អ្នកប្រើប្រាស់មួយចំនួនធ្លាប់ដឹងមកហើយថា កាលពី iOS 4 5 និង 6 យើងប្រើប្រាស់ Tweak មួយដែលមានឈ្មោះថា SBsetting ដើម្បីងាយស្រួលបិទបើកពន្លឺអេក្រង់របស់យើង ដោយមិនចាំបាច់ចូលទៅ Setting។ ប៉ុន្តែ Apple បានសម្រួលបញ្ហាមួយនេះ អោយមានលក្ខណៈងាយស្រួលជាងមុនហើយ ដោយយើងអាចបិទបើកពន្លឺអេក្រង់ iDevice របស់យើងបានដោយគ្រាន់តែអូសដៃឡើងលើ ចូលទៅកាន់ Control center រួចហើយសារ៉េតែប៉ុណ្ណោះ។
StatusBright គឺជា Tweak ដ៏តូចច្រឡឹងប៉ុន្តែមានអត្ថប្រយោជន៍ខ្ពស់មួយ ព្រោះអីវាអនុញ្ញាតិអោយយើងបន្ថយ រឺក៏បន្ថែមពន្លឺនៃ iDevice របស់យើងបានយ៉ាងងាយស្រួលបំផុត ដោយគ្រាន់តែអូសទៅមុខ រឺទៅក្រោយ នៃផ្នែកខាងលើនៃទូរស័ព្ទទាំងអស់។ វាអាចធ្វើអោយការប្រើប្រាស់របស់យើងកាន់តែមានភាពងាយស្រួល និងចំណេញពេលវេលាបានច្រើនថែមទៀតផង។
Tweak មួយនេះ អាចដំណើរការបាន នៅលើ iPhone, iPad, iPod Touch ដែលបាន Jailbreak និង ដំណើរការដោយ iOS 7 ទាំងអស់ ហើយអ្នកទាំងអស់គ្នាអាចតម្លើងវាបានដោយឥតគិតថ្លៃឡើយ។ ជាដំបូងសូមចូលទៅកាន់ Cydia > ហើយស្វែងរកពាក្យ “StatusBright” រួចតម្លើងវាទៅជាការស្រេច។ ប្រសិនបើអ្នកស្វែងរកមិនឃើញ សូមចូលទៅកាន់ Cydia > Change > ចុចពាក្យ Refresh និងចាំមួយភ្លែត ហើយស្វែងរក Tweak ឈ្មោះ StatusBright ម្តងទៀត។
បន្ទាប់ពីតម្លើងហើយ សូមអ្នកទាំងអស់គ្នាសាកល្បងបន្ថែមបន្ថយពន្លឺ ដោយអូសដៃទៅឆ្វេងរឺស្តាំ នៅជួរខាងលើគេនៃទូរស័ព្ទ នោះអ្នកនឹងឃើញមានអ្វីផ្លាស់ប្តូរជាក់ជាមិនខាន។ សូមបញ្ជាក់ផងដែរថា អ្នកអាចផ្លាស់ប្តូរពន្លឺនេះបាននៅកន្លែង Lockscreen និងនៅ Home Menu តែប៉ុណ្ណោះ។
ទំព័រដើម http://cambo-report.com
Post a Comment