ប្រិយមិត្តដែលកំពុងតែប្រើប្រាស់ iPhone, iPad
មួយចំនួនប្រាកដជាធ្លាប់បានស្គាល់មកហើយនូវ Tweak
មានអត្ថប្រយោជន៍មួយចំនួន ប្រើសម្រាប់ចាក់សោរកម្មវិធី
មិនអោយអ្នកដទៃបើកប្រើប្រាស់បាន។
ទោះបីជាកម្មវិធីទាំងនោះកំពុងតែមានប្រជាប្រិយភាពខ្លាំងនិងមាន
អ្នកកំពុងប្រើប្រាស់ច្រើនក៏ដោយ
ក៏ប៉ុន្តែវានៅមានគុណវិបត្តិនៅឡើយទេ
ព្រោះអីអ្នកដទៃអាចដឹងលេខសំងាត់របស់អ្នក
ណាមួយទៀតគេប្រាកដជាចោទថាអ្នកមានរឿងសម្ងាត់ច្រើនដើម្បីលាក់
បាំងគេ។ នៅថ្ងៃនេះ យើងមាន Tweak មួយទៀត ប្រើដើម្បីចាក់សោរកម្មវិធី
ដោយប្រើប្រាស់កាយវិការធ្វើជាលេខសម្ងាត់។
Tweak ឈ្មោះថា PanicLockPro ដែលទើបតែចេញអោយប្រើប្រាស់ថ្មីៗនេះ គឺមានអត្ថប្រយោជន៍ច្រើន សម្រាប់អ្នកដែលមានរឿងអាថ៌កំបាំងត្រូវរក្សាទុក ពីមិត្តភក្កិ សង្សារ រឺក៏ក្រុមគ្រួសារ។ អ្នកអាចចាក់សោរកម្មវិធីណាមួយដោយ គ្រាន់តែចុចប៊ូតុង Home អោយជាប់ រឺក៏ក្រឡុកទូរស័ព្ទ រឺក៏ចុចប៊ូតុង តម្លើងសម្លេងចុះជាដើម នោះកម្មវិធីដែលអ្នកកំណត់នឹងគាំងមិនដំណើរការ ពេលអ្នកដទៃបើក។ វិធីនេះគឺមានសុវត្ថិភាពណាស់ ហើយអ្នកដទៃក៏មិនដឹងដែរថា យើងគឺជាអ្នកបញ្ជាកម្មវិធីនេះអោយគាំង។
តម្រូវការ
- iPhone, iPad, iPod Touch ដែលដំណើរការដោយប្រព័ន្ធប្រតិបត្តិការណ៍ iOS 7
- ឧបករណ៍របស់អ្នកត្រូវតែបាន Jailbreak រួចរាល់សិន (មានកម្មវិធី Cydia)
របៀបតម្លើង
- បើកកម្មវិធី Cydia > Source > Edit > Add > វាយពាក្យ (repo.biteyourapple.net) រួចចុចពាក្យ Add (បើមានរួចហើយ សូមចុចពាក្យ Change > Refresh)
- ចុចក្រឡោនស្វែងរក រួចរក Tweak ឈ្មោះ “ PanicLockPro “ រួចតម្លើងវា
- បើក Setting > PanicLockPro > Activation Method រួចហើយជ្រើសរើសយកវិធីណាមួយដែលអ្នកចង់បាន។ ប្រសិនបើអ្នកមិនធ្លាប់ប្រើ Activator ពីមុនទេ យើងណែនាំអោយជ្រើសរើសយកអូសចុះក្រោមដល់ Volume buttons ហើយជ្រើសរើសយក Down Short Hold រឺ Up Short Hold
- ថយក្រោយវិញ ហើយជ្រើសរើសយក Protected Applications និងធីកយកកម្មវិធីណាដែលអ្នកចង់ចាក់សោរ
- ឥលូវនេះ សាកល្បងចុច រឺធ្វើអ្វីផ្សេងៗទៅតាមអ្នកជ្រើសរើសក្នុង Activation Method តែបើអ្នកជ្រើសរើស Down Short Hold តាមយើង សូមចុចប៊ូតុងបន្ថយសម្លេងអោយជាប់គ្នារយៈពេលពីរវិនាទី នោះកម្មវិធីដែលអ្នកជ្រើសរើសខាងលើ នឹងគាំងជាប់មិនអាចបើកបាន។
- ដើម្បីអោយកម្មវិធីទាំងនេះដំណើរការវិញ អ្នកត្រូវចុចប៊ុតុងបន្ថយសម្លេងអោយជាប់ក្នុងរយៈពេល 2 វិនាទី ទៅជាការស្រេច។
យើងសូមបញ្ជាក់អោយបានច្បាស់ថា Tweak នេះប្រើសម្រាប់ការពារខ្លួន
នៅពេលដែលមិត្តភក្កិ រឺក៏នរណាម្នាក់ខ្ចីទូរស័ព្ទយើងភ្លាមៗ
ដូច្នេះយើងអាចបិទកម្មវិធីណាដែលមិនចង់អោយគេប្រើបានដោយរហ័សមិន
ចាំបាច់ចំណាយពេលយូរ។
តែបើអ្នកត្រូវការកម្មវិធីប្រើដើម្បីដាក់លេខសំងាត់លើកម្មវិធី
វិញ សូមសាកល្បងប្រើកម្មវិធី Applocker រឺ Appcontrol វិញ។
ទំព័រដើម http://cambo-report.com
Post a Comment