ការផ្លាស់ប្តូរ Theme នៅលើ iPhone, iPad, iPod Touch
គឺជារឿងមួយដ៏ពេញនិយមបំផុត
ដូច្នេះសម្រាប់អ្នកបង្កើតវិញក៏តែងតែរិះរកនូវ ស្ទីល
និងអ្វីប្លែកៗ ដើម្បីបំពេញចិត្តទៅដល់អ្នកប្រើប្រាស់។
ខាងក្រោមនេះគឺជា Theme ដ៏ស្រស់ស្អាតទាំងបីបំផុត ដែលលោកអ្នកគួរតែសាកល្បង និងសូមចែកចាយទៅកាន់មិត្តភក្កិរបស់អ្នកអំពី Theme ដ៏ស្រស់ស្អាតទាំងបីនេះផង។ ជាដំបូង iPhone រឺក៏ iPod Touch របស់អ្នកត្រូវតែបាន Jailbreak សិន ហើយវាអាចប្រើប្រាស់បានពី iOS 5 ដល់ iOS 7។ Theme មួយចំនួនយើងមិនបានតេស្តសាកល្បងនៅលើ iPad ទេ ថាវាដំណើរការរឺក៏អត់ ដូច្នេះអ្នកប្រើប្រាស់ iPad សូមសាកល្បងប្រើប្រាស់វាដោយខ្លួនឯងណា។
ដើម្បីដោនឡូដ Theme ទាំងនេះដោយឥតគិតថ្លៃ
អ្នកទាំងអស់គ្នាត្រូវបន្ថែម Source ថ្មីមួយសិន ដោយចូលទៅកាន់
Cydia > Manage > Source > Edit > Add >
វាយអក្សរ (http://repo.biteyourapple.net)។ ប្រសិនបើអ្នកបន្ថែម
Source នេះហើយមានបញ្ហា សូមមេត្តាលុបចោល Source
ណាមួយដែលមិនចាំបាច់ ហើយព្យាយាម Add បន្ថែមម្តងទៀត។
Inversify
Theme ដ៏ស្រស់ស្អាតមួយនេះ គឺជា Theme ដែលបានរចនាឡើងពីរជំនាន់មកហើយ ដែលវាមានព៌ណចម្រុះ ប៉ុន្តែស្រទន់ មិនសូវឈឺភ្នែកក្នុងការមើលឡើយ។ វាមានរូបរាងជ្រុង ចំណែកឯផ្នែកកណ្តាល មានរង្វង់មូល និងផតទៅក្នុង ប្លែកភ្នែកម្យ៉ាងដែរ។ Theme មួយនេះសាកសមបំផុត សម្រាប់អ្នកចូលចិត្តលេងស្ទីល និងការរចនាជាដើម។ ប្រសិនបើអ្នកស្រឡាញ់វា សូមបន្ថែម Source ដែលយើងបានរៀបរាប់ខាងលើ ហើយស្វែងរកពាក្យ “Inversify” រួចតម្លើងវាជាការស្រេច។
Ayza
Theme មួយនេះបើមើលមួយភ្លែត វាមិនសូវទាក់ទាញប៉ុន្មាននោះទេ ប៉ុន្តែបើយើងអង្កេតកាន់តែយូរ មើលនូវ icon វានីមួយៗ នោះយើងនឹងកាន់តែចាប់ចិត្តស្រឡាញ់ជាក់ជាមិនខាន។ អ្នករចនា Theme នេះ មិនបានបោះបង់លក្ខណៈដើម នៃ icon នេះទេ បុន្តែគេផ្លាស់ប្តូរមកវិញ នូវរូបភាព និងព៌ណរាងចាស់ជាងមុនបន្តិច ដើម្បីអោយសាកសមនឹងមនុស្សដែលមិនចូលចិត្តអ្វីដែលឆើតឆាយ។ ដើម្បីដោនឡូដ Theme មួយនេះបានដោយឥតគិតថ្លៃ សូមអ្នកទាំងអស់គ្នាចូលទៅកាន់ Cydia ស្វែងរកពាក្យ “Ayza“ រួចតម្លើងជាការស្រេច។
Rollypop
Theme មួយនេះមិនមែនជា Theme ឆើតឆាយ និងថ្លៃថ្នូរ ដូច Theme ទាំងពីរខាងលើនេះទេ ប៉ុន្តែវាគឺជា Theme ដែលស្អាតត្រជាក់ភ្នែក និងប្លែកភ្នែកមួយ។ icon ទាំងអស់មានរូបរាងមូល ហើយការរចនារបស់វាក៏មិនសូវមានច្រើនដែរ គឺមានតែព៌ណ និងរូបភាពតូចៗមួយចំនួនតែប៉ុណ្ណោះ។ បើសិនជាអ្នកចង់ប្រើប្រាស់ Theme មួយដែលមានលក្ខណៈស្អាត រៀបរយ ងាយស្រួលក្នុងការមើល សូមជ្រើសរើសយក Theme នេះចុះ ប្រាកដជាមិនខកបំណងឡើយ។
ដើម្បីផ្លាស់ប្តូរ Theme នីមួយៗ គឺមានភាពងាយស្រួលទេ
ដោយចូលទៅកាន់កម្មវិធី Winterboard ដែលមានស្រាប់នៅលើ Home
screen បន្ទាប់មកទៀតចុច Select Theme និងជ្រើសរើសយក Theme
ណាដែលយើងពេញចិត្តជាការស្រេច។ សង្ឃឹមថា
អ្នកទាំងអស់គ្នានឹងពេញចិត្ត Theme មួយក្នុងចំណោមបីខាងលើនេះ
ហើយសូមមេត្តាចែកចាយបន្តទៅកាន់មិត្តភក្កិរបស់អ្នកផង។
ទំព័រដើម http://cambo-report.com
Post a Comment