Facetime គឺជាមុខងារពិសេសថ្មីមួយទៀត របស់ Apple
ក្នុងការទំនាក់ទំនងជាមួយមិត្តភក្កិ
និងក្រុមគ្រួសារតាមរយៈប្រព័ន្ធអ៊ីនធឺណែត។ លក្ខណៈប្រើប្រាស់របស់
Facetime គឺស្រដៀងទៅនឹង Skype រឺក៏ Messenger ផ្សេងៗដែរ
ពោលវាអាចខលជាលក្ខណៈសម្លេង រឺក៏អាច មើលមុខគ្នាឃើញដោយផ្ទាល់។
ទន្ទឹមនឹងនេះដែរ Facetime ក៏មានលក្ខណៈពិសេសរបស់វាមួយជាង
Messenger ដទៃផងដែរ ពោលសម្លេងរបស់វាមានលក្ខណៈធ្ងន់
ពិរោះងាយស្រួលស្តាប់ ហើយចំណែកឯកម្រិតវីដេអូវិញក៏ល្អផងដែរ។
ដោយសារតែ មានប្រិយមិត្តមួយចំនួនបានមានចំងល់ទាក់ទងនិងរបៀបប្រើប្រាស់
Facetime និងមុខងាររបស់វា ដូច្នេះពេលនេះ Cambo Report
សូមណែនាំពីរបៀបប្រើប្រាស់
របស់វាអោយអ្នកទាំងអស់គ្នាបានយល់ដឹងបន្ថែម។
តម្រូវការ
- iPhone, iPad, និង iPod Touch ដែលដំណើរការដោយ iOS 4 ឡើងទៅ
- ឧបករណ៍របស់អ្នក ហើយនិងមនុស្សដែលអ្នកនឹងទំនាក់ទំនងទៅ ត្រូវតែកំពុងភ្ជាប់ទៅកាន់បណ្តាញអ៊ីនធឺណែត
- Facetime ប្រើប្រាស់អ៊ីនធឺណែតច្រើន ដូច្នេះអ្នកគួរតែប្រើប្រាស់វានៅតំបន់ Wi-Fi
- លោកអ្នកត្រូវតែមាន Apple ID ផ្ទាល់ខ្លួន ហើយអ្នកតែត្រូវស្គាល់ Apple ID របស់មនុស្សដែលអ្នកចង់ទំនាក់ទំនងទៅ។ (ប្រសិនបើអ្នកមិនទាន់មាន Apple ID សូមចុចទីនេះ )
របៀបតម្លើង Facetime
- ជាដំបូងសូមបើកកម្មវិធី Facetime គឺមានភ្ជាប់ជាស្រេចនៅលើ iDevice របស់អ្នក
- សូម Log in ចូល Facetime ដោយប្រើប្រាស់ Apple ID របស់អ្នក
- សូមប្រាប់មនុស្សដែលអ្នក ចង់ទំនាក់ទំនង
- បន្ទាប់ពី Login ហើយ សូមចូលទៅកាន់ Contacts ដើម្បីមើលបញ្ជីឈ្មោះមិត្តដែលចង់ទំនាក់ទំនងទៅ
- ប្រសិនបើមនុស្សដែលអ្នកចង់ទំនាក់ទំនងទៅ បាន Save ទុកហើយ សូមចុច Edit ព៌តមាន តែបើមិនទាន់មានទេ សូមចុច + ដើម្បីបន្ថែម Contact ។
- អ្នកនឹងឃើញមានជម្រើសជាច្រើន ដូចជា Name, Phone, Email។ សូមចុចលើពាក្យ Email នោះអ្នកនឹងឃើញមានបីជម្រើស ដូចជា Home, Work, iCloud។ សូមជ្រើសរើសពាក្យ iCloud។
- ត្រង់ក្រឡោន iCloud សូមវាយ Apple ID របស់មិត្តភក្កិរបស់អ្នក ដែលចង់ទំនាក់ទំនងទៅ។
- បន្ទាប់ពីបន្ថែម Apple ID របស់មិត្តភក្កិរបស់អ្នកហើយ សូមចុច Done ហើយសាកល្បងខលទៅគេជាការស្រេច។
សូមបញ្ជាក់ផងដែរថា បន្ទាប់ពីអ្នក បានបំពេញព៌តមានដែល Cambo report
បានរៀបរាប់ខាងលើហើយ អ្នកក៏អាចខលជាលក្ខណៈ Facetime
ដោយផ្ទាល់នៅក្នុង កម្មវិធី Phone ក៏បានដែរ។
សូមបំពេញព៌តមានខាងលើនេះអោយបានប្រុងប្រយ័ត្នជាពិសេសត្រង់
Email របស់មនុស្សដែលអ្នកចង់ទាក់ទងទៅ
បើមិនអញ្ជឹងទេវានឹងមិនដំណើរការទេ។
សង្ឃឹមថា អ្នកនឹងធ្វើតាមការណែនាំខាងលើនេះ បានគ្រប់ជ្រុងជ្រោយ ហើយ
Cambo Report ក៏សូមអភ័យទោសផងដែរ
ប្រសិនបើការអធិប្បាយរបស់យើងនៅមានភាពស្រពិចស្រពិលខ្លះ
នេះក៏ដោយសារបើយើងកាន់តែរៀបរាប់ច្រើន
នោះប្រិយមិត្តមួយចំនួននឹងរឹតតែឈឺក្បាល។
Post a Comment