ពេលវេលាគឺពិតជាដើរលឿនមែន ព្រោះអីយើង ទើបតែណែនាំនូវ Theme ដ៏ស្រស់ស្អាតទាំងប្រាំខែមករាសោះ ប៉ុន្តែលើកនេះគឺខែកុម្ភៈម្តងហើយ។ Theme កំពូលទាំងប្រាំនេះ គឺសុទ្ធតែរូបរាងស្រស់ស្អាត និងខុសប្លែកពី Theme មុនៗឆ្ងាយណាស់។ ជាដំបូង សូមអ្នកទាំងអស់គ្នាបន្ថែម Source ថ្មីមួយសិនចូលទៅក្នុង Cydia ដោយចូលទៅកាន់ Cydia > manage > source > edit > Add វាយពាក្យ (http://repo.biteyourapple.net) រឺក៏ (http://repo.hackyouriphone.org/)។
Axla
Axla គឺជា Thme ដ៏ស្រស់ស្អាតមួយ ដែលមានភាពលេចធ្លោជាង Theme មុនៗ ព្រោះអីរូបភាពនៅក្នុង icon នីមួយៗគឺមានទំហំធំគួរអោយទាក់ទាញណាស់។ រៀងរាល់ icon នីមួយៗប្រើប្រាស់ព៌ណសុទ្ធ មិនចម្រុះ និងមានព៌ណរាងក្រម៉ៅ ដែលធ្វើអោយត្រជាក់ភ្នែក និងមិនឆាប់ធុញទ្រាន់ឡើយ។ ទន្ទឹមនឹងនេះដែរ លោកអ្នកអាចប្រើប្រាស់ icon ជាពីរប្រភេទមួយប្រភេទជ្រុង និងមួយទៀតមូល ដោយគ្រាន់តែផ្លាស់ប្តូរតាម Winterboard តែប៉ុណ្ណោះ។ វាអាចប្រើប្រាស់ទាំងនៅលើ iPhone, iPad និង iPod Touch ដែលដំណើរការដោយ iOS 4 ឡើងទៅ។
iOS 8 Concept
iOS 8 Concept គឺជា Theme ដែលមានរូបរាងស្រដៀងទៅនឹង Theme iOS 7ដែរ គ្រាន់តែវាមានលក្ខណៈផុសជាងមុន។ អ្នកបង្កើត Theme មួយនេះបានដាក់ស្រមោល និងផ្លាស់ប្តូររូបភាពមួយចំនួនក្នុងicon អោយប្លែកជាងមុនបន្តិច។ គួរអោយសោកស្តាយដែរ ដែលវាមិនអាចដំណើរជាមួយ iPad បានឡើយ។
Flaticons
Flaticons គឺជាTheme រាបស្មើរដ៏ស្រស់ស្អាតបំផុតមយ ដែលបានរចនាឡើងយ៉ាងស្រស់ស្អាតបំផុត សម្រាប់អ្នកដែលមិនចូលចិត្តរបស់សាំញ៉ាំ។ Theme មួយនេះមានបន្ថែម icon ចេញថ្មីដល់ទៅ 500 ឯណោះរួមជាមួយការកែច្នៃផ្សេងទៀតចំនួនដប់។ ប្រសិនបើអ្នកប្រើប្រាស់ Theme មួយនេះជាមួយអេក្រង់ Retina នោះវានឹងកាន់តែមានភាពស្រស់ស្អាតទ្វេដងថែមទៀត។ ទោះជាយ៉ាងណាក៏ដោយ Theme មួយនេះអាចប្រើប្រាស់បានតែជាមួយ iPhone និង iPod Touch តែប៉ុណ្ណោះ។
Gusht
Gusht គឺជាTheme ដ៏ពិសេសមួយដែលប្រើប្រាស់ព៌ណចម្រុះជាច្រើន លេងស្ទីលតាមពពួក Android មួយចំនួនផងដែរ។ រចនាបថមួយចំនួនគឺស្រដៀងនឹង Theme Soft remix ដែរ គ្រាន់តែវាមានថែមស្រមោលតែប៉ុណ្ណោះ។ យើងក៏សូមសោកស្តាយផងដែរ ចំពោះអ្នកប្រើប្រាស់ iPad ព្រោះអី Theme មួយនេះវាមិនទ្រទ្រង់ជាមួយ iPad ឡើយ។
iOS 8 infinity
នេះគឺជា Theme ដែលខ្ញុំចូលចិត្តបំផុត ព្រោះអីវាមានព៌ណស្រាល មិនឆើតឆាយ ហើយក៏នៅតែរក្សាលក្ខណៈដើមរបស់ iOS 7 ផងដែរ។ អ្នកបង្កើត Theme មួយនេះជឿជាក់ថា iOS 8 នឹងមានស្ទីសស្រស់បែបនេះឯង។ វាអាចប្រើប្រាស់បានទាំង iPhone, iPad និង iPod Touch ។ដើម្បីផ្លាស់ប្តូរ Themeនីមួយៗ សូមចូលទៅកាន់ Winterboard > Select Theme ហើយជ្រើសរើសយក Theme ណាមួយដែលអ្នកចូលចិត្ត។
ទំព័រដើម http://cambo-report.com
Post a Comment