នៅកំឡុងពេលប៉ុន្មានសប្ដាហ៍នេះ មាន Theme ថ្មីៗនិងស្រស់ស្អាតជាច្រើនប្រភេទ បានបង្ហាញខ្លួនជាហូរហែនៅក្នុង Cydia ហើយខេមបូក៏ធ្លាប់បានបង្ហាញ Theme មួយចំនួនរួចមកហើយកាលពីអត្ថបទមុនៗ។ ដោយឡែកនៅក្នុងថ្ងៃចូលឆ្នាំចិននេះ ខេមបូក៏មានអាំងប៉ាវសំរាប់ប្រិយមិត្តដែរ គឺ Theme ថ្មីៗចំនួន 5 ប្រភេទ ដើម្បីរចនា iPhone របស់អ្នកទាំងអស់គ្នាអោយកាន់តែសំបូរបែប។
Carla for iOS7
Carla ត្រូវបានរចនាមកដោយ Winfis Design សំរាប់ប្រើប្រាស់លើ iOS 7 ដែលជា Theme ដ៏ពេញនិយមសំរាប់ iPhone, iPad និង iPod ហើយវាបានភ្ជាប់មកជាមួយនឹងរូបរាងរបស់ iCon ប្លែកៗ និងពណ៌ស្រស់ស្អាតជាង 200 ឯណោះ។ Carla for iOS7 មានដាក់លក់នៅលើ Cydia Store ក្នុងតម្លៃ 1.99$ ប៉ុន្ដែអ្នកទាំងអស់គ្នាអាចទាញយកដោយឥតគិតថ្លៃតាមរយៈ http://apt.xsellize.com ។
Radiance
ប្រសិនបើអ្នកទាំងអស់គ្នាចូលចិត្ត Theme ដែលមានពណ៌ឆើតៗចំរុះនោះ អ្នកអាចជ្រើសយក Radiance ដែលបង្កើតឡើងដោយអ្នករចនាក្រាហ្វិចសញ្ជាតិម៉ិចស៊ីកូឈ្មោះ Eduardo Lane Lopez ។ Radiance មានភាពភ្លឺចែងចាំងជាមួយនឹង iCon ដែលមានពណ៌លេចៗ និងមានរូបរាង ប្លែកៗគួរអោយទាក់ទាញណាស់។ អ្នកទាំងអស់គ្នាអាចទាញយក Radiance ដោយឥតគិតថ្លៃ តាមរយៈប្រភព BigBoss នៅក្នុង Cydia។
Acies
Acies ជាស្នាដៃរបស់លោក Decke ដែលជាអ្នករចនាក្រាហ្វិចមកពីរដ្ឋផ្លរីដា។ Acies នេះមើលទៅស្រស់ស្អាតមិនចាញ់ Theme ទាំងពីរខាងលើប៉ុន្មានទេ ដោយវាបានសំរិតសំរាំង ម៉ូត និងពណ៌របស់វានីមួយៗយ៉ាងស្រទន់ ធ្វើអោយផ្ទៃអេក្រង់របស់ iPhone មានលក្ខណៈរស់រវើកតែម្ដង។អ្នកអាចទាញយកវាបានដោយឥតគិតថ្លៃពី ប្រភព http://apt.xsellize.com ។
Mojo for iOS 7
មើលទៅការចនារបស់ Mojo for iOS 7 គឺមានលក្ខណៈស្រដៀងទៅនឹង Acies ដែលបានបង្ហាញពីខាងលើដែរ ប៉ុន្ដែបើពិនិត្យអោយច្បាស់ទៅគឺវាពិសេសម្យ៉ាងម្នាក់ ហើយអ្នកអាចស្វែងរក Theme នេះនៅក្នុង Cydia បានតាមរយៈប្រភព http://apt.xsellize.com ដោយឥតគិតថ្លៃ។
7ransparency
នេះគឺជា Theme ចុងក្រោយហើយក៏ជា Theme ដែលខ្ញុំពេញចិត្តជាងគេក្នុងចំណោម Theme ទាំង 5 នេះ ព្រោះវាមិនសូវឆើតឆាយ ដោយ iCon របស់វាមានពណ៌ស្រាល សាមញ្ញ មិនស៊ាំញ៉ាំ ហើយយើងអាចប្ដូរពណ៌របស់វាបានចំនួន 9 ប្រភេទដូចជា លឿង ស ក្រហម ផ្កាឈូក ទឹកក្រូច បៃតង ខៀវ ខ្មៅ និងស្វាយ។ 7ransparency ដាក់អោយទាញយកនៅក្នុង Cydia ដោយឥតគិតថ្លៃតាមរយៈប្រភព BigBoss ។
ដូចនេះ អ្នកទាំងអស់គ្នាអាច រីករាយជាមួយនឹង Theme ថ្មីៗទាំង 5 នេះដោយសេរី ខេមបូសង្ឃឹមថាអ្នកទាំងអស់គ្នានឹងពេញចិត្ត។
ទំព័រដើម http://cambo-report.com
Post a Comment