បច្ចុប្បន្នអ្នកប្រើប្រាស់ iPhone និង iPad មួយចំនួន បានប្រឈមមុខជាមួយនឹងបញ្ហាខូចប៊ូតុង Lockscreen/Power ដោយសារតែវាជាប៊ូតុងដែលយើងត្រូវប្រើប្រាស់ជាប្រចាំដើម្បីចាក់ សោរ ដោះសោរ ក៏ដូចជាបិទបើកឧបករណ៍របស់យើងជាដើម។ ដោយហេតុនេះហើយទើបបានជាអ្នកប្រើប្រាស់មួយចំនួន ងាកមកប្រើប្រាស់មុខងារ Assistive Touch ឬ Tweak មួយចំនួនទៀតដើម្បីធ្វើការចាក់សោរ ឧបករណ៍របស់ខ្លួន។
សម្រាប់ថ្ងៃនេះវិញ យើងនឹងលើកយក Tweak ពិសេសមួយទៀត
ដែលអាចអោយអ្នកទាំងអស់គ្នាធ្វើការចាក់សោរ iPhone និង iPad
កាន់តែងាយស្រួល និងរហ័សដោយមិនចាំបាច់ប្រើប៊ូតុង Lockscreen
ឡើយ។
ជាធម្មតានៅពេលដែលអ្នកធ្វើការអូសទៅផ្នែកកណ្ដាលនៃផ្ទៃអេក្រង់ពីលើចុះ
ក្រោម នោះមុខងារ Search ឬ Spotlight
នឹងបង្ហាញនៅលើផ្ទៃអេក្រង់ជាក់ជាមិនខាន
ប៉ុន្ដែបន្ទាប់ពីអ្នកទាំងអស់គ្នាតម្លើង Tweak ដែលមានឈ្មោះថា
Aslock នេះហើយ អ្នកនឹងមិនឃើញមុខងារ Search ឬ Spotlight
បង្ហាញនៅលើអេក្រង់ទៀតឡើយ
ពោលគឺឧបករណ៍របស់អ្នកនឹងចាក់សោរភ្លាមនៅពេលដែលអ្នកធ្វើការអូស
ផ្នែកកណ្ដាលនៃផ្ទៃអេក្រង់ពីលើចុះក្រោម។
ដើម្បីតម្លើង Tweak មួយនេះសូមអ្នក៖
- ចូលទៅកាន់ Cydia => Sources => Edit => Add => វាយពាក្យថា http://repo.biteyourapple.net
- បន្ទាប់មកអ្នកអាចចូលទៅកាន់ Search រួចវាយពាក្យថា Aslock ហើយធ្វើការតម្លើង
- ក្រោយពីតម្លើងរួចអ្នកអាចចូលទៅកាន់ Settings=>Aslock ហើយធ្វើការបើក Enable ទៅលើ Spotlight Lock និង Trigger Immediately ព្រមទាំងកំនត់ប្រវែងអូសទៅលើ Trigger Length តាមដែលអ្នកចង់បាន។ ដូចនេះអ្នកអាចត្រលប់មកកាន់ Homescreen រួចធ្វើការអូសទៅលើផ្នែកកណ្ដាលនៃផ្ទៃអេក្រង់ពីលើចុះមកក្រោម នោះឧបករណ៍របស់អ្នកនឹងចាក់សោរភ្លាមៗតែម្ដង។
- ប៉ុន្ដែប្រសិនបើអ្នកចង់អោយមុខងារ Spotlight ឬ Search នៅតែបង្ហាញដដែលនោះ សូមអ្នកចូលទៅបើកមុខងារ Show Spotlight នៅក្នុងកម្មវិធី Aslock នេះដដែល បន្ទាប់មកអ្នកត្រូវធ្វើការកំនត់ Trigger Length អោយធំជាង 64។ ដូចនេះនៅពេលដែលអ្នកធ្វើការអូសទៅផ្នែកកណ្ដាលនៃផ្ទៃអេក្រង់ដូច ធម្មតា មុខងារ Spotlight នឹងសបង្ហាញខ្លួនតាមធម្មតា ប៉ុន្ដែបើអ្នកអូសចុះក្រោមរាងវែងបន្ដិចនោះ iPhone ឬ iPad របស់អ្នកនឹងចាក់សោរតែម្ដង។
យើងសង្ឃឹមថា Tweak
នេះនឹងអាចផ្ដល់ភាពងាយស្រួលអោយអ្នកទាំងអស់គ្នាធ្វើការចាក់សោរឧករណ៍
របស់អ្នកកាន់តែរហ័សដោយមិនចាំបាច់ប្រើប្រាស់ប៊ូតុង Lockscreen
ក៏ដូចជាការពារប៊ូតុងនេះកុំអោយឆាប់ខូចផងដែរ។
ទំព័រដើម http://cambo-report.com
Post a Comment