ចាប់តាំងពី iOS 7 បានធ្វើការ Jailbreak រួចមក
ក្រុមអ្នកអភិវឌ្ឍបានខិតខំប្រឹងយ៉ាងសកម្ម ក្នុងការបង្កើត Tweak
ថ្មីៗហើយប្លែក ក៏ដូចជា Update Tweak ជំនាន់មុនអោយត្រូវនឹង
iOS 7 នេះ ដើម្បីបំពេញតម្រូវការរបស់អ្នកប្រើប្រាស់។
អ្វីដែលស្មុគស្មាញបំផុតនោះគឺ Tweak ដែលមាននៅក្នុង Cydia
គឺមានចំនួនច្រើនពេក
ដែលពិបាកក្នុងការយល់ពីអត្ថប្រយោជន៍របស់ពួកវា
ប្រសិនបើយើងមិនស្គាល់ Tweak ទាំងនោះ។ ដោយឡែក នៅខណៈនេះ
ខេមបូសូម លើកយក Tweak ចំនួន 3 មកបង្ហាញអ្នកទាំងអស់គ្នា៖
HomeLock
មើលទៅ Tweak នេះមិនសូវជាអស្ចារ្យប៉ុន្មានទេ ប៉ុន្ដែវាផ្ដល់ភាពងាយស្រួលដល់អ្នកប្រើប្រាស់ ក្នុងការធ្វើអោយ iPhone របស់យើងត្រលប់ទៅទំព័រ Homescreen ដើម ឬ ទំព័រផ្សេងទៀតតាម ដែលយើងកំនត់ នៅពេលដែលយើង ចាក់សោរទូរស័ព្ទរបស់យើង ទោះបីជាយើងកំពុងបើក កម្មវិធី ឬហ្គេមអ្វីក៏ដោយ។ ដូចនេះនៅពេលដែលយើងកំពុងបើកកម្មវិធី ឬលេងហ្គេមណាមួយ ហើយចង់បិទវាភ្លាមៗនោះ អ្នកគ្រាន់តែចុចប៊ូតុង Lockscreen របស់អ្នកជាការស្រេច។ HomeLock ដាក់អោយដោនឡូតដោយឥតគិតថ្លៃនៅក្នុង Cydia។
Alkaline
នេះជា Tweak សាមញ្ញមួយសំរាប់អ្នកដែលធុញទ្រាន់នឹងរបាថាមលថ្មដើមរបស់ iPhone ទៅជារបាផ្សេងទៀត ដែលមានលក្ខណៈប្លែកនិងឡូយជាងមុន។ អ្នកអាចទាញយក Alkaline ពីក្នុង Cydia ដោយឥតគិតថ្លៃ។
CCRespring
នៅលើមុខងារ Control Center របស់ iOS 7 បានភ្ជាប់មកតែមុខងារខ្លះៗតែប៉ុណ្ណោះ ដែលនៅខ្វះមុខងារជាច្រើនទៀតដែលអ្នកប្រើប្រាស់ទូទៅត្រូវប្រើ ប្រចាំថ្ងៃ ដូចជា បិទទូរស័ព្ទ បិទបើកទូរស័ព្ទ និង Respring ជាដើម។ ដោយឡែក CCRespring ជា Tweak មួយដែលអាច បន្ថែមមុខងារ Respring ទៅលើ Control Center របស់ iOS 7 បាន ដូចនេះយើងអាចធ្វើការ បានយ៉ាងរហ័សទាន់ចិត្ត ដោយគ្រាន់តែបើកមុខងារ Control Center។ អ្នកអាចស្វែងរក CCRespring នៅក្នុង Cydia និងទាញយកមកតម្លើងដោយឥតគិតថ្លៃ។ ដូចនេះ អ្នកទាំងអស់គ្នាអាចសាកល្បងជាមួយនឹង Tweak ទាំងបីនេះដោយរីករាយ សង្ឃឹមថាអ្នកនឹងពេញចិត្ត ហើយយើងនឹងពាំនាំនូវ Tweak ថ្មីៗនិងប្លែកបន្ថែមទៀតនៅអត្ថបទក្រោយៗ។
ទំព័រដើម http://cambo-report.com
Post a Comment