អ្នកប្រើប្រាស់កុំព្យូទ័រ Laptop ភាគច្រើនតែងតែរអ៊ូរទាំ និង ឆ្ងល់ថាតើ
Laptop របស់គេ ស៊ីថ្មខ្លាំងម៉្លេះ បន្ទាប់ពីប្រើប្រាស់មួយរយៈមក។
ថាមពលថ្មប្រើប្រាស់
ជារឿងមួយដែលប្រិយមិត្តទាំងអស់គួរយកចិត្តទុកដាក់ និង
គួរតែដឹងពីហេតុផល ថាតើហេតុអ្វីបានជាវាស៊ីថ្ម?
ហើយត្រូវធ្វើដូចម្តេច
ដើម្បីជួយសន្សំថាមពលថ្មអោយប្រើប្រាស់បានយូរ? នៅថ្ងៃនេះ
ក្រុមការងារខេមបូរីផត យើងខ្ញុំ សូមបង្ហាញពីគន្លឹះមួយចំនួន
ដើម្បីធ្វើអោយថ្ម Laptop របស់អ្នក ដំណើរការបានយូរជាងធម្មតា
ដោយអនុវត្តតាមចំណុចដូចខាងក្រោម។
1. លោកអ្នកត្រូវធ្វើការដោះចេញ និង ដាក់ចូលវិញ រៀងរាល់មុនពេលប្រើប្រាស់ម្តងៗ។
2. ប្រើប្រាស់នូវ Hard Drive អោយបានច្រើនជាង CD/DVD Drive
ព្រោះនៅពេលប្រើ CD/DVD Drive ម្តងៗ
វាត្រូវការថាមពលខ្លាំងណាស់សម្រាប់ដំណើរការអ្វីមួយ។
3. ត្រូវធ្វើការសម្អាតកន្លែងដោតថ្ម Laptop ដោយប្រើក្រណាត់ទន់ លាយជាមួយទឹកអាល់កុល។
4. ត្រូវតែទៅបិទ WiFi ប្រសិនបើយើងមិនចាំបាច់ប្រើប្រាស់វា អាចចុចបិទនៅលើកុំព្យូទ័រក៏បាន នៅលើ Software ក៏បាន។
5. ជាធម្មតា លោកអ្នកនៅពេលចង់ឈប់សម្រាកតែងតែអោយកុំព្យូទ័រ Stand By
តែ យើងសូម Recommend អោយយក Hibernating វិញទៅ
ព្រោះអាចសន្សំសំចៃថាមពលថ្មបានមួយកម្រិតដែរ។
6. ចូលឧស្សាហ៍ធ្វើការ Defragment Hard Disk Drive របស់លោកអ្នក និង
បិទនូវ Processes មួយចំនួន ដែលមិនទាន់ត្រូវការប្រើប្រាស់។
7. ការបន្ថយនូវកម្រិតពន្លឺនៃអេក្រង់ក៏រួមចំណែកសន្សំសំចៃថាមពលថ្មបានខ្លះផងដែរ។
8. រាល់ External Devices ដូចជា USB Flash Drive ឬ External Hard
Disk បន្ទាប់ពីប្រើហើយ ត្រូវដកចេញមកវិញ
ព្រោះកាលណាទុកវាជាប់នៅទីនោះ អាចស៊ីថាមពលថ្មខ្លះៗដែរ។
9. ក្នុងករណីដែលលោកអ្នក យក Devices ផ្សេងទៀតមកសាកពីកុំព្យូទ័ររបស់អ្នក នោះវានឹងឆាប់អស់ថ្មជាមិនខាន។
10. ការបើកនូវកម្មវិធីច្រើនក្នុងពេលតែមួយ
អាចធ្វើអោយថ្មកុំព្យូទ័ររបស់អ្នកឆាប់អស់ជាងធម្មតា ដូច្នេះ
បើមិនចាំបាច់ទេ ត្រូវបើកមួយប្រើមួយទៅ។
ដូច្នេះដើម្បីអោយថាមពលថ្ម Laptop របស់អ្នក ប្រើប្រាស់បានយូរជាងធម្មតា
អ្នកត្រូវតែគិតគូលើចំណុចទាំងអស់ខាងលើនេះ ហើយសូមបញ្ជាក់ថា
នៅមានចំណុចមួយចំនួនទៀត ដែលលោកអ្នកធ្វើបាន
ដើម្បីអោយប្រើប្រាស់កុំព្យូទ័រកាន់តែបានយូរ។
Post a Comment