Find my iPhone គឺជាមុខងារដ៏ពិសេសម្យ៉ាងរបស់ iOS
ដែលវាអនុញ្ញាតិអោយយើងតាមដានពីទីតាំងរបស់ iPhone, iPad និង iPod
Touch របស់យើងកំពុងតាំងនៅបាន និងបញ្ជាអ្វីផ្សេងៗទៀត។
មូលហេតុដែលធ្វើអោយក្រុមហ៊ុន Apple នឹកឃើញបង្កើតមុខងារនេះមក
នោះក៏ព្រោះតែ iPhone គឺជាគោលដៅដ៏ធំរបស់ចោរ ដែលក្នុងមួយឆ្នាំៗ
iPhone រាប់លានគ្រឿងត្រូវបានបាត់ ដោយអំពើចោរកម្មផង
និងបាត់ដោយភាពខ្វះការប្រុងប្រយ័ត្ន។
មុខងារនេះមានអត្ថប្រយោជន៍ច្រើនដែរ
ព្រោះអីវាបានជួយទៅដល់ជនរងគ្រោះជាច្រើន
អោយស្វែងរកឧបករណ៍របស់គេឃើញវិញ រីឯអ្នកខ្លះទៀតបានបញ្ជាអោយ
iDevice នោះក្លាយទៅជាថ្មតែម្តង។
ទន្ទឹមនឹងគុណសម្បត្តិរបស់មុខងារនេះ
វាក៏បានផ្តល់ផលប៉ះពាល់ច្រើនផងដែរ ទៅដល់ជនរងគ្រោះមួយចំនួន។
នៅក្នុងកិច្ចសម្ភាសន៍របស់វេបសាយ The New York
ជាមួយនឹងស្នងការប៉ូលីសរបស់សហរដ្ឋអាមេរិចបានអោយដឹងថា
ជនរងគ្រោះដែលបានបាត់ iPhone, iPad របស់គេភាគច្រើន
គឺបានដើរទៅចាប់ចោរនោះដោយខ្លួនឯងតែម្តង
ទាំងគ្មានអារម្មណ៍ភ័យខ្លាចទាំងអស់។ ជាការពិតណាស់
ជនរងគ្រោះគប្បីគួរតែសុំជំនួយពីអជ្ញាធរមានសមត្ថកិច្ច
រឺក៏អ្នកដែលមានសមត្ថភាពផ្សេង ដើម្បីអោយជួយពួកគេបាន
ចៀសវាងធ្វើវាដោយខ្លួនឯង។
ជនរងគ្រោះខ្លះបាននាំយក កាំបិត ពូថៅ និងអាវុធផ្សេងៗទៀត
ទៅជាមួយដើម្បីយកទៅការពារខ្លួន
និងទទួលបានសម្ភារៈរបស់គេបានមកវិញ ប៉ុន្តែគេភ្លេចខ្លួនថា
ចោរនោះក៏អាចនឹងមានកាំភ្លើងនៅក្នុងដៃផងក៏មិនដឹង។
វីធីទៅចាត់ការទាំងកម្រោលនេះគឺគ្មានបានការនោះទេ
ហើយថែមទាំងអាចឈឺសាច់លើសដើមទៅទៀត ដូច្នេះប្រសិនបើអ្នកគិតថា
អ្នកគ្មានសង្ឃឹមនឹងទទួលបាន iPhone មកវិញទេនោះ
អ្នកអាចបញ្ជាលុបឯកសារចោលទាំងអស់ទៅជាការស្រេច
ហើយឧបករណ៍នោះនឹងក្លាយទៅជារបស់ឥតបានការជាក់ជាមិនខាន។
សរុបសេចក្តីមក ប្រសិនបើអ្នកបានបាត់ iPhone, iPad រឺក៏ iPod Touch
អ្នកនៅតាម ទីសាធារណៈ នោះគឺវាអាចចាត់ទុកជាពីរករណី
មួយអំពើចោរកម្ម និងមួយទៀតមានគេរើសបាន។ ដូច្នេះ
ដើម្បីមានប្រសិទ្ធភាពខ្ពស់
អ្នកទាំងអស់គ្នាគួរតែសុំជំនួយពីសមត្ថកិច្ចនានា
ដើម្បីជួយអន្តរាគមន័ រឺក៏អាចតាមដានដោយខ្លួនឯងសិន
ថាអ្នកដែលកំពុងកាន់ iDevcie អ្នកក្នុងដៃនោះគឺជាចោរ
រឺជាមនុស្សធម្មតា។
Post a Comment