កាលពីលើកមុន យើងខ្ញុំបានបង្ហាញជូនប្រិយមិត្តរួចមកហើយ
នូវវិធីសាស្ត្រក្នុងការផ្លាស់ប្តូរកាំសេវា iPhone
របស់លោកអ្នកទៅជារូបបេះដូងយ៉ាងស្រស់ស្អាត។
ប៉ុន្តែនៅតែមានសំណួរបានចោតសួរមកកាន់ខេមបូទៀត
ពីរបៀបក្នុងការផ្លាស់ប្តូរឈ្មោះសេវាម្តង
ថាតើវាអាចប្តូរបានដោយរបៀបណា?
ដើម្បីបកស្រាយចម្ងល់របស់ប្រិយមិត្ត ក្នុងថ្ងៃនេះដែរ
ក្រុមការងារខេមបូរីផត នឹងបង្ហាញលោកអ្នកបន្ថែមទៀត
នូវរបៀបក្នុងការផ្លាស់ប្តូរឈ្មោះសេវាទូរស័ព្ទអ្នក
បានយ៉ាងងាយស្រួល និងរហ័សថែមទៀតផង។
តម្រូវការ៖
- iPhone ដែលដំណើរការដោយប្រព័ន្ធប្រតិបត្តិការណ៍ iOS 7 និង iOS 8 ឡើងទៅ
- មានការ Jailbreak ត្រឹមត្រូវ និងមានតម្លើង Cydia រួចជាស្រេច
របៀបតម្លើង និងរបៀបប្រើ
- ចូលទៅក្នុង Cydia រួចធ្វើការស្វែងរក ដោយវាយពាក្យគន្លឹះ “fakecarrier” (បើសិនជាមិនអាចរកវាឃើញនោះទេ សូមធ្វើការ Refresh Cydia របស់អ្នក និងស្វែងរកម្តងទៀត) ។
- ធ្វើការតម្លើងវា ដោយចុចលើ fakecarrier និងចុចលើ Install រួចចុចលើ Restart SpringBoard
- បន្ទាប់ពី Install វាបានជោគជ័យហើយនោះ អ្នកអាចធ្វើការ Set វាឲ្យដំណើរការបាន ដោយចូលទៅក្នុងកម្មវិធី Fake Carrier ដែលមានស្រាប់នៅលើ Homescreen របស់អ្នក => ចុចទៅលើ Fake Carrier => Carrier => ធ្វើការវាយបញ្ចូលឈ្មោះដែលអ្នកចង់ប្តូរ => រួចចុចទៅលើជម្រើស Set ពីរទៅបីដង រហូតទាល់តែអ្នកបានឃើញឈ្មោះសេវាទូរស័ព្ទរបស់លោកអ្នកបានប្តូរ
- ជាចុងក្រោយ អ្នកនឹងឃើញ ឈ្មោះសេវា iPhone របស់អ្នកផ្លាស់ប្តូរទៅតាមការចង់បានរបស់អ្នកជាក់ជាមិនខាន។
សូមចូលរួមអបអរ ដល់ប្រិយមិត្តដែលបានផ្លាស់ប្តូរឈ្មោះសេវា iPhone
របស់អ្នកទៅតាមចំណង់ចំណូលចិត្ត បានដោយជោគជ័យ។
ក្រុមការងារយើងខ្ញុំនឹងបន្តស្វែងរកអ្វីដែលថ្មី
ទាក់ទងនឹងបច្ចកវិទ្យា មកធ្វើការចែកជូនដល់ប្រិយមិត្ត
នៅពេលក្រោយៗទៀត។
ទំព័រដើម http://cambo-report.com
Post a Comment