តើអ្នកធ្លាប់មានភាពធុញទ្រាន់ក្នុងការប្រើប្រាស់ iPhone, iPad របស់អ្នក
ដែលមានពណ៌សាមញ្ញៗ
មិនអាចធ្វើការផ្លាស់ប្តូរទៅតាមចំណង់ចំណូលចិត្តយើងដែររឺទេ?
ក្រៅពីធ្វើការផ្លាស់ប្តូរ Wallpaper និង Theme ហើយនោះ
តើយើងមានវិធីផ្សេងដែលអាចធ្វើការកែច្នែ iDevice
យើងអោយវាស្រស់ស្អាត និងទៅតាមចំណង់ចំណូលចិត្តយើងដែរទេ? ថ្ងៃនេះ
យើងសូមណែនាំជូននូវ Tweak មួយ
ដែលវាមានសមត្ថភាពអាចអោយអ្នកផ្លាស់ប្តូរពណ៌អក្សរ និងលេខ នៅន្លែង
Lock Screen និង Home screen បានដោយសេរី និងទៅតាមចំណង់ចំណូលចិត្ត។
MagicColors គឺជា Tweak ថ្មី និងប្លែកភ្នែកមួយ ដោយវាអនុញ្ញាត្តអោយយើងធ្វើការផ្លាស់ប្តូរពណ៌ត្រង់កន្លែងម៉ោង ថ្ងៃខែ ថ្ម សេវា Wi-F អក្សរ Slide to unlock ជាដើម។ យើងអាចធ្វើការជ្រើសរើសពណ៌នានាបានជាច្រើនទៅតាមចំណង់ចំណូល ចិត្តរបស់អ្នក ដែលនេះគឺជាអ្វីដែលអ្នកប្រើប្រាស់ iDevice ជាច្រើនត្រូវការ។ ចង់សាកល្បងប្រើប្រាស់វាដែរទេ? តោះសាកល្បងកែច្នៃ iDevice របស់អ្នកជាមួយ Tweak នេះទាំងអស់គ្នា ព្រោះអីវាមិនត្រឹមតែដាក់អោយដោនឡូដមិនគិតថ្លៃទេ តែក៏ងាយស្រួលប្រើប្រាស់ផងដែរ។
តម្រូវការ
- iPhone, iPad, iPod Touch ដែលដំណើរការដោយ iOS 7 ឡើងទៅ
- ឧបករណ៍របស់អ្នកបាន Jailbreak រួចរាល់ (មានកម្មវិធី Cydia )
របៀបតម្លើង និងប្រើប្រាស់
- អ្នកអាចដោនឡូដ Tweak នេះដែលមានឈ្មោះ “ MagicColors “ បានដោយឥតគិតថ្លៃឡើយនៅក្នុង Source Modmyi។ ប្រសិនបើអ្នកមិនបានឃើញ Source នេះនៅក្នុងកម្មវិធី Cydia អ្នកទេ សូមចុចរបា Cydia ដែលស្ថិតនៅជួរខាងក្រោមក្នុងកម្មវិធី Cydia > More Package Source > រួចចុចលើពាក្យ Modmyi និងចុច Add។
- បន្ទាប់ពីបានដោនឡូដ Tweak នេះហើយ សូមចូលទៅកាន់ Setting > MagicColors
- អ្នកនឹងឃើញមានបីជម្រើសរើសដូចជា Respring Changes (ប្រើនៅពេលដែលយើងធ្វើការផ្លាស់ប្តូរពណ៌ហើយ) StatusBar ( ប្រើសម្រាប់ប្តូរពណ៌នៅកន្លែងជួរខាងលើ មានម៉ោង សេវាទូរស័ព្ទ ថ្ម …) Lockscreen + Springboard (ប្រើសម្រាប់ប្តូរពណ៌កន្លែងដោះសោរទូរស័ព្ទ និងផ្ទាំងម៉ឺនុយ)
- ឥលូវជ្រើសរើសយក Status Bar > បើក Enable > ចុចលើ Signal Color រឺ Text Color > ហើយជ្រើសរើសយកពណ៌។ យើងក៏អាចធ្វើការកែសម្រួលជាច្រើនទៀត ដូចជាបិទអ្វីមួយ ( Hide) ដែលយើងមិនចង់់អោយវាបង្ហាញ។
- បន្ទាប់ពីធ្វើការផ្លាស់ប្តូរពណ៌នៅកន្លែង Status Bar ហើ សូមចូលទៅកន្លែង Lockscreen + Springboard ម្តង។
- នៅពេលដែលអ្នកធ្វើការផ្លាស់ប្តូរអ្វីចប់សព្វគ្រប់ហើយ សូមចុចលើពាក្យ Respring Changes ទៅជាការស្រេច។
សូមរីករាយក្នុងការកែច្នៃ iPhone, iPad អ្នកជាមួយ Tweak នេះទាំងអស់គ្នាដោយរីករាយ ហើយដើម្បីជាយោបល់ល្អ សូមកុំប្រើប្រាស់ពណ៌ស្រស់ឆើតឆាយពេក ព្រោះអីវានឹងធ្វើអោយយើងពិបាកក្នុងការមើល ហើយវាក៏មិនសូវស៊ីគ្នាផងដែរ។
ទំព័រដើម http://cambo-report.com
Post a Comment