ធុញទ្រាន់នឹងការដោះសារទូរស័ព្ទរបស់អ្នក ដោយចុចប៊ូតុងម្តងហើយ
ត្រូវអូស Slide To Unlock មែនទេ?
យើងធ្លាប់បានប្រាប់ពីរបៀបជាច្រើនហើយ ក្នុងការដោះសោរ iDevice
តាមរយៈគោះអេក្រង់ពីរដង ជាដើម តែលើកនេះ
យើងនឹងនាំយកនូវវិធីប្លែក និងពិសេសជាងមុន។ វិធីនេះ
មិនសូវជាល្អប៉ុន្មាននោះទេ ព្រោះដើម្បីអោយ iPhone, iPad
យើងដំណើរការ បញ្ចេញពន្លឺមក យើងត្រូវផ្លុំ រឺក៏ស្រែកដាក់វា។
បន្ទាប់ពីបានតម្លើង Tweak នេះរួចហើយ យើងនឹងអាចដោះសោរទូរស័ព្ទ តាមរយៈការផ្លុំ រឺក៏ប្រើសម្លេងបញ្ជា និងកាយវិការក៏បានដែរ។ វាប្រើប្រាស់រន្ធស្រូបសម្លេង (microphone) ដើម្បីចាប់យកកម្រិតហ្វេ្រកង់នានា ដែលបង្កើតឡើងតាមរយៈការផ្លុំខ្យល់ សម្លេងនានាជាដើម។ ដូច្នេះដើម្បីដោះសោរ យើងគ្រាន់តែផ្លុំ ដាក់រន្ធ Microphone នៅលើឧបករណ៍របស់់យើង ដែល iPhone រន្ធវានៅខាងក្រោម រីឯ iPad វិញ មានរន្ធនៅខាងលើ។ ខាងក្រោមនេះ ជារបៀបតម្លើង និងប្រើប្រាស់វា ដូច្នេះសូមតាមដានជាមួយយើងទាំងអស់គ្នា។
តម្រូវការ
- iPhone, iPad, iPod Touch 5th ដែលដំណើរការដោយ iOS 7.0.x ឡើងទៅ
- ឧបករណ៍របស់អ្នក បាន Jailbreak រួច (មានកម្មវិធី Cydia)
របៀបតម្លើង
- បើកកម្មវិធី Cydia > ចុចក្រឡោនស្វែងរក > វាយពាក្យ “BlowToUnlock” រួចតម្លើងវា និងចុច Restart Springboard
- បើក Setting > BlowToUnlock > រួចបើក Enable និងពីរខាងក្រោមទៀត
- នៅត្រង់បន្ទាត់ Sensitivity គឺជារបារស្រូបសម្លេង ពោលបើយើងបើកកាន់តែខ្ពស់ នោះកម្រិតចាប់ខ្យល់ រឺសម្លេងបានកាន់តែខ្លាំង។ យើងណែនាំអោយអ្នកដាក់ត្រឹមកម្រិត 0.10 ដល់ 0.20។
- ឥលូវនេះ បិទអេក្រង់ទូរស័ព្ទរបស់អ្នក ហើយព្យាយាមផ្លុំ រឺបញ្ចេញសម្លេង នៅកន្លែងស្រូបសម្លេង ដែល iPhone វាស្ថិតនៅផ្នែកខាងក្រោម និង iPad វាស្ថិតនៅផ្នែកខាងលើ
គូសបញ្ជាក់ផងដែរថា Tweak នេះមិនអាចដំណើរការបានល្អប៉ុន្មានទេ ពោលបើយើងបើកកម្រិត Sensitivity ខ្ពស់ពេក វានឹងឧស្សាហ៍ដោះសោរដោយខ្លួនឯង ពោលជួនកាលសូម្បីតែយើងគោះតុ ក៏វាលោតដោះសោរដោយខ្លួនឯងដែរ។ មួយវិញទៀត សូមកុំព្យាយាមដោះសោរដោយផ្លុំត្រង់រន្ធ Microphone ពេក ព្រោះអីខ្យល់របស់អ្នកដែលផ្លុំ អាចនឹងដោយមកជាមួយទឹកមាត់ ហើយទឹកមាត់នោះ អាចប៉ះពាល់ដល់គ្រឿងក្នុងម៉ាស៊ីនបាន។
ទំព័រដើម http://cambo-report.com
Post a Comment