Facebook គឺជាបណ្តាញសង្គមយក្សដ៏ធំមួយ ហើយសព្វថ្ងៃនេះ
ក្រុមហ៊ុនខ្លួនមានភាគហ៊ុនដ៏ច្រើនសន្ធឹកសន្ធាប់
ចាយយ៉ាងណាក៏មិនចេះអស់ដែរ។ ដោយឡែក Facebook
ក៏បានធ្វើតម្រាប់តាម Google ដែរ
ដោយខ្លួនដើរទិញយកក្រុមហ៊ុនបច្ចេកវិទ្យាណា
ដែលអាចផ្តល់ផលប្រយោជន៍ខ្លួនបានក្នុងថ្ងៃទៅមុខ។
ជាក់ស្តែងនៅក្នុងឆ្នាំ 2012 Facebook បានទិញ Instagram
ក្នុងតម្លៃ 1 ពាន់លានដុល្លា ហើយសម្រាប់ឆ្នាំ 2014 នេះវិញ
ខ្លួនបានទិញ WhatsApp ក្នុងតម្លៃ 19 ពាន់លានដុល្លាឯណោះ។
ដោយឡែកសម្រាប់ចុងខែមីនានេះវិញ Facebook មានគម្រោងទិញយកក្រុមហ៊ុន
Oculus មួយទៀត
ដែលជាក្រុមហ៊ុនបង្កើតឧបករណ៍បង្ហាញរូបភាពបែបពិតៗមួយ។ លោក Mark
Zuckerberg ដែលជាស្ថាបនិករបស់ Facebook បានប្រកាសនៅក្នុង Blog
spot របស់គាត់ថា “Oculus គឺជាក្រុមហ៊ុនអេឡិចត្រូនិចដ៏ពិសេសមួយ
ដែលខ្លួនមានគោលដៅបង្កើតរបស់មិនអាចទៅរួច អោយអាចទៅរួចបាន”។
ឧបករណ៍ដែលយើងឃើញបុរសខាងលើពាក់នោះ វាអាចបង្ហាញវីដេអូ
និងរូបភាពផ្សេងៗបាន ដូចទៅនឹងការមើលដោយភ្នែករបស់យើងដែរ។
Oculus នឹងមិនបង្កើតវ៉ែនតាពិសេសនេះ សម្រាប់ប្រើជាមួយវេបសាយ
Facebook.com នោះទេ ផ្ទុយទៅវិញ
ខ្លួននឹងផ្តោតសំខាន់ទៅលើការលេងហ្គេម។ Facebook
និងជួយជ្រោមជ្រែងអោយអស់ពីសមត្ថភាព ដើម្បីជួយ Oculus
អោយបង្កើតឧបករណ៍ដ៏ពិសេសមួយ សម្រាប់អ្នកលេងហ្គេមទាំងឡាយ
អោយមានអារម្មណ៍ដូចពិតៗអញ្ជឹង។ ដោយឡែកទៅថ្ងៃអនាគត
ឧបករណ៍មួយនេះ ក៏នឹងប្រើប្រាស់សម្រាប់អោយ
យើងនិយាយឆ្លើយឆ្លងជាមួយមិត្តភក្កិក្រុមគ្រួសារ
សិក្សាតាមរយៈអ៊ីនធឺណេត រឺក៏ជួបជាមួយគ្រួពេទ្យជាដើម។
សរុបសេចក្តីមក គម្រោងពិសេសៗទាំងនេះ នឹងមិនកើតឡើងនៅក្នុងឆ្នាំនេះ
រឺក៏ឆ្នាំក្រោយឡើយ
ព្រោះអីវាត្រូវចំណាយពេលយូរដើម្បីសិក្សាស្រាវជ្រាវ។
ដោយឡែកមូលហេតុដែលធ្វើអោយ Facebook ទិញយក Oculus
យ៉ាងតក់ក្រហល់បែបនេះ ក៏ព្រោះតែ Sony
ទើបតែចាប់ដំណើរការគម្រោង Morpheus
ដែលជាការបង្កើតឧបករណ៍វ៉ែនតាពិសេស
សម្រាប់បញ្ចេញរូបភាពដូចរូបភាពពិតដែរ។ ដូច្នេះ Facebook
ប្រហែលជាចង់ប្រណាំងប្រជែងជាមួយក្រុមហ៊ុន Sony ហើយ
បានជាខ្លួនទិញយក Oculus បែបនេះ។
អនាគតគឺនៅកៀកនឹងយើងណាស់
ហើយអ្នកទាំងអស់គ្នាត្រៀមខ្លួននឹងប្រើប្រាស់ឧបករណ៍ទំនើបៗនេះរួចហើយ
រឺនៅ? យើងធ្លាប់តែឃើញវានៅក្នុងខ្សែភាពយន្តវិទ្យាសាស្ត្រ
និងគំនូរជីវចល ប៉ុន្តែឥលូវនេះវាលេចរូបរាងបណ្តើរៗហើយ។
Post a Comment