ការប្រើប្រាស់សេវាកម្ម Internet នាពេលបច្ចុប្បន្ននេះ
មានចំនួនអ្នកប្រើប្រាស់ច្រើនណាស់នៅជុំវិញពិភពលោក។
នេះដោយសារតែការប្រើប្រាស់ Internet
បានផ្តល់ផលប្រយោជន៍ច្រើនក្នុងជីវភាពរស់នៅរបស់មនុស្ស។ ចង់ដឹងទេ?
ថាតើ Internet ផ្តល់ប្រយោជន៍អ្វីខ្លះដល់យើង?
Internet គឺជាបណ្តាញកុំព្យូទ័រសកលមួយ ដែលផ្តល់នូវពត៌មានផ្សេងៗ និង
មជ្ឈដ្ឋានទំនាក់ទំនងគ្នាទៅវិញទៅមកតាមរយៈប្រូតូកូល ស្តង់ដារមួយ។
Internet ត្រូវបានគេរកឃើញតាំងពីឆ្នាំ ១៩៥០ មកម្ល៉េះ
ប៉ុន្តែអ្នកប្រើប្រាស់ភាគច្រើនទើបតែដឹងពីអត្ថប្រយោជន៍នៃការ
ប្រើប្រាស់វា។ នៅថ្ងៃនេះ
យើងសូមបង្ហាញពីអត្ថប្រយោជន៍មួយចំនួននៅពេលដែលយើងប្រើ Internet
ដូចខាងក្រោម៖
ដូចខាងក្រោម៖
- Faster Communication: មានន័យថា ទំនាក់ទំនងកាន់តែឆាប់រហ័ស អាចឲ្យយើងផ្ញើឯកសារឬលិខិតផ្សេងៗ ទៅកាន់មនុស្សនៅជុំវិញខ្លួនយើង តាមរយៈសារអេឡិចត្រូនិច Email ក្នុងល្បឿនយ៉ាងឆាប់រហ័ស ទោះបីស្ថិតនៅចម្ងាយឆ្លងទ្វីបក៏ដោយ ក៏អាចបញ្ជូនទៅឲ្យក្នុងរយៈពេលមួយប៉ប្រិចភ្នែកប៉ុណ្ណោះ។
- Abundant Information Resources: ប្រភពពត៌មានសម្បូរបែប មានន័យថា នៅលើ Internet មានប្រមូលផ្តុំទៅដោយចំណេះដឹងគ្រប់រូបភាព គ្រប់វិស័យទាំងអស់ ជាពិសេសចំណេះដឹងអប់រំតែម្តង។
- Inexhaustible Education: ងាយស្រួលរកឯកសារសិក្សាតាមបណ្តាញ Internet។
- Entertainment for Everyone: ការកម្សាន្តសម្រាប់ទាំងអស់គ្នា យើងអាចប្រើ Internet សម្រាប់ការកម្សាន្ត វីដេអូ ខ្សែភាពយន្ត ឬ ហ្គេមអនឡាញជាដើម។
- Social Networking and Staying Connected: បណ្តាញទំនាក់ទំនងសង្គម គឺ យើងអាចមានសកម្មភាពក្នុងសង្គមតាមរយៈការប្រឡូកលេង កម្មវិធីបណ្តាញសង្គមមួយចំនួនដូចជា Facebook, Twitter, Google Plus, Pinterest ,Skype និង Instagram ជាដើម។
- Online Services and E-commerce: សំដៅទៅលើការធ្វើ Business តាមអនឡាញ។ យើងអាចផ្សព្វផ្សាយពាណិជ្ជកម្មអ្វីមួយនៅលើវាបាន ហើយថែមទាំងអាចធ្វើការទិញដូរ នៅលើអនឡាញបានទៀតផង។
ខាងលើនេះ គឺជាចំណុចវិជ្ជមាននៃការប្រើប្រាស់ Internet ។
បើទោះបីជាយ៉ាងណាក៏ដោយ ការប្រើប្រាស់ Internet
ក៏ជះឥទ្ធិពលខ្លះដល់អ្នកប្រើប្រាស់ផងដែរ ដូចជា៖
- Theft of Personal Information: សំដៅទៅលើការចូលលួចពត៌មានផ្ទាល់ខ្លួនរបស់អ្នកប្រើប្រាស់នៅពេល Access ចូលទៅកាន់ Internet ពីសំណាក់ក្រុមបិទមុខ Hacker។
- Spamming and Malware threads: គឺការជ្រៀតចូលនូវ Spam (មេរោគ)នៅពេលមានការផ្ញើ Email ឬធ្វើអ្វីមួយនៅលើ Internet។
- Age-inappropriate Content មានរឿងរ៉ាវខ្លះ វាប៉ះពាល់ដល់ស្មារតីអ្នកប្រើប្រាស់មិនទាន់គ្រប់អាយុ ដូចជាការចូលទៅបើកមើលវ៉ិបសាយ អាសអាភាស លេងហ្គេមអនឡាញ ជាដើម ដែលនេះជាគ្រោះថ្នាក់ធំបំផុត គួរជៀសវាងឲ្យឆ្ងាយសម្រាប់កុមារ។
ដូច្នេះ ការប្រើប្រាស់ Internet
ពិតជាផ្តល់នូវគុណសម្បត្តិច្រើនដល់មនុស្សមែន
ប្រសិនបើយើងចេះប្រើប្រាស់វាឲ្យបានត្រឹមត្រូវ
ហើយវាក៏ជះឥទ្ធិពលតិចតួចផងដែរ ចំពោះអ្នកប្រើប្រាស់មួយចំនួនតូច
ជាពិសេសជនដែលពុំទាន់គ្រប់អាយុប្រឡូកក្នុងសង្គម៕
Post a Comment