[Cydia] វិធីសាស្រ្តក្នុងការប្តូរកាំសេវា iPhone របស់អ្នកជារាងបេះដូង ជាមួយ Tweak Heart Signal Bar

ក្រុមយើងខ្ញុំ បានលើកបង្ហាញជាច្រើនដងរួចមកហើយទាក់ទងនឹង Tweak ក៏ដូចជា Themes ថ្មីៗ ស្រស់ស្អាតជាច្រើន ជូនដល់ប្រិយមិត្តអ្នកអានទាំងអស់គ្នា ប៉ុន្តែខុសពីរាល់ដង ក្នុងថ្ងៃនេះដែរ ក្រុមការងារយើងខ្ញុំនឹងលើកយកនូវវិធីសាស្រ្តក្នុងការប្តូរកាំ សេវា iPhone របស់អ្នកឲមានរាងជាបេះដូងវិញម្តង។ បើសិនជាលោកអ្នកគិតថាកាំសេវានេះមានភាពស្រស់ស្អាត និងទាក់ទាញដូចរូបដែលបង្ហាញនៅខាងក្រោមនោះ លោកអ្នកអាចសាកល្បងតម្លើងវាបាន។

តម្រូវការៈ

iPhone ដែលដំណើរការដោយប្រព័ន្ធប្រតិបត្តិការណ៍ iOS 7 និង iOS 8 ឡើងទៅ
មានការ Jailbreak ត្រឹមត្រូវ និងមានតម្លើង Cydia រួចជាស្រេច

របៀបតម្លើង និងរបៀបប្រើ

ចូលទៅក្នុង Cydia រួចធ្វើការស្វែងរក ដោយវាយពាក្យគន្លឹះ “Heart Signal Bars” (បើសិនជាមិនអាចរកវាឃើញនោះទេ សូមធ្វើការ Refresh Cydia របស់អ្នក និងស្វែងរកម្តងទៀត) ។
ធ្វើការតម្លើងវា ដោយចុចលើ Heart Signal Bars និងចុចលើ Install
បន្ទាប់ពី Install វាបានជោគជ័យហើយនោះ អ្នកអាចធ្វើការ Set វាឲ្យដំណើរការបាន ដោយចូលទៅក្នុង Setting => Winterboard => Select Themes => និង Tick លើ Heart Signal Bars បន្ទាប់មកត្រលប់មក Winterboard វិញ និងធ្វើការ Respring
ជាចុងក្រោយ អ្នកនឹងឃើញ កាំសេវា iPhone របស់អ្នកនឹងក្លាយមកជារាងបេះដូងវិញជាមិនខាន។

សម្គាល់: Heart Signal Bars នេះអាចផ្លាស់ប្តូរកាំសេវារបស់អ្នកទៅជារាងបេះដូងបានតែនៅក្នុង Homescreen តែប៉ុណ្ណោះ ប៉ុន្តែនៅក្នុង Lockscreen របស់អ្នក វានឹងបង្ហាញរាងធម្មតាវិញ។