iCloud Activation Lock គឺជាមុខងារសុវត្ថិភាពដ៏ខ្ពស់មួយនៅលើឧបករណ៍
iPhone, iPad និង iPod Touch។ សម្រាប់ឧបករណ៍ដែលប្រឈមមុខនឹងជាប់
iCloud Activation
នេះគឺមកពីហេតុផលចំនួនបីគឺទីមួយមកពីអ្នកទិញទូរស័ព្ទមួយទឹក
ហើយវាជាប់គណនី iCloud របស់គេ ទីពីរអ្នកភ្លេចគណនី Apple
និងលេខសំងាត់របស់វា និងទីបីនោះគឺវាគឺជារបស់ រើសបាន
រឺក៏លួចពីអ្នកដទៃ។ នៅប្រទេសកម្ពុជាយើងសព្វថ្ងៃនេះ
អ្នកដែលបានរងគ្រោះដោយសារបញ្ហានេះ គឺមានមិនតិចនោះទេ
ដែលភាគច្រើនគឺមកពីទិញរបស់មួយទឹក ដែលជាប់ ID គេ
ចំណែកឯមួយចំនួនធំទៀត គឺខ្ចីគណនីគេប្រើហើយក៏ភ្លេចបាត់ទៅ។
សំនួរដែលពិបាកឆ្លើយមួយ ដែលប្រិយមិត្តមួយចំនួនធំបានសួរមកកាន់ Cambo
Report នោះគឺថា តើមានវិធីដោះស្រាយរឺក៏អត់ ចំពោះ iPhone និង
iPad ដែលជាប់ iCloud Activation នេះ?
ចម្លើយនោះគឺ ថាគ្មានវិធីអ្វី រឺក៏នរណាម្នាក់ឡើយ
ដែលអាចរំដោះឧបករណ៍អ្នកចេញពី iCloud Activation នេះបានឡើយ។
ហើយប្រសិនបើជាមាននរណាម្នាក់អាចធ្វើបាន
នោះវានឹងចាត់ទុកជាអំពើខុសច្បាប់ ចំណែកឯ Apple
ប្រាកដជារារាំងវិធីនេះ តាមរយៈបង្កើនសុវត្ថិភាពរបស់ iCloud
Activation ជាក់ជាមិនខាន។ ព្រមគ្នានេះដែរ
អ្នកទាំងអស់គ្នាមិនចាំបាច់រង់ចាំ អោយក្រុមអ្នក Jailbreak
ស្វែងរកវិធីដោះស្រាយបញ្ហានេះអី ព្រោះអីវាខុសពីគោលការណ៍
Jailbreak ហើយក៏ជាទង្វើខុសច្បាប់ធ្ងន់ធ្ងរដែរ។
ដោយឡែក យើងក៏ឃើញមានមនុស្សច្រើនដែរ បង្ហាញពីវិធីដោះស្រាយជាប់ iCloud
នេះ ប៉ុន្តែយើងសូមបញ្ជាក់ថា វិធីមួយចំនួនអាចជួយដោះស្រាយបាន
តែមិនមានសេវាទូរស័ព្ទ ចំណែកឯវិធីមួយចំនួនទៀត
គឺគេដូរគ្រឿងគ្រៅទូរស័ព្ទរបស់យើង។
ដើម្បីចៀសវាងពីបញ្ហាជួបបញ្ហាជាប់ iCloud Activation នេះនៅថ្ងៃមុខ យើងមានដំបូន្មានខ្លះសម្រាប់អ្នក
1.សម្រាប់អ្នកដែលទិញរបស់មួយទឹក
សូមចូលទៅកាន់ Setting > iClouds
ហើយនឹងពិនិត្យមើលថាតើមានគណនីនរណាម្នាក់នៅជាប់ទីនោះរឺក៏អត់។ បើមាន
សូមអោយអ្នកលក់លុបចេញ ប៉ុន្តែដើម្បីមានសុវត្ថិភាពខ្ពស់ 100
ភាគរយ សូមអោយគេ Restore
រឺក៏អាប់ដេតទូរស័ព្ទយើងអោយស្អាតតែម្តង។
2. សម្រាប់អ្នកដែលទិញរបស់ថ្មី
សូមប្រើប្រាស់គណនី Apple ដែលបង្កើតដោយខ្លួនឯង
និងប្រើប្រាស់អ៊ីម៉ែលផ្ទាល់ខ្លួនដើម្បីបង្កើត។ ព្រោះអីនៅថ្ងៃមុខ
ទោះបីជាអ្នកភ្លេចថាគណនីអ្នកមានឈ្មោះអ្វី រឺក៏លេខសំងាត់អ្វី
អ្នកនៅតែអាចដឹងវាតាមរយៈចូលទៅកាន់វេបសាយ iforgot.apple.com ។ ប្រសិនបើអ្នកមិនទាន់ចេះបង្កើតគណនី Apple ទេ សូមចុចទីនេះ
3. សម្រាប់អ្នកដែលបានបាត់ រឺក៏រើសបាន iPhone, iPad របស់គេ
បើ iCloud គ្មានប្រយោជន៍ នោះគេនឹងមិនបង្កើតវាឡើយ
ព្រោះអីវាអនុញ្ញាតិអោយ យើងរក្សាឯកសារ
និងអាចបញ្ជាទូរស័ព្ទយើងពីចម្ងាយបាន ។
ប្រសិនបើអ្នកបានបាត់ទូរស័ព្ទ សូមចូលទៅកាន់វេបសាយ iCloud.com
ហើយ Login រឺក៏ប្រើប្រាស់កម្មវិធី Find my iPhone
ដែលអាចដោនឡូដបានចេញពី App Store។ យើងអាចបញ្ជាស្វែងរកទីតាំង
បើក Lost Mode រឺក៏កំទេចទូរស័ព្ទនោះចោលតែម្តងក៏បាន។
ទោះបីជាអ្នកមិនបានបញ្ជាកំទេចពេលនេះក៏ដោយ
ក៏ប៉ុន្តែប្រសិនបើអ្នករើសបាននោះហ៊ាន Restore រឺតម្លើងទៅកាន់
iOS ជំនាន់ថ្មី វាប្រាកដជាជាប់ iCloud Activation
ជាក់ជាមិនខាន។ ដូច្នេះជាដំបូន្មានសម្រាប់អ្នកដែលរើសបាន iPhone
និង iPad របស់គេ សូមប្រគល់អោយម្ចាស់គេវិញ
ព្រោះអីវាចំណេញទាំងសងខាង។
សរុបសេចក្តីមក បញ្ហា iCloud
នេះមិនមែនជាបញ្ហាតូចតាចដែលអ្នកគួរមើលរំលងឡើយ ព្រោះអី iPhone, iPad
ដ៏មានតម្លៃរបស់អ្នក
អាចនឹងក្លាយទៅជាដុំថ្មប្រសិនបើអ្នកហ៊ានធ្វេសប្រហែស។
ហើយសូមប្រុងប្រយ័ត្នផង ព្រោះអីថ្មីៗនេះ
មានជនរងគ្រោះច្រើនបានត្អូញត្អែថា
មានជាងទូរស័ព្ទមួយចំនួនបានដាក់ គណនីគេ
ចូលទៅក្នុងទូរស័ព្ទអតិថិជន ដើម្បីអោយគាំងខូច
ហើយទទួលទិញយកក្នុងតម្លៃថោក។
Post a Comment