Control Centre គឺជាមុខងារថ្មីមួយ ដែល Apple
បានបង្កើតឡើងភ្ជាប់ជាមួយ iOS 7
ដើម្បីអោយអ្នកប្រើប្រាស់កាន់តែមានភាពងាយស្រួល
ក្នុងការបន្ថយកម្រិតពន្លឺ សម្លេងនិងបិទមុខងារ Wi-Fi, Bluetooth,
Location ជាដើមកាន់តែងាយស្រួល។ យ៉ាងណាមិញ មុខងារ Control Centre
នៅមិនទាន់មានលក្ខណៈពេញលេញនៅឡើយទេ ដូច្នេះសូមសាកល្បងជាមួយ
Tweak ពិសេសៗខាងក្រោមនេះទាំងអស់គ្នាណា។ វាអាចដំណើរការបានទាំងលើ
iPhone, iPad, iPod Touch ដែលប្រើប្រាស់ iOS 7 ឡើងទៅ ហើយសូមបន្ថែម
Source (repo.biteyourapple.net) សិន ទើបដោនឡូដបានដោយឥតគិតថ្លៃ។
1. Centrex
Tweak នេះនឹងផ្លាស់ប្តូររចនាបថ Control Centre អោយមានសណ្ឋានដូចនឹង Control Centre របស់ iOS 8 ដែរ។ បន្ទាប់ពីតម្លើង Tweak នេះរួចហើយ យើងក៏អាចធ្វើការកែសម្រួលអ្វីផ្សេងៗទៀតដែរ ដោយចូលទៅកាន់ Setting > Centrex។
2. CCControls
CCControls គឺជា Tweak ដ៏ល្បីល្បាញបំផុតមួយ ហើយមនុស្សភាគច្រើនបំផុតសុទ្ធតែបានតម្លើងវារួចហើយ ព្រោះអីវាអាចអោយពួកគេប្រើប្រាស់ iPhone របស់គេបានកាន់តែមានភាពងាយស្រួល។ យើងអាចបន្ថែមរបារផ្លាស់ប្តូរ ដូចជាបិទបើក អ៊ីនធឺណេត 3G, VPN ជាដើម ហើយយើងក៏អាចធ្វើការផ្លាស់ប្តូរពណ៌ និង Theme បានផងដែរ។ ដើម្បីធ្វើការផ្លាស់ប្តូរ យើងត្រូវបើក Setting > CCControls។
3. CCQuick Pro
CCQuick Pro គឺជា Tweak ដែលអនុញ្ញាត្តិអោយយើងបើកកម្មវិធីចាស់ៗ ដោយផ្ទាល់នៅក្នុង Control Centre ដូច្នេះយើងមិនចាំបាច់ចុចប៊ូតុង Home ពីរដងនោះទេ។ វិធីនេះគឺមានភាពងាយស្រួល ហើយក៏រហ័សជាងមុនផងដែរ។
4. CC Deseparator
វាគឺជា Tweak ដ៏តូចមួយ តែមានអត្ថប្រយោជន៍ ដែលវាអាចលុបបន្ទាត់ដែលខ័ណ្ឌចែក ចេញ ដើម្បីអោយកាន់តែងាយស្រួលមើលជាងមុន។
5. CCSystemStatus
វានឹងបង្ហាញនូវពត៌មាន iPhone, iPad របស់អ្នក ដោយផ្ទាល់នៅលើ Status Bar ដែលមានដូចជា លេខ Adress Wi-Fi, ទំហំម៉េម៉ូរីដែលនៅសល់ជាដើម។
Tweak មួយចំនួនអាចនឹងប្រឆាំងគ្នា ប្រសិនបើអ្នកតម្លើងវាច្រើនពេក
ដូច្នេះប្រសិនបើអ្នកទាំងអស់គ្នាជួបប្រទះបញ្ហា
បន្ទាប់ពីតម្លើងហើយ សូមលុប Tweak មួយ
រឺក៏ពីរចោលវិញទៅជាការស្រេច។ ហើយក៏សូមបញ្ជាក់ផងដែរថា
ដើម្បីតម្លើង Tweak ទាំងនេះដោយឥតគិតថ្លៃ អ្នកត្រូវបន្ថែម Source
(repo.biteyourapple.net) សិន។
ទំព័រដើម http://cambo-report.com
Post a Comment