Edit វាយពាក្យ (http://cydia.myrepospace.com/cydown/) ជាការស្រេច។ បន្ទាប់ពីតម្លើងហើយ អ្នកត្រូវធ្វើតែធ្វើការកែច្នៃអ្វីបន្តិចបន្តួចសិន ដោយចូលទៅ Setting > Vertex > ហើយបើក Enable និងបើក Swipe Up។ អ្នកទាំងអស់គ្នាក៏អាចធ្វើការកែសម្រួល Toogle ផ្សេងៗបានផងដែរដែលវាដើរតួស្រដៀង CCcontrol រឺក៏ SBsetting ដែរ។ រីឯរបៀបប្រើប្រាស់វិញគឹមានភាពងាយស្រួលប្រើប្រាស់ទេ ដោយគ្រាន់តែអូសដៃពីក្រោមឡើងលើ រឺក៏ចុចប៊ូតុង Home ពីរដងតែប៉ុណ្ណោះ។
សង្ឃឹមថាអ្នកទាំងអស់គ្នានឹងពេញចិត្តនូវ Tweak មួយនេះ
ហើយយើងក៏សង្ឃឹមដែរថា អ្នកបង្កើត Tweak
មួយនេះនឹងកែសម្រួលនូវចន្លោះប្រហោងដែលមានទាំងឡាយ
ក្នុងពេលឆាប់ៗនេះផងដែរ។
ទំព័ដើម http://cambo-report.com
Post a Comment