កាលពីខែកញ្ញាកន្លងទៅនេះ ក្រុមហ៊ុន Apple បានធ្វើការដាក់បង្ហាញ iPhone
6 និង 6 Plus ដែលវាមានកម្រិតភាពច្បាស់ ( Resolution ) ធំជាងមុន
ហើយចំពោះ iPhone 6 Plus វិញអាចប្រើប្រាស់ជាលក្ខណៈផ្តេកអេក្រង់បាន។
ក៏ប៉ុន្តែវាមិនថ្វីទេ ពោលអ្នកប្រើប្រាស់ iPhone
ស៊េរីចាស់ៗដែលមានដូចជា iPhone 4s, 5, 5s រឺ ក៏ iPhone 6 ជាដើម
អាចធ្វើការផ្លាស់ប្តូរកម្រិតភាពច្បាស់ ( Resolution )
ទូរស័ព្ទអ្នកអោយធំជាងមុនបានជាមួយ Tweak ថ្មី នេះ
ដើម្បីធ្វើអោយវាងាយស្រួលក្នុងការមើល និងប្រើប្រាស់ជាងមុន។
ជាមួយ Tweak Upscale អ្នកទាំងអស់គ្នាអាចធ្វើការបង្កើនកម្រិតភិចសែលអោយកាន់តែធំជាងមុន អាចអោយអ្នកងាយស្រួលក្នុងការមើល ព្រោះអីអក្សរ ផ្ទាំងកម្មវិធី និងអ្វីផ្សេងៗទៀតបង្ហាញបានធំជាងមុនងាយស្រួលជាងកម្រិតភាព ច្បាស់ដើម។ វីធីនេះក៏អាចបោកប្រាស់មិត្តភក្តិអ្នកថាអ្នកប្រើប្រាស់ទូរស័ព្ទ iPhone 6 រឺ 6 Plus ផងដែរ នៅពេលដែលអ្នកថតផ្ទៃអេក្រង់ (Screenshot) អោយគេមើល។ ប្រសិនបើអ្នកចង់ផ្លាស់ប្តូរបទពិសោធន៍នៃការប្រើប្រាស់ថ្មី និងចង់អោយទូរស័ព្ទអ្នកបង្ហាញរូបភាពបានធំជាងមុននោះ សូមសាកល្បងតម្លើង និងប្រើប្រាស់ Tweak
នេះទាំងអស់គ្នា។
តម្រូវការ
- iPhone 4s, 5, 5s, iPhone 6 ដែលដំណើរការដោយ iOS 8 ឡើងទៅ
- ឧបករណ៍របស់អ្នកបាន Jailbreak រួចរាល់
របៀបតម្លើង និងប្រើប្រាស់
- បើកកម្មវិធី Cydia > Source > Edit > Add > បញ្ចូលពាក្យ “http://repo.bd452.com “ រួចហើយចុច Add
- ចុចក្រឡោនស្វែងរក > វាយពាក្យ com.bd452.upscale ហើយតម្លើងវា
- បន្ទាប់ពីបានតម្លើងបានដោយជោគជ័យហើយ សូមចូលទៅកាន់ Setting> Upscale > ហើយប្រសិនបើអ្នកប្រើ iPhone5/5s សូមជ្រើសរើសយក iPhone 6 រឺ 6 Plus ហើយប្រសិនបើជាអ្នកប្រើ iPhone 6 វិញសូមជ្រើសរើសយក iPhone 6 Plus
- សម្រាប់អ្នកប្រើប្រាស់ iPhone 6 អ្នកនឹងទទួលបានបទពិសោធន៍ថ្មីបន្ទាប់ពីបានជ្រើសរើសយក Resolution iPhone 6 Plus ពោលអ្នកក៏អាចប្រើទូរស័ព្ទអ្នកជាលក្ខណៈផ្តេកអេក្រង់បានផងដែរ។
សូមបញ្ជាក់អោយច្បាស់ម្តងទៀតថា Tweak នេះប្រើដើម្បីបង្កើនកម្រិតភាពច្បាស់ អោយវាធំជាងមុន ងាយស្រួលសម្រាប់មើល និងប្រើប្រាស់។ ជាក់ស្តែងប្រសិនបើអ្នកចូលទៅកាន់កម្មវិធី Setting នោះអ្នកនឹងឃើញមុខងារច្រើនជាងមុន មិនចាំបាច់អោយយើងអូសចុះទៅខាងក្រោមនោះទេ។
ទំព័រដើម http://cambo-report.com
Post a Comment