សម្រាប់អ្នកប្រើប្រាស់ iPhone ឬ iPad ដែលតម្លើងកម្មវិធី និងហ្គេមច្រើន ច្បាស់ជាមានការលំបាកក្នុងការរៀបចំកម្មវិធីទាំងនោះអោយមានរបៀប ទៅតាមក្រុម និងទំព័រនៃ Homescreen របស់យើងជាក់ជាមិនខាន ដោយសារនៅពេលដែលយើងធ្វើការផ្លាស់ទីកម្មវិធីម្ដងៗគឺបានតែមួយ ប៉ុណ្ណោះ តម្រូវអោយយើងចំនាយពេលយូរទម្រាំរួចរាល់។
ដោយឡែកថ្ងៃនេះយើងសូមលើកយក Tweak
ដ៏ពិសេសមួយដែលអាចផ្ដល់ភាពងាយស្រួលក្នុងការផ្លាស់ប្ដូរទីតាំងនៃ
Icon កម្មវិធីនៅក្នុង iPhone
របស់អ្នកអោយបានកាន់តែរហ័សជាងមុន។
ប្រិយមិត្តខ្លះប្រហែលជាធ្លាប់បានស្គាល់ Tweak ដែលមានឈ្មោះថា
MultiIconMover+ ជាក់ជាមិនខាន
ប៉ុន្ដែសម្រាប់ប្រិយមិត្តដែលមិនទាន់បានស្គាល់ យើងនឹងធ្វើការជម្រាបជូននៅពេលនេះតែម្ដង។
MultiIconMover+ អាចជួយអោយយើងធ្វើការផ្លាស់ទី Icon កម្មវិធីនៅលើ
Homescreen បានច្រើនក្នុងពេលតែមួយ
ហើយយើងក៏អាចធ្វើការផ្លាស់ទី Folder
បានច្រើនក្នុងពេលតែមួយបានផងដែរ។
ដើម្បីតម្លើង Tweak នេះ សូមអ្នកចូលទៅកាន់ Cydia រួចបន្ថែម Source
“repo.biteyourapple.net” រួចស្វែងរកពាក្យ MultiIconMover+
ហើយតម្លើងជាការស្រេច។
បន្ទាប់ពីតម្លើងរួច សូមអ្នកចូលទៅកាន់ Settings រួចចូលទៅកាន់ MultiIconMover+ ដើម្បីធ្វើការកំនត់មុខងារខ្លះៗដូចជា
- Markers (Checkmarks ឬ Number)
- Allow Moving folder (បើកមុខងារនេះដើម្បីធ្វើការផ្លាស់ទី Folder ច្រើនក្នុងពេលតែមួយ)
បន្ទាប់មកអ្នកអាចត្រលប់មកកាន់ Homescreen ហើយធ្វើការ Hold (ចុចអោយជាប់) ទៅលើ Icon កម្មវីធីណាមួយ រួចធ្វើការជ្រើសរើសទៅលើ Icon ណាដែលអ្នកចង់អោយផ្លាស់ទី រួចធ្វើការផ្លាស់ទីពួកវាទៅកាន់ Homescreen ផ្សេងដែលអ្នកចង់បាន បន្ទាប់មកសូមចុចប៊ូតុង Home នោះអ្នកនឹងឃើញ Icon កម្មវិធីទាំងឡាយណាដែលអ្នកបានជ្រើសរើសផ្លាស់ទីមកព្រមគ្នាតែ ម្ដង។
យ៉ាងណាមិញ Tweak
នេះមិនសូវជាចាំបាច់ណាស់ណានោះទេសម្រាប់អ្នកដែលតម្លើងកម្មវិធី
ឬហ្គេមតិចតួចនៅលើ iPhone របស់ខ្លួន ម្យ៉ាងទៀតការតម្លើង Tweak
ច្រើននៅលើ iPhone គឺអាចធ្វើអោយម៉ាស៊ីនរបស់យើងដើរយឺត
និងមានបញ្ហាខ្លះៗ ដូចនេះ
សូមអ្នកពិចារណាអោយបានច្បាស់លាស់មុនពេលតម្លើង Tweak
ណាមួយជៀសវាងមានបញ្ហានៅពេលក្រោយ!
ទំព័រដើម http://cambo-report.com
Post a Comment